بدون مقدمات بادخل في الموضوعأمس طلع زوجي مع صديقه إلي ماواطنه من أسمه أحس أنه غلط المهم وقالي ماباتأخر قلت له الله معاك عاد آنه زوجي يقولي باطلع جان أموت من القهر أدور حجه عشان أتصل عليه وأشوفه وينه ( ماترك عني الحركات البوليسيه ) المهم دقت الساعه 12 جان أدق عليه مره مرتين ثلاث مليون مافي رد مره محد يرد مره مسكر مره ينقطع يــــــــاه شسالفه جان يشتغل عندي المغص في المصران وزوجي من النوع إلي يقهر إلأي يحط الموبايل في الجاكت ويعلقه في الحزام يعني كرمكم الله حتى دورة المياه معاه التلفون وآنه متزوجته صار لي سنتين عمره ماخله الموبايل بالسياره ونزل عنه
عاد يومها يقول الاخ أنه نسى الموبايل في السياره وآنه يامسكينه أدق وأدق وأطرش مسجات عاد ماقصرت بالمسجات كل مسج ألعن من ألي قبله إيه ونسيت أقولكم زوجي يشرب خمر بس مو دايم في المناسبات أو إذا طلع مع رفيجه اللوح ذيه وكل مره يطلع أدق عليه يرد علي ويقولي آنه شارب وآنه في المكان الفلاني يعني ماكان خوف منه إنه ماكان يرد

ألحين ألي ذابحني من القهر ليش ماكان يرد وين كان وماخفي عليكم يوم رجع كان ياعان ماعليه باكون وقحه شوي وباقولكم بالتفصيل الحوار إلي دار بينه دق علي وقالي وش هالمسجات جنيتي أنتي وهو ميت من الضحك (سكران ) ماعليه شرها جان أقوله لاترجع البيت روح حق إلي كنت معاها لأني ماراح أفتح لك الباب وتم يدق الباب ويتصل عاد عور قلبي وفتحت له الباب لما دخل ولا جنه في شي يضحك وقعد يتعشه

المهم ألحين تتوقعون من إلي زعلان ؟

هو تدرون ليش لأني كلمت أمه وقلت لها أنه يشرب وهو طبعاً مبين حق هله أنه عكس ذلك
جان البارحه أقوله يا آنه ياللوح رفيجك جان يقولي روحي روحي رقدي آنه مو ياهل عندج جان أقوله يا آنه يا رفيجك الزبده ماراح أطول قالي بس ماراح أطلع معاه ورحت آنه رقدت

اللحين عقب ماعورت راسكم إلي أبي اعرفه بس هل آنه غلطانه لأني قلت حق أمه الصراحه صديقاتي بعضهم لاموني وقالولي أسرار الزوج لازم ماتطلع برع وهو يقول لازم ماتفضحيني عند أهلي أنتو وش رايكم إلي سويته صح ولا غلط


ترى أختصرت لكم الموضوع كثر ما أقدر وقلته لكم بأسلوب فكاهي أشوي عشان أخفف عن روحي أشوي يالله بـــــــــــاي

السلام عليكم ورحمة الله وبركاته

اعذريني اختي بس انتي غلطانة
اسرار زوجك لازم تكون بينك وبينه ولازم لا اهلك يدرون ولا اهله علشان كاذا عنده اسرار يقولك وتكونين اول انسانة تعرف وما يخش عليك شي
اعذريني
والله يوفقك

هاي حبيبتي الموضوع خطير انت عارفة ان شارب الخمر يسقى من طينة الخبال عرق اهل النار وهو باب كل معصية
حبيبتي تقربي من زوجك اكثر حاولي تكسرين الملل والروتين وشوفي شي يحب وسويه وبعدين شوي شوي بيني له انك خايفة على صحته من الخمر وجيبي مقالات عن اضراره وحالات الادمان سوي بحث في قوقل وبعدين حسسيه انه غالي عندك كثيررررررررررررررر وانك تخافين عليه من الخمر ومشاكله وبعدين اذكري له انه محرم وعقاب الاخرة
بس بالتدررررررررررررريج وطولي بالك ياروحي
واتمنى لك التوفيق وسالت الله ان يبعد عنه الخمر ويرده لك ردا جميلا
واخيرررررررررررا اخيتي لاتنسسسسسسسسسسسسسي الدعاء له في ظهر الغيب وخاصة في الثلث الاخير من الليل

أختي
أم مروه

صح كلام صديقاتك المفروض أسرارك الزوجيـــــــه في بيئر وانك لازم ما تقولينها لأحـــــــــد بقدر ما تستطيعي علشان تتجنبي المشاكل
بس انتي لازم تتستري على زوجــــــك وانتي بطريقتك لازم توقفيه عن الشرب لانه محـــــــرم ,,,هذا أكيد من أصدقاء السوء,,
عزيزتي
تقربي من زوجــــــــــك أكثر
أتمنى اني أفدتـــــــك’’’

الله الموفق,,

السلام عليكم
ياختى سامحينى بقولك كلام شوى قاسى بس ما عليه لازم اقولك
انت ياختى عالجتى الغلط بالغلط الاول بدل ماتعاملى زوجك بالحنية وتاخديه لصفك قاعدة تباعديه عنك مثل ماقلتلك اختى رمز الطيبة والثانى انك شكيتيه لامه وبعد حكيتى لصحباتك على سر زوجك ودخلتى الناس بخصوصيات بيتك والباين منكلامك انك فاقدة الامل فى صلاح زوجك او انك راضية الى حد ما وكلامك يدور على انك غلطت يوم حكيتى لاهله والا لا وهذا يخلينى احس انك ما سعيتى لاصلاح زوجك .
والسموحة اختى ترانى ما اريدك الا الخير وعسى الله يهدى بالك ويصلح زوجك ويصبرك على ما ابتلاك.[IMG]://www.moq3.com/pics/up/g_26_10_06/877ada341a.jpg[/IMG]

ليش كلكم تقولون إني غلطانه لأني حكيت لأمه الموضوع لازم حد يتدخل آنه صبرت عليه سنتين ونصحته وجيته بالسياسه والكلام الحلو ومافاد يوم ضاقت بي الدنيا قلت لازم أعلم أمه على الأقل يمكن يكون لها كلمه أكثر مني ماقدر أصبر أكثر وأصبر لي متى لين الله لا يقول يسوي حادث وبعدين أقول ليتني تكلمت من زمان.
وشي ثاني بعد أهله ماخذين عنه فكره أنه متدين ومايسوي الغلط وكلما يصير شي يقولون لي يمكن آنه السبب وحتى يوم حكيت لأمه السالفه قالت لي يمكن أنتي متهاوشه معاه وهو متضايق راح شرب جان أقولها لا ولدج يشرب من قبل لايتزوجني.

ألحين أخاف أكلمه آنه ويقوى علي ويطلعني الغلطانه ولا أستفيد شي من إلي سويته وأخاف أسكت عنه يرجع يشرب مره ثانيه

شوفي عزيزتي ام مروة كون انك صبرت عليه سنتين ومامشي الحال فانتي ماغلطت لمن خبرتي امه لانو في اشياء الاهل دايما يتهمو الزوجات انهم سبب في خراب ابنائهم والخمره شي موطيب ماخاف الله في شربو للخمر كيف تبغيه يخاف الله فيك ويحسن معاملتك
الله يفرج همك ولاتنسي قيام الليل

والـــــــــــــــه محد فاهمني غيرج الأنين الخالد تسلمين عالأقل حسستيني إني مو غلطانه

هلا والله حبيبتي ام مروة والله انتي تظحكيني لان مشاكلنا انا وانتي متقاربه بالغيرة والعصبيه والمسجات وكل شيء بس الحمدالله انا زوجي مايشرب واحنا بالكويت ممنوع مو نفس عندكم عادي ان الواحد يشرب بس ربي يهدييه ..
وانتي مو غلطااااااااااااااانه بالعكس يازين ماسويتي يوم ان قلتي حق خالتج لان دايما اهل الزوج يحسبون احنا اللي مخربين ولدهم واحنا اللي مقسين قلبه عليهم واحنه سبب في كل شي ولو لاسمح الله صار شي ماراح يقولون بنت الناس مسكينه ولدنا ظلمها لالالالالالالالالالالا والله الابيقولون اهيا الي كانت السبب مسكين ولدنا واهي الي جننته وفيها ومافيها واحنا ياغافلين لكم الله انا كنت ماتكلم عند امه واحس انهم يتكلمون وراي ووصلني حجي اني انا اللي غيرت ولدهم لييما قمت اقول لها كل شيء كل شيء ولدها يسوييه وشوفي الحين عرفت ولدها على حقيقته ودايما تقولي انتي تسويين ولدي الي انا ولدته وربيته ..
بس شنو لا تتكلمين جدام اهل زوجك الا خالتج وحماتج والله يهديه من هالمشروب حسبي الله على من يبيعه ومن اصحاااااب السوء والله يحفظج حبيبتي..

آخر الأخبار يبي يراضيني بســــــــــــــــفره