(( الجــزء الثاني عشــر ))
...........................


ماجد(وهو يبتسمـ):ها خلصت ولا لسه؟
بدر انحرج من سؤال ماجد وانحرج اكتر من نظرات سامي له ونزل عينه حتى مو قادر يشرب الكابتشينو اللي قدامه
ماجد:حبيبي اشرب الكابتشينو لايبرد عليك
سامي(يضحك):فداها الكابتشينو وصاحبه
بدر مارد عليهم في ولا كلمه لأنه مره كان محرج من الموقف اللي صار له!!
*في أرآضي فنزويلا
كان فهد يتمشى مع صديقه فيصل في اكبر سوق في العاصمه كراكاس وكان سوق كبير ومكون من عدة أدوار وقعدوا على مطعم كان مطل على مسبح الأطفال
فيصل كان يتأمل في الأطفال وهو مبتسم ومبسووط اما فهد كان يقلب في الجوال او يتأمل في المحلات ومافكر يطالع ابدا في هالأطفال
فيصل(وهو يبتسم):فهد شوف هذاك الطفل كيف يلعب في المويه ههههههه ماشالله عليه شكله يجنن
فهد طالع في فيصل بكل برود:اي شكله عسول
فيصل(وعينه ع الطفل):هذا مو بس عسوول هذا مرره عسووول
فهد حس انه مل من الجلووس في هالمكان:فصوول العسول قوم خلنا نتمشى
فيصل:اوك يلا
وقاموا يتمشوا في المجمع كله واكتر شي عجبهم مكان الهدايا الشموع كان اشكالها تجنن والورود والقلوب وكل شي كان منظم ومرتب ورآقي وكل واحد منهم فكر يشتري لأهله من هالمكان لما يجي وقت الرحله للسعوديه..
في بيت ام سامي
ام سامي:يوم الخميس جهزوا نفسكمـ لأننا كلنا بنجتمع عند اميره
الكل:ان شالله
عدنان:بس يمى انا بكون وحيد اذا رحت هناك
ام سامي:مابتكون وحيد خالك موجود ومشعل كمان
عدنان:حتى لو مهما كان بحس نفسي وحيد لأن سامي مو موجود
ابو سامي(يتدخل):خلاص اقعد معاي ياولدي
عدنان(فرح من قلبه):من عيوني اقعد وليش لا كم ابو عدنان عندي انا
ام سامي انقهرت بس مااهتمت لهم وقامت:تصبحوا على خير
الكل:وانتي من اهله
وبعدها استأذنت نوف وراحت لغرفتها تنام
قام عدنان:انا بطلع ثواني وارجع
ابو سامي:خير على وين رايح؟
عدنان:اتذكرت مآهر باخذ منه الأوراق(وطلع
(ماهر ولد جيرانهم وهو مع عدنان في نفس السنه ويدرس ادارة أعمال..شاب طموح وناجح ونشيط ومتفوق.. عايش مع جده لأبوه لأن ابوه وامه ماتوا في حادث من كان عمره 15 سنه ومن هذاك الوقت للآن عمره 21 وهو عايش مع جده ويعتبره ابوه)
* في الأرآضي الأسترآليه
سامي(يقوم):يلا نتمشى شوي
بدر:انا ماابغى اتمشى روح انت وماجد
سامي(يغمز):قوم ياماجد الحبيب ناوي ياخذ راحته اليوم
ماجد(يبتسم):اي والله بس ها انتبه لاتتهور
بدر(ابتسم):ترى للآن صابر بس احتمال في اي وقت افقد صبري
سامي:تسويها يالداهيه الله يستر من بلاويك
بدر:ههههه اقول يلا روحوا خلوني استااانس
ماجد:مالت عليك وصريح كمان في كل حرف
سامي:يلا ياماجد
خرجوا ماجد وسامي من ركن القهوه وطلعوا يتمشوا وبدر باقي لحآله يتأمل البنت اللي ساحرته من فتره وهو مبتسم
سهام:يلا ياشذى اتأخرنا
شذى:والله مااتاخرنا ياسهام شوفي الساعه كم
طالعت سهام في الساعه واتأكدت من كلام شذى:طيب قومي نروح لأي مكان
شذى:لا ياسهام الله يخليكِ ماابغى اروح ولا مكان
سهام:براحتك انا بروح اتمشى شوي وارجع لك
شذى:على راحتك بس لاتتأخري
سهام:ان شالله
راحت سهام وبقت شذى لوحدها تحاصرها نظرات بدر السآحره’بدر مازال معلق عيونه فيها واول مارفعت عينها التقت عيونهم ببعض وكل منهم فهم نظرة الطرف التاني له ’ابتسم لها بدر وهي كمان ابتسمت ونزلت راسها’فرح بدر بابتسامتها اللي تسحره وتحسسه انه ملك قلبها وروحها وعقلها..بعد ثواني مروا مجموعه من الشباب من عندها وكانوا يتاملوا جمآل شذى وواحد فيهم غمز لها بس هي مااهتمت له ولاطالعت فيه وحاول الشاب يتقرب منها لين صار قريب جدا منها وشذى ماتعرف تتصرف في هالمواقف غير انها تنقهر وتبكي ’بدر اول ماانتبه لقرب هالشخص منها قاام مقهوور وهو يشوف حركاته كيف معها ووصل للشاب سحبه من كتفه وقاله لايقرب منها ولابيصير فيه شي ممكن يخسر حياته كلها اذا قرب منها خاف الشاب منه وراح ’اتأمل بدر ملامح شذى الحزينه والبآكيه
سألها بكل حنان:اتعرض لك في شي؟
شذى(بصوت كله بكى ودموع):لا
بدر:طيب ليش تبكي؟
شذى(بقهر):ماشفته كيف كان قريب مني ولأي درجه وصل؟
بدر(كلمها بهدووء):طيب خلاص اهدي ماصار شي
شذى:.............
بدر:امسحي دموعك تراها غاليه
~
يضيق الصدر .. لاشفتكــ حبيبي تمسح دموعك
ترى مااقوى على حزنكــ لك الله لاتبكّيني

حبيبي للفرح دايم ابيك اتوّقد اشموعك
وابا زورك .. وابفرح به .. لو انه مايدانيني
~

شذى رفعت راسها طالعت فيه وهو ابتسم لها ولاشعوريا هي كمان ابتسمت له وحست انها تعز هالشخص اللي امامها’في هالوقت رجعوا سامي وماجد وماشافوا بدر
جلس سامي:هذا وين راح؟
ماجد(وهو يتأمل المكان):اها شووف وينه
سامي التفت ع الجهه اللي قال عليها ماجد واول ماشافه انصدم!!:لابجد هذا اتهور
ماجد:الله يهديه بدر يسوي اللي في راسه من غير مايفكر
سامي:هالبدر طول السنين اللي درسنا فيها ماشي تماام جا على آخر سنه ناوي يخربها
ماجد:بس تصدق رغم حركاته الا انه ماشالله عليه مهتم بدراسته
سامي:الله يصلحه ويوفقه يارب
ماجد:آمين..
بدر:طيب يلا انا استأذن لأن اصدقائي ينتظروني
شذى(ابتسمت):في امان الله
بدر(ابتسم):مع السلامه
قام بدر من عندها بس قلبه مازال معلق معها وكل احاسيسه ومشاعره مصوبه نحوها هي وبس وراح لماجد وسامي:يلا شباب نروح ع البيت
ماجد:يلا.. بس ترى مابرحمك من الأسئله اليوم
بدر ابتسم من غير مايرد عليه بحرف..
شذى قعدت تفكر في طيبة بدر في حنانه في شكله جماله ابتسامته وقعدت تفكر ياترى كيف بتكون حياته وايش دراسته وابتسمت من قلبها وكررت اسمه وفي كل مره تقول اسمه قلبها يدق بقووه اكتر..
في بيت ام بدر كانت ام بدر قاعده في غرفتها فتحت الدرج شافت الصوره اللي تألمها.. واللي تقطع قلبها.. الصوره اللي ماتقدر تستغني عنها..مهما زادت لها الأحزان..ومهما اوقدت في صدرها النيران..الا انها مستحيل تستغني عنها او انها ماتمتع عينها فيها
بكت وبكت والدموع اخذت مجرآها المعتاد والحزن رآافق الدمـع ومابيدها اي شي عشان تشيل هالحزن اللي عندها بس مالها الا الصبر والدعاء وهي الحمدلله للحين تصبر وتدعي ان ربي يحل ازمتها وينسيها حزنها..
كانت روان قاعده في غرفتها تكلم صديقتها ندى
روان(وهي تضحك):وانتي للحين ماكلمتيه؟
ندى(بحزن):لا
روان(استغربت):ليش!!
ندى:ماعندي رقمه
روان:ان شالله هو بنفسه يعطيكِ
ندى:ان شالله
روان:يلا حبيبتي بروح أنام تصبحي على خير
ندى:وانتي من اهله
روان:مع السلامه
قفلت روان من ندى وطفت الأنوار ونامت..
في صباح اليوم التالي وفي بيت ابو مشعل
قامت رهف من النوم وكالعاده فتحت جوالها تشوف اذا فيه شي جديد وصلها من ماجد لكن مثل كل مره مافي اي شي جديد رمت الجوال بيأس وانقهرت من تصرفاته الغريبه احيان يسأل عنها واحيان ولايفكر يرسلها حرف يطمنها عليه ’قعدت على حالتها من الحزن تبكي لين نااامت..
في بيت ابو ماجد
اجتمعت العائله عالفطور وبعد الفطور كل منهم راح لدوامه ماعدا مها اللي ماراحت لأنها تداوم الساعه 9 في معهد الرسم
ام ماجد:ها يابنتي اش اخبار دراستك؟
مها:الحمدلله حلوووه وسهله
ام ماجد:الله يوفقك يابنتي واشوفك رسامه مشهوره يارب
مها(فرحت):آمين الله يسمع منك
قامت ام ماجد للمطبخ وبعد ثواني رن التلفون استغربت مها مين اللي متصل عليهم هالوقت
ردت مها:الوو
........:الوو صباح الخير
مها عرفته من صوته انه اخوها ماجد وطاارت من الفرح:صباح النور والسرور
ماجد:هههههه وحشتيني كيفك وش اخبارك؟
مها:وانت اكترو الله الحمدلله بخير وانت كيفك؟
ماجد:بخييير ..وين امي او ابوي ابغى اتكلم معهم وحشوني والله من زمان عنهم
مها:ابوي طلع للشغل والحين انادي لك امي
نادت مها امها وامها اول ماعرفت انه ماجد فرررررحت وراحت تكلمه
ام ماجد:هلا بولدي هلا بحبيبي ايش اخبارك؟
ماجد:الحمدلله تماام وانتي ايش اخبارك واخبار ابوي واخواني؟
ام ماجد:والله الحمدلله كلنا بخير ومو ناقصنا الا شوفتك
وكملوا كلامهم اللي مايخلى من نصائح ام ماجد لولدها لخوفها عليه من اي مؤثر
ام ماجد:ها اشوفك نسيتنا الوقت صاير كله لرهف وبس
ماجد:هههههههه والله بالعكس يمى رهف من زمان ماكلمتها
ام ماجد(استغربت):من متى ماكلمتها؟
ماجد:لليوم تقريبا اسبوعين
ام ماجد:ليش ياماجد؟
ماجد:يمى والله دراسه واختبارات وماالقى وقت اكلمها فيه
ام ماجد:عسى الله يوفقك واشوفك ناجح ان شالله
ماجد:آمين..يلا يمى سلميلي على ابوي واخواني
ام ماجد:يوصل
ماجد:في امان الله
قفل ماجد وهو يفكر في كلام امه وسؤالها له ليش مااتصلت على رهف؟!!ومن اسبوعين كمان؟بس هي كمان مافكرت تهتم او تسأل اذا انا بخير او لا
اتأفف واخذ جواله واتذكر انها في الشغل رجع الجوال مكانه وقام اخذ محاضراته وبدأ يذاكر..
راحت مها لدوامها وسلمت على الاستاذه واخذوا جوله هي والبنات على الرسومات وقرروا انهم يفتتحوا لهم معرض يشهد بجميع لوحاتهم الابداعيه..
في الظهر راح عدنان لكلية وجود واتصل على جوالها ’كان الجوال عند افنان تلعب فيه واول ماشافت الاسم اتسارعت نبضات قلبها واعطت الجوال لوجود
وجود:الوو هلا عدنآن..اي خلاص الحين بطلع
قفلت وجود وودعت البنات وطلعت وافنان مازالت تفكر في عدنان وتفكر في حبها له
ركبت وجود السياره:مساء الخير
عدنان(مبتسم):مساء النور
وجود:عدنان فضلا وليس امرا اليوم ابغاك تـ ....
عدنان:اليوم بنتغدى براا ومن غير اي اعتراض
وجود(فرحت):والله ماتقصر ياعدنان بس كنت بقولك شي
عدنان:اي قولي
وجود:رهام قالت نمر عليها اليوم
عدنان(بحزن):يعني مابنتغدى برا؟
وجود(ابتسمت):خلاص بكلمها واشوف ايش تقول
ودقت وجود على رهام :اي جايين بس بنتغدى بعدين نجيكِ
رهام(انقهرت):ياسلام وانا اقعد انتظر لين تخلصوا غداكمـ؟
وجود:والله هذا عدنان هو اللي عزمني ع الغدا وانا مستحيل اقول لعدنان لا
رهام:اوووف
وجود:ولا ايش رايك نمر ناخذك بعدين نتغدا
رهام طاارت من الفرح وابتسمت ابتسامه عريضه بس مابينت:براحتكمـ
وجود(وهي كاتمه الضحكه):براحة عدنان يلا باي(وقفلت قبل لاتنتظرها ترد
والسياره صارت كلها ضحك بعد ماقفلت وجود من رهام
عدنان:وافقت؟
وجود:اي وافقت هالعنيده
عدنان(بزعل):جوجو لا تقولي عليها عنيده
وجود طالعت فيه وهي رافعه حاجب:اووه صح نسيت انها زوجتك
عدنان مااات من الاحرااااج ووجهه صار احمررررر..
رجعت شيماء للبيت وباين عليها التعب والارهاق رمت شنطتها في الصاله واتمددت على اول كنبه قريبه منها جات امها للصاله وخاافت لما شافتها بهذا المنظر
ام مشعل:حبيبتي ايش فيكِ؟
شيماء(بصوت كله تعب):تعبانه
ام مشعل(بخوف):اوديكِ للمستشفى
شيماء:لا ماما مايحتاج
دخل ابو مشعل:حبيبة بابا ايش فيها
ام مشعل:تعبانه مادري ايش فيها
ابو مشعل:شوشو حبيبتي فطرتي؟
شيماء اتذكرت انها مافطرت وهي عارفه اذا قالتلهم ابوها بيزعل فقررت انها ماترد عليه!!
ابو مشعل يكرر السؤال باهتمام:فطرتي يابنتي؟
شيماء:لا
ابو مشعل (بزعل):وليش مافطرتي؟
ام مشعل:حبيبتي انتي حتى امس مااتعشيتي ايش صار فيكِ؟
ابو مشعل:شيمااء
شيماء(بخوف):نعم بابا
ابو مشعل:صح نمتي من غير عشا ؟
شيماء هزت راسها:اي
ابو مشعل(بعصبيه):وليش مااكلتي
شيماء:مالي نفس
قام ابو مشعل وهو معصب ودخل لمكتبه واخذ جواله اتصل على فهد اللي اول ماشاف الرقم رد,ابو مشعل قاله الموضوع وباين من صوته انه معصب
فهد:اهدا ياابو مشعل لاتعصب..خلاص الحين انا اكلمها
ابو مشعل(بعصبيه):والله هالبنت بتجنني حتى كلامي ماتسمعه يافهد
فهد:لا ياابو مشعل انا بكلمها واخليها تاكل وتنزل تعتذر لك بس انت لاتعصب
ابو مشعل:ان شالله..في امان الله
قفل من اخوه وقعد ع المكتب يجمع بقايا أنفاسه..
قعد فهد على سريره واتصل على شيماء اللي كانت متمدده على سريرها من التعب
شيماء(بصوت باين فيه التعب):هلا عمي
فهد(بزعل):هلا ايش اخبارك؟
شيماء:بخير وانت كيفك عمي؟
فهد:الحمدلله ..شيماء بسألك سؤال
شيماء:اتفضل
فهد:ليش ماتاكلي؟
شيماء:مالي نفس
فهد(انقهر من هالكلمه وعصب عليها):يعني لمتى ؟قوليلي لمتى؟كل مره نعيد نفس الكلام عشان الأكل؟
شيماء(بحزن):طيب عمي لاتعصب
فهد(وصوته ارتفع):هذا كله وماتبغيني اعصب مو مهتمه بنفسك ولامهتمه بوصيتي لك قبل مااسافر حتى كلام ابوكِ ماتسمعيه.كل مايقولك كلي تقوليله مالي نفس يعني لين متى بنظل على هالوضع قوليلي لمتى؟!!
شيماء سكتت حست ان الدنيا ضاقت عليها لأنها ابدا ماتحب تزعل عمها وهالمره زعل بسببها ومو عارفه ايش تسوي من الحزن اللي غطى عليها كل شي
فهد(بعصبيه):اسمعي ياشيما تقفلي مني ,تاكلي وتروحي تعتذري لأبوكِ.سمعتيني؟
شيماء:ان شالله
فهد:يلا روحي وبعد شوي بكلم ابوكِ واشوف ايش عنده بعد حتى الواحد هو مسافر مايرتاح
شيماء حزنت وزعلت واتضايقت من هالكلمه ولاشعوريا الدموع سالت من عينها
فهد عرف انها كانت تبكي بس مااهتم لها:وتبكي بعد ..ياليت يتعدل الوضع اللي انتي فيه
شيماء (بقهر):خلاص عمي كفايه ..كفايه ماابغى اسمع شي يكفي اللي سمعته
فهد اتاثر كتير من كلامها خآصة ان هو بطبعه حنووون وقلبه طيب
فهد(بهدوء):اوك بس قومي كلي
شيماء(بقهر):مو ماكله شي
فهد:شيماء عشان صحتك
شيماء:ماهمتني ولابيهمني شي بعد كذا(وقعدت تبكككي
فهد(بطيبته وهدووءه):شوشو حياااتي والله تعذبيني اذا مااكلتي والله ازعل
شيماء:...........
فهد:اوعديني انك تاكلي اول بأول
شيماء(بصوت كله دموع):اوعدك
فهد:اوك انا بقفل الان وبكلمك بعدين..في امان الله
قفل فهد وهو يفكر في وضع بنت اخوه..انا كيف رحت وخليتها؟!!اكيد للحين متأثره بفرآقي..بس هذه حياتي ياشيماء وهذا اللي مكتوب ولازم نرضى فيه..

انتظر ردودكم العطره
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]