--------------------------------------------------------------------------------
اريد ان ابدا قصتي واريد الحل منكم انافتاه ذات دين واخاف من الله كنت ادرس التحفيظ وكانت حياتي ولله الحمد مرتاحه فيها مع زميلاتي الملتزمات في التحفيظ وذات يوم جاء رجل يخطبني من ابي وهو متزوج ولديه بنتين وولد اصغرهم عمرها 19 وصدقوني كنت اكره التعدد من الي اشوفه من ابوي لانه متزوج ثنتين وانا متعقده من مشاكل البيت وجاء الخبر كالصاعقه والمهم وافقت وانا ابكي لاتقولون مغصوبه لاوالله هروب من المشاكل وتزوجت وكان من اهل الرياض وعمله في الرياض وزوجته معه وانا سكني عند اهله في صحراء قريبه من القصيم وكان يجيني بعد سته ايام ويجلس عندي 3 ايام ويروح كنت في وحده واهلي بعيد ولا اتمشى زي الناس كنت اجلس عند بابي وابكي وكانت الدموع هي ونيسي الوحيد وكنت ادعي الله انه يرزقني ذريه صالحه وبعد مرور سنه ونص حملت وجات احلى بنت وكانت ماليه علي حياتي المهم زوجي نقل اهله قريب من عندنا في قريه زينه فيها ناس مدري حس فيني ولا لا يوم نقلهم وصار يجلس 6 ايام في الرياض و4 يقسمها بينا مرت الايام وطرد المؤجر زوجي وكان بيت زوجته اجار ماذا تتوقعون سوا ورغم ظلمه لي وكان يضربني على اتفه الاسباب ويحب زوجته اكثر مني وووو الخ كان انسان قاسي وكنت صابره واحتسب الاجر لله وجاء عندي وهو ضايق الصدر وسالته قال المؤجر بيطلعني خلال اسبوع وانا ماادري ويش اسوي صدقون بدون تفكير قلت بيتي كبير اسكنوا عندي حتى تبني بيتك عندنا وقال هذا بيتك مااقدر اغصبكي بشي انت ماتبغينه كنت افكر استشير احد بالفعل دقيت على داعيه وقلت هذا الي سويته علشان افرج كربت زوجي ومن فرج كربت اخيه المسلم فرج الله كربه من كرب يوم القيامه وايدتني وقالت نعم الزوجه انتي وسكنو عندي وقلت الحين راح يغليني كثير وصار العكس صحيح صار يهاوشني على اتفه الاسباب ويرفع صوته علشان الكل يسمع صار اذا طلبت شي يحرجني عندها ويقول ماعندي شي ويعاملني بقسوه ولاعمري فتحت فمي وقلت انا سكنتك عندي ولهم اكثر من سنتين عندي ومرتاح وهي مرتاحه لانها تسمع كل شي حتى يوم ينام عندي تعرف انه مايسوي شي الابعد كم يوم عكسها هي كل يوم وفي اليوم اكثرمن مره وتقول لي انه مايرتاح الا عندها هو قايل لها وقالت اصلا مااخذكي الا علشان الاطفال هي ماوقفت بس هي مطوله ماجابت والان انا حامل بالثاني ,وكل ماحملت يكرهني ومايصدق اني حملت ويصير كل شي يسوي عندها من راحه وضحك وسوالف وانا بس لتربيه و بنتي صارت تحبها اكثر مني لان اذا جاء عندها صارت تنادي بنتي علشان هو يحبها اكثر مني والله تعبت وادعولي ان الله يفرج همي ويرزقني بالولد الصالح هل انا غلطانه اني سكنتهم عني؟ او علشان وافقتك بس محد يدري ليش وافقت انا اعيش للاخره وربما سكنهم عندي وتفريجي لكربت زوجي تكون سبب لدخولي جنات النعيم الدنيا ظل زايل وعسى ان يرحمنا بواسع رحمته والسلام
[