(( الجــزء الثالــث عشــر ))

*في الأراضي الأستراليه
بعد العصر خرج من احد المحلات في المجمع الكبير بعد مااشترى مجموعه من الملابس واول ماطلع من المكان شافها والتقت عينها بعينه
~
..تسمح احبك على كيفي وبأسلوبي ..
وإذا تكرمت روحك لي تسلمها ..
أنا المحبه تراها كل مطلوبي ..
لجل المحبه أنا روحي مقدمها ..
أبيك تعرف { حبيبي } وجهة دروبي ..
عندي حقايق ابي بصدق تفهمها ..
ترى الوفا والصراحه أبرز عيوبي.[
والصدق والشوق هي تظهر معالمها ..
أحب في صمتي واكتم سرمحبوبي ..
واخصص اشواق قلبي ما أعممها ..
واحنا مع الناس خلك دوبك ودوبي ..
كل الاحاسيس .حاول دوم تكتمها ..
أدري أنا صعبه بس أرضى بمكتوبي ..
تسمح احبك وروحك ماتعلمها!
~
اتعلقت عيونهم لمده من غير مااحد فيهم يتكلم وقطعت الصمت سهام
سهام:يلا شذى ماباقي وقت
شذى:اوك يلا
وراحت شذى مع سهام ’بدر عينه على شذى لين غابت عن نظره ..
ركب بدر للسياره بعد سامي وماجد
سامي:ايش فيه الحبيب اتأخر؟
ماجد:يمكن التقينا اليوم كمان عشان كدا اتأخرنا
بدر(بعصبيه):اسكت انت واياه احمدوا ربكمـ اني انا اللي اسوق
سامي:حبيبي كلنا نعرف نسوق ومحد قالك اختار
بدر(بعصيه):يعني كتر خيري وياليت تحط لسانك في فمك وتكتم انفاسك
سامي:يؤ من وين جايب هاللسان يابدر؟ من ويين جبته؟
بدر(بقهر):من مكان ماجبت لسانك اللي يحتاج له قص
سامي اكتفى بنظرات القهر اللي كان يطالعها في بدر اما ماجد انفجر من الضحك وغير الموضوع
ماجد:شباب ترى نزلت الدرجات
سامي:والله؟متى نزلت؟
ماجد:مادري باركولي جبت 97 من 100
باركوا له الشباب
بدر:وانا كم؟
ماجد:انت 90
سامي:اما انا خليني على جنب
ماجد:لا بالعكس درجتك حلوه ومناسبه
سامي:كم 70؟
ماجد:لا انت 87
سامي فرررح:حلوووو الحمدلله مااتوقعتها
بدر:كويس قدرت تجيبها
سامي مارد عليه لأنه يعرف ان بدر معصب ومقهووور..
في بيت ابو راما
دخل عبدالله للبيت بعد رجوعه من الدوام وراح لغرفة النوم عشان يغير ملابسه’ليلى استغربت من جفاءه وطريقة تعامله بس ماقدرت تزعله وراحت له الغرفه
دخلت ليلى للغرفه:حبي اجهزلك الغدا؟
عبدالله(بأسلوب جآف):اتغديت براا
ليلى قربت منه ووقفت تطالع في عيونه ’هو مااتحمل نظرات عيونها وراح تركها
ليلى ابتسمت وراحت عنده للمطبخ حطت ايدها على كتفه:طيب تبغى تنام ولا؟
عبدالله(بقهر):ماابغى انام شوي بطلع
ليلى(استغربت):وين؟
عبدالله(اتجاهلها):البنات بخير؟
ليلى:اي بخير وانت؟
عبدالله:الحمدلله(وراح للصاله قعد’ليلى استغربت من حال زوجها هالفتره.."لكن هين ياعبدالله وراك وراك لين ترجع مثل قبل..
دخلوا الشباب للبيت رتب بدر ملابسه الجديده في الدولاب المخصص وراح للمطبخ يسوي له وجبة مكرونه خفيفه
راح له ماجد:بدوور ايش تسوي؟
بدر(بملل):اطبخ
ماجد راح عنده:بدر انت ايش فيك؟متضايق من شي؟
بدر:طفشاااآن وماابغى اتكلمـ
ماجد:اوك على راحتك
وجا ماجد يبغى يطلع بس وقف:اي صح امس اختك اتصلت قلتلها انك نايم
بدر قعد يفكر في اخته وحس نفسه بجد اشتاااق لها هي وامه واخوووه اشتاق لهم مررره..
في السياره عدنان ووجود ورهام اتجه عدنان للمطعم المحدد ونزلوا حجزوا لهم طاوله كانت في الركن وقعدوا وطلبوا’رهام كان نفسها في ورق العنب بس استحت تطلب من عدنان
وجود:غريبه رهومه ماطلبتي ورق عنب؟
رهام:اممممم مالي نفس فيه
وجود:هههههه هذا وانتي طول الطريق تقوليلي مابطلب غيره وهذا انتي ماطلبتي شي
رهام:.............
عدنان:رهام اطلبي تبغي ورق عنب؟
رهام(بخجلللل):اي
طلب عدنان ورق العنب وحطه قريب منها وابتسم لها:بالعافيه يا... رهام
رهام قلبها زادت دقاته واتسارعت نبضاته وردت بهمس وخوف:الله يسلمك..
بعد صلاة العصر دخل مروان للبيت:السلام عليكم
عبير:وعليكم السلام؟
مروان:وينها؟
عبير:راحت لبيت الجيران
مروان:اي احسن
عبير:والله فكه
مروان:اااااااه احس نفسي تعبان
عبير:سلامتك
مروان:الله يسلمك(ويقوم):يلا تمسي على خير
عبير:وين؟
مروان:بناام يلا باي
عبير:باي
طلع مروان لغرفته فتح المكيف واتمدد على سريره يدفن آلامه ودموعه وحزنه فيــــــــه..
نزلت رهام للبيت بعد احلى غدا واحلى يوم مر عليها طبعا لوجود عدنان معاها على نفس الطاوله في الغدا دخلت البيت والابتسامه شاقه وجهها:السلام عليكم
الكل:وعليكم السلام
ابو مشعل:رهام يلا تعالي من اول ننتظرك
رهام(تبتسم):لا بابا مشكور
ابو مشعل(انقهر من تصرفات بناته كل يوم وحده فيهم ماتاكل):رهاام تعالي كلي شوي وقومي
رهام:والله بابا مالي نفس يلا عن اذنكمـ
ناداها ابو مشعل بصوت عالي لكن راحت لغرفتها من دون ماترد وقفلت الباب وهي خايفه من اللي بيحصل"يارب يعدي هاليوم على خير الحين ابوي اذا عصب من يهديه اووف المشكله عمي فهد مسافر بس الله يخلي الجوالات مابقت شي
بعد شوي طلع ابو مشعل لغرفة بنته رهام دق الباب :رهاام افتحي الباب
رهام فتحت الباب بخوف:نعم
ابو مشعل(بقهر):ماسمعتيني اناديكِ؟ليش ماوقفتي ورديتي علي؟
رهام(بخووف):يبى والله قلتلك مالي نفس
ابو مشعل(عصب):اصلا مو غلطتكمـ هذه غلطتي انا اللي اعطيتكمـ وجه
جا مشعل:يبى خلاص هدي اعصابك
ابومشعل:ااه يامشعل انت الوحيد اللي مريحني في هالبيت
رهام باست راس ابوها:خلاص بابا تروك لاتكبر الموضوع الحين انزل آكل لعيونك انت وبس
ابتسم لها ابو مشعل:وصاير اسمي تروك؟
رهاام خجللت:اي عادي دلع
ونزلوا للصاله واكلت رهام عشان خاطر ابوها بس!!
بعد صلاة المغرب رجعت ام ناصر للبيت حست نفسها تعبانه وناااااامت في غرفتها..
* في أرآضي استراليــا
وفي المجمع الكبير قعد بدر وماجد وسامي على طاوله في الزاويه
سامي:ها بدر اشوفك صاير تحب هالمكان خير؟
بدر ابتسم ومارد عليه
ماجد:يا الله مااتوقعت اشوف بدر عاشق في يوم من الأيام
بدر:هيييه انت واياه اشوف حالكم زايد
سامي:هههههههههههه والله مو منك من نظراتها الساحره
بدر(بقهر):سامي!!
سامي:اووه صح اتغزلت في حبيبتك سوري ياحبيبي
بدر شافها وقام عنهم:عن اذنكمـ
ماجد(وهو يضحك):بدرشوي شوي
بدر ابتسم له وراح
سامي:الحمدلله بجد الله لايبلينا
ماجد:ههههههه ايش فيك؟
سامي:هالمرض اللي اسمه الحب
ماجد:والله هذا انت المريض ’كل الناس عندها مشاعر واحاسيس الا انت
سامي:على طاري المشاعر والأحاسيس شخبارها(ويغمز)
ماجد انحرج من الموقف:بخير ولاتسأل عنها
سامي:ليش زعلان منها؟
ماجد:مو زعلان بس من فتره ماكلمتها
سامي:ليش؟
ماجد:مادري احس مالي خلق
سامي:ههههههه ونعم المشاعر ياابو المشاعر انت وصار لك اسبوع مو مكلمها
ماجد:سامي
سامي:ههههههه خلاص سكتنا
ماجد:يكون احسن
وقعد يفكر في رهف"من زمان ماكلمتها ولاادري عنها ان شالله ماتكون زعلانه مني بس!!
وصلها بدر واول ماشافها التقت عيونهم ببعض وهي حست باحساس غريب حست بالفرح وبالسعاده وبالأمان حست بأن الدنيا احلووت في نظرها وبأن الاحزان ماعرفت لدنياها طريق ..
بدر(وهو مبتسم):مساء الخير
سهام وشذى:مساء النور
بدر:ها طمنيني على حالك؟
شذى(بخجللل):الحمدلله بخير
بدر:يلا عن اذنكمـ(رجع بدر لأصدقااءه..وتتبعه نظرآآت شذى
سهام:شذى ايش فيكِ؟
شذى(انتبهت):مافيني شي يلا اتأخرنا
سهام(استغربت من شذى):اوكِ يلا
وبدأوا التسوق عشان في اغراض كتير في البيت ناقتصهمـ..
في بيت ابو مشعل كانت رهف قاعده في غرفتها تفكر في ماجد اللي نساها ولاشعوريا دموعها سالت ,في هالوقت دق الباب ابو مشعل
رهف(بصوت مبحوح):ادخل
دخل ابو مشعل وشاف عيونها حمراا والدموع مازالت ساكنه عينها واستغرب منها:رهف
رهف(وهي منزله راسها):نعم بابا
ابو مشعل:ايش فيكِ تبكي؟
رهف ماردت عليه وظلت سااكته
ابو مشعل:رهوف حبيبتي قوليلي ايش فيكِ؟
رهف رجعت تبكي:ماافيني شي بس احس نفسي متضايقه
ضمها ابوها:ماعاش اللي يضايقك يابنتي..بس لاتبكي
رهف:ان شالله
ابو مشعل:قومي اغسلي وجهك وتعالي انتظرك
قامت رهف تغسل وجهها وابو مشعل حزين على حال بنته..
في الصاله ام مشعل قاعده مع بناتها دخل مشعل:السلام عليكم
الكل:وعليكم السلام
ام مشعل:وين كنت؟
مشعل:كنت عند هاني
رهام:ااها عند هاني ولا عند غيره؟
ام مشعل:رهام استحي على وجهك
رهام:يمى ايش فيها امزح معاه
ام مشعل:لاتمزحي بهالطريقه
مشعل مااهتم لكلام اخته:يسلم عليكم هاني
الكل:الله يسلمه
شيماء اتذكرت كيف كان معصب لما راحت بيتهم واتأففت
رهام(باستغراب):خير؟
شيماء طالعتها بقهر:نعم
رهام:ليش تقولي اوووف؟
شيماء:طفشانه حرام اتأفف كمان؟
مشعل:اووف لهالدرجه الطفش واصل عندك قومي خلينا نتمشى
شيماء(بفرح):بجد؟
مشعل:اي والله بجد يلا انتظرك
ام مشعل:لاتطولوا يامشعل
مشعل:ان شالله
قامت شيماء طيررااان عشان تلبس عبايتها.
رهام:يمى اروح معاهم؟
ام مشعل:لا
رهام:ليش؟
ام مشعل:انتي يوميا تطلعي مع روان اما اختك هالمسكينه ماتطلع مع احد
رهام(برجاء):يمى ابغى اروح
ام مشعل(باصرار):قلتلك لا يعني لا
قامت رهام بزعل راحت لغرفتها وفي الدرج شافها ابوها:ايش فيها حبيبتي زعلانه؟
رهام(بقهر):شيماء ومشعل بيطلعوا وامي رفضت اني اروح معاهم
ابو مشعل:والله بتجننوني من هالدلع اللي مادري من وين جايبينه؟
رهام(ابتسمت):طيب خليني اطلع مع رورو
ابو مشعل:بخليكِ بس مو اليوم
رهام:بكره؟
ابو مشعل(ابتسم):اي خلاص بكره
رهام فرحت وباست راس ابوها:الله يخليك لنا ولايحرمنا منك
وراحت لغرفتها ونزل ابو مشعل للصاله قعد يسولف مع ام مشعل..
في بيت ام سامي كانت العائله كلها مجتمعه على طاولة العشا
وجود:الحمدلله هانت باقيلي سنه واخلص
ابو سامي:الله يوفقك يابنتي
وجود:آمين
قام عدنان:الحمدلله..يلا عن اذنكمـ بروح اقعد في غرفتي شوي
ابو سامي:على راحتك ياولدي
عدنان:تصبحوا على خير
الكل:وانت من اهله
راح عدنان لغرفته واتمدد على سريره وهو يحس ان عضلات جسمه كلها توجعه من التعب
فجأه رن جوال وجود اللي كان في غرفة عدنان وموجود على مكتبه طالع عدنان في الجوال
شاف اسم(رهامـ) وقلبه دق بقوووووه ومو عآرف كيف يتصرف اخذ الجوال ورد بكل هدووء وبهمس:هلا رهام
رهام اول ماسمعت صوته حست الدنيا اتلخبطت قدامها والحروف اتبعثرت على لسانها ومو عارفه كيف ترد عليه’ بعد ثواني من السكووت والهدووء ردت رهام:هلا عدنان
عدنان:اي
رهام:ممكن اكلم وجود؟
عدنان(ابتسمـ):اي اكيد ممكن وليش لا بس هي نزلت تتغدى وتركت جوالها في غرفتي
رهام:اوك بعد ماتخلص قولها تتصل علي
عدنان:ان شاالله
رهام:مع السلامه
عدنان:مع السلامه
قفل عدنان وقلبه مازال معلق بحبيبة قلبه ومالكة فؤاده وقعد يفكر فيها لين غفى على ذكرآها..
في المطعم الرآقي والمطل على شاطئ البحر كان مشعل قاعد مع اخته شيماء ويتعشوا وهو مبسوط انه رسم الابتسامه على وجه اخته
مشعل:ها كيفك الحين؟
شيماء(بابتسامه):الحمدلله نسيت الطفش ولياليه
مشعل:ههههههه دوم ان شاالله
شيماء:آمين وياك يارب
مشعل:آمين
وكملوا العشا وبعدها وقفوا يتأملوا منظر البحر وكان شكله سااحر وجذااب..
*في أرآضي فنزويلا
قام من النوم ولبس ملابسه وطلع للحديقه شاف صديقه فيصل
فهد(مبتسم):صباح الخير
فيصل(يبادله الابتسامه):صباح النور..اقعد افطر معاي
قعد فهد وهو يتأمل السفره:ماشالله من وين فطور اليوم؟باين عليه جنآآن
فيصل:هههه هذا ياطويل العمر من اشهر مطاعم فنزويلا
فهد:متى مداك تطلبه؟
فيصل:طلبته من قبل ساعه
فهد:ااها..طيب خلنا نفطر قبل لايبرد علينا(وبدأوا يفطروا:بسم الله
في بيت ابو مشعل قامت رهف من النوم واخت جوالها تتأمل وتفتش فيه عن اي رسايل جديده لكن للأسف مالقت فيه اي شي جديد ورمت الجوال بقهر على السرير وراحت تغسل وجهها وترتب نفسها ونزلت للصاله :السلام عليكم
الكل:وعليكم السلام
رهام:ها ايش اخبار العالم الخارجي؟
ام مشعل(طالعت فيها بقهر):الناس تقول صباح الخير مو تسأل عن العالم
رهام:خلاص يمى آسفه..(والتفتت لرهف):صباح الورد ياورد
رهف(ابتسمت):صباح الزهر
ابو مشعل(يقوم):يلا عن اذنكم بروح للشغل
ام مشعل:في امان الله
ابو مشعل:مع السلامه
طلع ابو مشعل من البيت وركب سيارته واتوجه للشغل..
في بيت ابو سامي لبست وجود تنوره جنز وبلوزه باللون الوردي ولبست عبايتها وركبت السياره:السلام عليكم
عدنان:وعليكم السلام
وجود(وهي تتذكر):اي صح اتذكرت
عدنان(باستغراب):خير؟!
وجود:اتذكرت هالخبله قالت بتجي اليوم معاي
عدنان:اي خبله؟
وجود:رهاموه من غيرها يعني؟
عدنان(لاشعوريا):جوجو لاتقولي خبله هذه غلآتي
طالعته وجود باستغراب ومو قادره تصدق اللي قاله عدنان وهو انتبه على نفسه ومااات من الاحراااج...