هاي بنات كيفكم اتمنى تعتبروني مثل اختكم وتنصحوني

انا بنت محترمه ومؤدبه وعارفه حدودي عدل وما اعطي فرصة احد يتعدى حدوده وكل الشباب في الدفعه عرفين جذي ..ويحترموني حيل ويتراكضون علشان يتكلمو معاي المهم لي زميل تعرفت عليه انا وصديقتي انسان طيب ومحترم وعلاقتنا علاقة قويه انه يقولي علي كل شىء في حياته وانا استشيره بشغلات واجد طبعا اهو وانا ورفيجت وزميل ثاني معانه صارلنا 4سنين في الجامعه يعني عشرة عمر وعلاقتنا اخوه بشكل كبير لكن هو الشخص هذا غير بالنسبه لي المهم .دايما يقولي ان شخصيتي حلو وقويه ويعتمد علي .واني الوحيده اللي افهمه .وصدقوني يابنات الا تقولون هذا كلام شباب بالعكس الكلام هذا اتقالي كثير من ناس سواء بنات او شباب يعني هذه شخصيتي المهم مره تزاعلت معاه زعله كبيره ومسحت رقمة وهو مو فاهم ليش زعلت وفضل يدور حولين نفسة ويسال رفيجتي شنو مزعلني هم ماعرف واجي يصالحني اتصالحنا بس ما رضيت اقوله قالت ماله حق يعرف بس ما دام انه فكر واجي يتكلم معنها مستعد لمصالحتي المهم رجعنا مثل الاول وبعد فتره صار يقولي انتي طفله صغيره كل مايشوفني ويقولي المره اجيه اجيبلك حلاو انا زعلت وتضايقت بس ما عبرتله عن هذا وستمريت عادي لغاية ما سوا شىء زعلني (كرر نفس الغلطه الوله اللي انا زعلت منها)وقطعت علاقتي معاه وعصبت عليه وكل هذا اهو موفاهم شنو اهو سوى لعشان زعلت وقال لرفيجتي وانا بعد خلاص ما ابي اكلمها مادام اهي ماتبي تكلمني ..زعلت وحزنت وحسيت انه باعني لكن ثاني يوم كلمها وقالها انها تقولي مبروك علي النجاح وثالث يوم اتصل عليها وقالها تقولي انه بكره في الجامعه يبي يشوفني ونحل الموضوع طبعا انا رفضت(انا عنيده)وسافر يقضي لاجازه علي اساس كل شىء انته نهئيا وبي هذه الفتره يبعت مسجات لصاحبتي يسال علي ..وخلصت الاجازه واجي الترم البعديه هم متزاعلين سال علي وقال لرفيجتي علي الفكره لاتضنين ان الموضوع ناسيه لا الموضوع في دماغي لازم اعرف ليش زعلانه ولازم اراضيها قعدنا شهر يشوفني واشوفه من بعيد ..وما يشوفني قاعده في بنش يروح يقعد وراي في المحاظره ويقعد يطالعني وما اروح أي مكان وراي بنظراته لغاية ما اتصل علي رفيجتي وقال انا خلاص ما استحمل بكره راح اروح اكلمها لكن اخاف تتكبر علي(لان كل مره اهو اللي يجي يصالحني) اجي ثاني يوم وتكلم معاي وقلتله اللي مزعلني من الاساس واعتذرني وقالي لو تعرفي معزتج وغلاكي عندي لو انتي مثل ي بنت في الدفعه ما كنت استحمل طول المده هذه واجي اكلمج ..وسط الكلام قالي واهو يضحك(لان طبيعته جذي عنيد ويحيب ينرفز الواحد)بس ممكن ايام شوفج فيهم ما راح اسلم عليج تزعلين..طبعا بما اني مجرد زميله مستحيل اقوله ايه ازعل اكيد قلتله علي راحتك ومن زود الغباء قلت انشاالله تكلمني لو مره بشهر علي راحتك انا مجرد زميله ..قالي يعني ما راح تزعلين..قلتله لكن ما راح تقدر(قصدي هني انه ما راح يقدر لان صارلنا سنه بمشاكل اكيد اهو ماراح يسوي أي شىء يزعلني ..عشان نرجع علاقتنا)قالي ما راح اقدر اوكي بتشوفين علي اساس كلامه كله ضحك ..بعديها بيوم واجى سوى الحركه هذه كلم رفيجتي وانا معاها وماكلمني انا هني تضايقت وتنرفزت وراح قال لرفيجتي انا سويت جذي عند فيها ..وعلاقتنا رجعت عادي طول فترة الامتحانت قبل وبعد الامتحان يكلمني ويسال عن دراستي .(ويتصل علي قبل كل امتحان يشوف دراستي ).ولكن كل شوي يدخل كلمت انتي طفله ..طفله دلوعه ..من غير سبب ..ومره غبت اسبوع عن الجامعه ما فكر يتصل يطمن مثل عوايده(الي هي قبل الزعله الاوله) لا بس سال عني رفيجتي وقالها ليش ما اجدت قالتله انها ماتعرف وقال اسالي عليها لانها طفله صغيره لا تخليها جذي ...وبعد ما اجيت شفني من بعيد كان داخل القاعه وطبعا الدكتور كان موجود اصراحه شفته بس سويت حالي اكلم رفيجتي سلم علي رفيجتي من بعيد وما اجى يسلم اوكي يمكن علشان الدكتور يشرح لكن اهم قعدت خميس وجمعه ما سال عني
المهم السؤال هو ... ليش يتعمد جذي يضايقني ..ليش متمسك بكلمة طفله هذه صدقوني انا تصرفاتي معاه عاقله ورزينه يعني ما تصرفت تصرف يدل اني مثل الاطفال

ارجوكم فهموني ليش يعاملني جذي احس انه ما يبي يبن انه مهتم فيني ..ما اروح البيت وتكون رفيجتي مو معاي يقولي خلي بالج علي حالج..ويقول لرفيجتي وهي عندي لاتخليها لحالها

رفيجتي تقول انه اهو يمكن يحبني لان اول مازعلت وهو مو عارف اسبب وكان واثق من حاله انه ما سوى شىء استحمل واجى صالحني وثاني مره عصبت عليه وزعل وكان ليه الحق يزعل هم استحمل واجى صالحني وكل هذا اوهو موعارف ليش انا زعلانه ..ودايم يسال عني ..انا ما اعرف يابنات قولولي
تقولي رفيجتي يمكن اهو من النوع ما يقدر يعبر عن مشاعره فعلشان جذي يقعد ينرفزني ..انا موفاهمه

ممكن تنصحوني ..لان مستحيل اقعد احط امل علي شىء مو معرفه هل يحبني ولا لا ..اخاف انساه ويطلع يحبني ..واخاف افكر فيه ويطلع ما يحبني ..انتو شنو رايكم في الموضوع فيدوني ..قولولي شنو رايكم بتصرفاته ...واهم شىء ليش متمسك بكلمة طفله ..اهو شايفني صج
طفله يعني بالنسبه ليه ما يشوفني بنت كبيره ناضجة وعاقله ...ارجوكم خواتي انصحوني اشلون اعرف انه صج مهتم فيني ..علي فكره احنا كلها سنتين ونتخرج يعني لو كان يبي يلعب علي كان من زمان بس علي كلام رفيجتي يمكن يبي ينطر عند التخرج لانه عارف اخلاقي ما تسمحني اقعد اكلم شاب بالحب وكلام هذا ...وانا نفسي فكرت لو قالي انه يحبني ..اقوله نتعامل عادي مثل زمان لغاية التخرج بعد جذي يخطبني ..لان ما عندي هذه السوالف ..ادري راح تقولون انطري عند التخرج بس ماراح انطر سنتين ابي اعرف

سامحوني اني طولت عليكم بقصتي ..بس الرجاء لا تطنشوني

واضح انه يحبج
حب طفولي وحلو وهو يعاندج مثل ما تعاندينه ودايم اللي يحب يعامل حبيبه على انه طفل ويهتم فيه مثل اهتمام الام بطفلها
واحيان يحب يعاندج من باب المحبة ويشوف ردة فعلج اسمها مشاكسة مثل لعب الاطفال عشان جذي يقولك طفله ونصيحتي لج اختي خلك مثل ما انتي الحين ماشيه صح تعاملينه بأدب وما تبينين ان عندج قابليه لعمل علاقة حب فبل التخرج اهوا الحين يحترمج ويحبج و واثق فيك
وما صارحك بحبه لانه خايف تفتكرينه من شباب هالايام وتصدينه ينتظر التخرج ويخطبج وياليت تقللين مكالمات عشان تكبرين بعينه اكثر
هذا تحليلي والله اعلم واتمنى الله يوفقج معه إذا هو انسان طيب

ظاهر فيه يحبك برشااا بالتونسي معناها كثير

المسالة ليست انه يحبك ولكن المسالة هي انك قد تعلقت به في حين انك كنت تريدين ان تكون العلاقة علاقة زمالة في الجامعة وهو قد ادرك ماانت عليه ولذا بحسب تقديري هو يلعب معكم لعبة تشبع رغبته ولكنه من الواضح لايوجد عنده تصميم ان يتزوجك فيما بعد بل من مواقفه هو مصمم على عدم الزواج بك وانما هي ايام يقضيها معك لااكثر ونصيحتي تركه وترك غيره والالتزام بدراستك لااكثروان تحفظي ثقة اهلك الذين يحبوك ويتمنوا لك الخيروالعاقل يحفظ مايتيقن منه ويترك ماهو مشكوك وفقكم الله للقرار الصائب .

أنا لا أتوقع أنه يحبك لأن الإنسان الذي يحب لا يرضى بأن يلعب بمشاعر من يحب ، ونصحتي لك أن لا تفكري فيه واهمليه حتى لو حاول مصالحتك لكي يتأكد بأنه لا يلعب مع طفله أخشى عليك أن تعي في حبه وهو يتسلى بك ويصدمك إني أمره ، لأن هذه النوعيه من الشباب لا تستحق المعنا . صدقتك فلسطين

انتي محتاجه لعين صاحيه تنظرين منها له

يعني لاتنظرين له بعين الحب وراح تعرفين طينته زين

يااختي العزيزه يحبك بس يمكن انت تتغلين000 حتى اذا قال طفله يحبك ويخاف عليك0000
يسوي هذه الحركات يمكن يشوف ردة فعلك
الله يوفقكم0
تحياتي

يا أختــي نحـن مجتـمع الخلـــيج بشكل عـام مجتــمع محافــظ فــلا تقولــين زمــيل أو غيــرة ... العلاقــــة كلهــا غلـــط * غلـــط

يعنــي لا تتـــركيــن النفــس السيــئة تتــغلب عليــج