(( الجـــزء العــاشـر ))

في صبآح اليوم التالي لبس بدلة الطيران وطالع في المرايه رتب نفسه وابتسم..اتأمل غرفته بسرعه واخذ شنطته الصغيره ..شاف اخته اميره حزينه على سفره ولأول مره يشوفها بهالحاله
اميره(بصوت مبحوح):تروح وترجع بالسلامه ياخوي
فهد(ابتسم لها ابتسامته الحلوه):الله يسلمك..بكلمك اذا وصلت
اميره:ان شالله
فهد:في امان الله
اميره(بملامح حزينه):مع السلامه
نزل الدرج وركب سيارته وراح للمطار..
في أرآضي استراليــآ*
قآم من النوم غسل وجهه شاف البيت هادئ عرف ان الكل نايم .. لبس بنطلون جنز وبلوزه باللون الابيض ولبس نظارته الشمسيه وصار شكله يجنن نزل للسياره من قبل لاياكل اي شي واتجه لبيت البنت اللي كان يراقبها في الليله الماضيه وبعد دقايق من زحمة الشوارع اخيرا وصل بدر للبيت ووقف السياره جنب البيت وشاف البنت وهي تنزل من السياره وتدخل البيت وهو سرح فيها ومادري ليه يحس انه يرتاح اذا شافها..
في بيت ام سامي قامت ورود من النوم وغسلت وجهها ونزلت للصاله شافت امها وابوها
ورود:صبآح الخير
امها وابوها:صبآح النور
ورود(قعدت):اليوم بفطر معاكم
ام سامي:بالعافيه عليكِ يابنتي
ورود:الله يعافيكِ
ابو سامي:غريبه ورود صاحيه هالوقت؟
ورود:اي لأني امس نمت من 9
ضحكوا عليها وكملوا فطورهمـ بالعافيه..
قام من النوم بملامحه الحزينه اللي غطت وجهه اتأمل نفسه في المرايه اللي عكست صورته
جسم ضعيف وعيون ذبلانه وملامح غطاها التعب والارهآق ’اتذكر ابتسامته لما كان صغير ولما كان يضحك مع انسانه مو عارف مين كانت بس فجأه اختفت هالابتسامه وحلت محلها الأحزان ..انسان..
سكن قلبه الالم وهزت قوته الأحزان..
مو ضعف منه بالعكس!!هو يعتبر دموعه هي قوته
من كتر الالم اللي عاشه يفكر انه يتزوج ويحلف وهو يفكر:والله مستحيل اعامل احد بهالطريقه
ورجعت الدموع تاخذ مساراتها في ملامح وجهه
مروان!!! قصة حياته كلها احزان في احزان!!الدموع صارت جزء من حياته والبسمه شي كان!!الحزن غطى عليه الابتسامه والمرح وهو اللي كانت ضحكته روح الحياه والعنفوان!!
لبس بنطلون جنز وبلوزه مخططه باللونين الاصفر والكحلي ونزل للصاله
استقبلته العيون اللي يتطايرمنها الشرر مثل كل مره
ام ناصر(بقهر):على وين؟
مروان(ابتسم):صبآح الخير يمى
ام ناصر:هو اللي يشوف وجهك يعرف الخير؟قولي على وين رايح؟
مروان(بحزن ونآر تشتعل في صدره):بروح اتمشى شوي مع غسان وارجع
ام ناصر(تصرخ):وهذا وقت تتمشى فيه مع زملائك لابارك الله فيك ولافيهم ان شالله
مروان:يمى عبير ماعندها دوام وانا ....
ام ناصر(قاطعته):الطب هذا للي يستاهله مو لناس مثلك
مروان(بكي ألم وحزن):يمى ليش ماخليتيني ادرس الطب حالي حال غيري ليش حرمتيني من الطب ليش؟
ام ناصر(بكل حقد):ماعندنا شباب يختلطوا بالبنات
مروان(وصوته كله الم وقهر):وعبير يمى..عبير كيف خليتيها تشتغل وشغلها كله اختلااط
ام ناصر مااهتمت بكلامه:عبير انسانه
مروان(باستغراب):وانا؟؟!! انا مو انسان؟ انا حيوان؟
ام ناصر:ماعلي منك تكون ايش ماتكون والطب هذا حلم ماتحققه الا بعد موتي
مروان برغم الالم..برغم الدموع..برغم الحزن..ونآر شبت في الضلوع..الا انه يمتلك قلب حنون ومسآمح..بالرغم من ان حزنه غطى ع الملامح..الا انه ظل طيووب وحبوب ومتسامح
مروان(بصوت كله دموع):بعد عمر طويل يمى
ام ناصر(بقهر):لاتقول يمى فهمتني؟
مروان:يمى ايش فيكِ ايش سويت انا عشان تعامليني بهالطريقه؟
ام ناصر(بحقد):قلتلك لاتقول يمى الله ياخذك ويفكنا منك ومن بلاويك(وراحت لغرفتها
مروان حس انه بيختنق مافي احد يشكي له ويخفف همه غير اخته عبير واللي حتى هي عايشه الهم نفسه وماحب انه يضايقها اكتر !!وقف متسمر ومتجمد في مكانه مو عارف ايش اللي يطفي النآر اللي في صدره اخذ مفتاح سيارته وطلع للسياره وحرك السياره وهو مايشوف الطريق من الدموع اللي سكنت عينه واللي حتى هو اتعود عليها وصارت رفيق له في حياته!!
وصلت آيات لبيت صديقتها ندى وانصلت على ندى وقالتها تطلع..بعد ثواني خرجت ندى واتوجهوا لكوفي شوب كبير موجود في اقصى البلآد..وصلوا البنات ونزلوا للكوفي شوب وجلسوا على طاوله في الزاويه عشان ياخذوا راحتهم..فجأه!!!انتبهـت آيات لشخص ملامحه مو غريبه عليها بس ماقدرت تعرفه
آيات:ندى ندى
ندى:ايش فيكِ خوفتيني؟
آيات:شوفي هذاك اللي قاعد في الزاويه
ندى(التفتت وعلى طول عرفته..وكيف ماتعرفه وهو اللي شاغل بالها وماخلى ليلها ليل ولانهارها نهار وسرحت تفكر فيه ايش صار له وخلاه بهالضعف!! وايش هي الأحزان اللي خلت عيونه تبكي)
ليتني أقدر اشيل الحزن عنـك وأقـوول~
ياحبيبي خلي حزنك وسط قلبي حتى لو عمري يطول~
وانت خلك ياحبيبي مبتسـم وأنا أقــول~
صبآح الحب..صبآح العشق..صبآحي لك أحلى الميـول~
آيات(هزت يد ندى):ندى ايش فيكِ؟
ندى طالعت في آيات بحزن:مافيني شي
آيات:طيب ماجاوبتيني اذا قد شفناه من قبل او لا؟
ندى(بحزن مثل ملامح مروان الحزينه):هذا مروان ياآيات
انصدمــت!!آيات وشهقت:اي والله صح ايش صار له؟لايكون غسان صاير فيه شي؟
ندى:مادري
آيات:بتصل عليه واشوف ان شالله يكون بخير
ندى:انتي متى آخر مره كلمتيه؟
آيات:امس العصر ومن بعدها لاحس ولاخبر
اتصلت آيات لين انقطع الخط من غير اي رد واتوترت لدرجة انها قامت تبغى تسأل مروان بس ندى حاولت تمنعها وبعد شوي رن جوال آيات بمسج من غسان كتب لها انه مشغول شوي مع الأهل واول مايفضى يدق عليها..
هنا ارتاحت آيات واتطمنت مررره عكس ندى اللي اتوترت وتفكر ايش صار فيه؟!!
ماطول مروان بقعدته ..لكن الحزن طول عنــده وصار رفيق دربه الروح بالروح
قام وطلع من الكوفي وركب سيارته وهو يفكر في كلام ام ناصر عنه,واكتر كلمه اترددت في باله /لاتقول يمى الله ياخذك ويفكنا منك ومن بلاويك/معقوله ماتكون امي معقوله الا اكيد معقوله ونص ولافي ام تدعي على ولدها بهالدعاء لا وليل ونهار من غير ماتمل..انا لازم اتأكد من هالشي ولازم اعرف وغمض عيونه اتذكر لما كان صغير كان عمره تقريبا 8 سنوات وحاول يتذكر ملامح الانسانه اللي كانت تضحك معه وتقوله ان شالله بتصير دكتور مثل بابا ..وبصعوبه قدر مروان يتذكر ملامحها :معقوله تكون عمتي او خآلتي؟معقوله تكون احن علي من امي وهي مو امي؟
قطع تفكيره صوت شخص يدق عليه باب السياره ويأشرله يروح عشان يقدر هو يطلع وبالفعل مشي مروان بالسياره ومثل كل مره الطريق هو اللي ياخذه للمسار المحدد!!
بعد الغدا ..راحوا راما وريم لغرفتهم يكملوا اللعب وراحت ليلى للمطبخ ترتب الاغراض
دخل عبدالله للمطبخ بهدووء وضمها
ليلى:اووف منك عبدالله ماتترك حركاتك هذه؟
عبدالله:هههههه عندي هالملاك وتبغيني اترك هالحركات قوليلي كيف اتركها؟
ليلى:عبدالله اتركني اخاف البنات يجوا
عبدالله(يضمها اكتر):البنات في غرفتهم
ليلى(بدلع):عبدالله
في هالوقت دخلت راما للمطبخ وعبدالله ترك ليلى بسرعه ,ليلى ماتت من الاحراااااج
عبدالله:نعم حبيبتي ايش تبغي؟
راما:ابغى عصير
عبدالله(فتح الثلاجه):وهذا العصير اختاري
اخذت راما البرتقال واخذت لأختها عصير فراوله ورجعت للغرفه تلعب
رجع عبدالله لليلى وهو يهمس في اذنها:ايش رايك نعيدها؟
ليلى(بخجلللللل):عبدالله فكني
عبدالله:هههههههه اوكِ ..فهد سافر؟
ليلى(فرحت لأنه غير الموضوع):اي سافر اليوم الصبح الساعه 8
عبدالله:اووف اووف ايش هالتفاعل ماشالله؟ سألتها سؤال اعطتني موجز اخبار
ليلى:ههههههههههههههههه
عبدالله:اي شاطره في السوالف بس
ليلى:بروح لأميره اليوم
عبدالله:اوك من عيوني بس متى بتروحي لها؟
ليلى:بعد العشا
عبدالله:ومتى اجي آخذك؟
ليلى:بكره الظهر
عبدالله فتح عينه باستغراب:بجدك تقعدي لبكره وانا اقعد لحآلي؟
ليلى:اي عادي هو كله يوم واحد
عبدالله(يبتسم):الله يصبرني على هاليووووووم
ليلى(تبتسم له وتقلده):آميييييييييييييييين..
في بيت ابو ماجد وجود كانت قاعده تفكر كيف تربط رهام بعدنان:والله مافي غيرك يقدر يحلها ياورود..وقامت وجود لغرفة اخوها عدنان مالقيته وشافت جواله كان سايلنت ويهز برقم مكتوب عليه (أحمد)..دخل عدنان للغرفه مبتسم:هلا جوجو
وجود وهي تمد له الجوال:جوالك يرن
اخذ عدنان الجوال شاف الاتصال من احمد واعطاه انه مشغوول بعد كذا قفل الجوال وقعد
وجود استغربت من تصرفه وسألته:ايش فيك مارديت؟
عدنان:مالي خلق قلتله المغرب بطلع معاك وهذا هو من الظهر مزعجني اتصالات عشان يذكرني بهالطلعه
وجود:اوك..عدنان بكلمك في موضوعك مع رهام
عدنان اول ماسمع اسمها زادت دقآت قلبه وصآرت اقوى:خير؟
وجود:ايش رايك ندخل ورود في الموضوع؟وهي اكيد بتقدر تقنعها
عدنان:لا ورود ولاغيرها ماابغى احد يعرف بهالموضوع غيرك انتي وبس
وجود:اوكِ على راحتك
قامت وجود وراحت غرفتها وعدنان قاعد يفكر متى يجي اليوم اللي نعيش فيه مع بعضنا يارهام؟!!
بعد صلاة العصر نزلت أماني للصاله ومالقت امها واتذكرت ان امها راحت لوحده من جارآتها وانه ابوها مازال منهمك في شغله في الشركه ..واختها آمال كانت في الدوآم ومها خرجت مع وحده من صديقاتها وهاني طلع مع رفيقه وحست بالوحده..اتصلت على شيماء بنت خالتها
أماني:هلا شيمااء كيفك؟
شيماء:الحمدلله وانتي؟
اماني:تماام..شيماء بدخل في الكلام على طوووول
شيماء:الله يستر من اللي عندك قولي
أماني:ابغاكِ تجيني الآن
شيماء:ليش في شي؟
اماني:مافي شي بس البيت فاضي ومافي الا انا وتعرفيني مااحب اقعد لحآلي
شيماء:خلاص ثواني واكون عندك ان شالله
اماني:اوكِ ..انتظرك يلا باي
قفلت اماني وراحت ع المطبخ قالت للشغاله تجهز القهوه وبعد كذا راحت لغرفتها فتحت دولابها وطلعت منه بنطلون باللون الأسود وبلوزه باللون البيج ودخلت تاخذ لها شور..
بعد دقايق وصل هاني للبيت ومااهتم لعدم وجود احد قعد في الصاله يشوف التلفزيون وياكل مكسـرات..
في أجمل بلآد الأرض كان قاعد في حديقة المنتجع الكبير وحوله الطبيعه والأشجار الخضراء اضافة الى ينابيع الماء والمسابح اللي تفتح النفس..كان جالس يتأمل جمآل الطبيعه ورفع راسه للسماء شاف فيها غيوووم ومنظرها يريح النفس ..شوي جا صديقه فيصل
فيصل(يبتسم):مين اللي شاغل بالك؟
فهد(ابتسم):الطبيعه والمناظر الحلووه
فيصل(يغمزله):ع بالي شي تاني
فهد مااهتم بكلامه :هذا انت ياحبيبي مو انا
فيصل:تصدق اني أفكر استقر وارتاح
فهد(استغرب):بجد؟
فيصل(ابتسم):اي والله بجد..وانت؟
فهد:لا انا مافكرت ولانآوي افكر
فيصل:والله انك غريب يافهد ولا واحد بهالطول وهالوسامه وماتتزوج والله كل بنات العالم يتمنوك يافهد
فهد مااهتم لها الكلام لأنه يحسه كلام فآضي ومستحيل يشغل جزء من بآله واكتفى بالسكوت ..
فيصل:فهد فكر وان شالله بتقرر
فهد:اوووف ترى ملينا من هالموضوع كل يوم نفس الكلام انت وابو مشعلياخي انا مرتاح بوضعي.. حياتي وانا حر فيها اعيش فيها مثل ماابغى
وقام دخل داخل المجمع..فيصل استغرب منه:ايش فيه هذا زعل انا ماقلت شي يضايق لهالدرجه.. وقام راح عنده..
دقت شيماء الباب وجات الشغاله فتحت لها الباب وراحت واول مادخلت انصدمت !!باللي قاعد في الصاله وعرفت انه هاني ..هاني انتبه لها وقام ينادي اخته اماني وشيماء قعدت وهي تفكر ايش بيقول عني الحين هين ياأماني ان ماأوريكِ!؟!!
نزلت اماني خآيفه من صوت هاني
اماني:ايش فيك؟
هاني(معصب):انزلي شيماء وصلت(وطلع من البيت وقفل الباب بقوووه..
اماني(ارتاحت بعد ماطلع واخذت نفس):اووف بيحرق الدنيا عشان شي مايستاهل
وراحت لشيماء سلمت عليها وقعدت معاها
شيماء:والله انك خبله في احد يعزم الناس بيته ويخلي اخوه يستقبل هالناس
اماني:شوشو فكينا منه انا ماصدقت انه راح
وفي هالوقت رن جوال اماني شافت المتصل هآني
اماني ردت بخووف:الو هاني
هاني طبعا ماقصر هزأها ع الموقف اللي صار
اماني:خلاص هاني الموضوع مايستاهل ايش صار يعني؟
هاني انقهر منها وقفل الخط في وجهها بعد ماهددها ان له حساب تاني معاها بعد ماتروح شيماء..
شيماء:ايش فيكِ متوتره؟
أماني:ايش فيني غير ولد خالتك المجنون ماعنده غير التهديد والتخويف
شيماء:هههههههههههههههههه
اماني:اي انتي اضحكي ان شالله ياخذك ونفتك منه
شيماء ضربت اماني:مالت عليكِ ان شالله انتي تاخذي واحد اسوأ منه
اماني:اعوذبالله من لسانك بعدين هذا اذا لقيتي احد اسوأ منه ادعي علي
شيماء:ياحبيبي يامشعل الله يخليك لنا ياااارب
اماني انقهرت منها وقامت تجيب لها القهوه وشيماء انفجرت من الضحك...
في بيت عائلة السلطان كانت اميره قاعده مع اختها ليلى وبناتها ريم وراما..رن التلفون ردت ليلى لأنها كانت قريبه من التلفون
ليلى:الوو وعليكم السلام..هلا ام سامي..لا انا قاعده عند اميره بتجي؟الله يحييكِ..يلا ننتظرك لاتطولي علينا..في امان الله(قفلت ليلى)
اميره:مين هذه رجاء؟
ليلى:اي وتقول شوي بتجينا
اميره:الله يحييها
فجأه جات ريم تجري لأمها:ماما راما طاحت واتعورت ونزل منها دم
قاموا ليلى واميره يركضوا للحديقه ويشوفوا ايش حصل لراما..