بصراحة قصتك كتير حزنتني وانا هالوقت صرت ما احب اي احد معايافي الجامعة
واتمنى انك تخليه وتدوري على واحد تاني علشان تغيضيه ويتحسر
وشكرا (الشاعرية)

اختي الغــــــــــــــــــاليه ...دفء المشـــــــــــــاعر
كل اللي اتمناه انك تحافظي على نفسك وتنتبهي كثير...
اختك//روح ابوها

اختي الغالية
من الواضح أنه معجب بك ان لم يكن يحبك
ولكن اسلوبك معاه فيه شوي استفزاز تحبي تعانديه أنا من رأيي تكوني طبيعية معاه وماتزعلي من أي شي ومع الوقت بتعرفي ان كان جاد والا لا
ولا تبينن له انك تحبينه خلك ثقيلة عشان يحترمك أكثر وان كان جاد فلابد أن يصارحك ويطلب زواجك
واعتقد ان كانه يبيك ماراح يتأخر بيخاف تنخطبي .

السلام عليكم ورحمة الله
فكرت كثير شنو الرد اللي برده عليج شنو بقولج عشان اقنعج لانه اراء الاخوات كانت اغلبها مؤيده للموضوع انه يحبج
بس انا اقولج اياها وعن قناعه صدقيني ماااااااايحبج
هالنوع من الشباب يحب يتسلى بالبنت يشوفها تفكر فيه وتنتظره يسلم عليها ويتكلمه يفكر اي هذي تحبني وما تقدر تستغنى عني
عارفه هالنوع من الشباب يتغذى على هالشي يعيش بهالشعور اللي يولده فيج .
صدقيني اختي الغليه وقطعي هالعلاقه لو صج يحبج جان قالج من زماااااان وما نطر اهالوقت هذي يسمونها تسيله
مانقول تتزجون الحين عالاقل يتقدم لج
يكلم اهلج عشان كل شي يصير رسمي
مو قاعد يلعب معاج لعبة القطو والفار
اختي العزيزه
الحب يجي عن طريق الموده والتفاهم والعشره الطيبه
مايجي جذيه نرفزني وانرفزك
ابتعدي عن ابليس
باين عليج بنت محترمه وخلوقه لا تخلينه يسطير عليج ويلعب بضميرج الحي
واالله يهدي بالج

مين قال لك انك لازم تنسينه انتي لا تنسيه انتي مو فحاجه له اصلا الشيطان شاطر فخليج انتي صاحيه واذا هو ما يبي يكلمك فحرقه عليه ولو يحبج ما راح ينساك ورح يجي يخطبج بعد سنتين انشاء الله بعد التخرج اتمنالك كل خيراختك سوسو

مرحبا يالغاليه
ياعيوني مبين عليك طيبه كثيييييييييييييير
هالولد مبسوط ان فيه وحده محترمه ماتكلم احد وتكلمه هوبس
يرضي غروره
بس عالعموم ياعمري
بعد كذا عبري عن الي يضايقك فوري
ولا تعتقدين ان الرجال يفهم ويقدر من نفسه
اذا زعلتي قولي انا زعلت بسبب هذا التصرف
لان احيانا الواحد مايحس نفسه مسوي شي
واذا تقرب منك تكلمي بصراحه
واطلبي منه يحدد موقفه
واذا مايبيك فيه غيره
ادعي ربك وهو يعطيك
الله يوفقك يالغاليه