كيف تصممين شريط فلم ؟؟(((مجموعة الصداقة)))

@منى@ · 10-08-2006, 05:52 PM

السلام عليكم ورحمة الله
ودك تصممين شريط فلم لاي تصميم تبيه؟
انا اقولك الطريقه وسهله جدا
ولكن احب اذكرك بالبدايه لعدة نقاط:-

1 - كل نقطه تقريها طبقي عليها مباشرة
2 - كل درس تقرأيه ويعجبك انسخي الصفحه كامله وحطيها عندج في برنامج الوورد وسوي لها حفظ .. بمعنى ضللي صفحة الدرس كامله يعني سوي (تحديد الكل) وبعدين نسخ .. وروحي للوورد وسوي لصق .. واحفظيه يصير لاجيتي يوم بتتذكري نقطه معينه تلقينها جاهزة بدون ماتدخلين الانترنت

بسم الله نبدا ....

1 - افتحي ليرة جديده بمقاس العرض 200 والطول 380 بكسل ،،

2 - املئيها باللـــون الأســــــود ...

3 - اضغطي Ctrl + حرف الطاء وبكذا بتظهر لج شبكة على الصفحه

4 - الآن اختاري الفرشة .. وحددي شكل مربع ويكون حجمه مثلا 10

واضغطي ضغطه وحده على في وسط شكل الشبكة وتحته مباشرة اطبعي مربع ثاني
بالشكل هـــــذا

5 - نفس الشي سويه بالجهه اليمنى الين يطلع لج هذا الشكل

الآن شيلي تحديد الشبكة بالضغط على Ctrl + حرف الطاء

6 - اضفي ليرة جديده واختار ي آداة التحديد

وسوي شكل مربع في وسط المربعات البيضاء الصغيرة بحيث يصير كذا

بعد كذا ... اتجهي الى حرف الاف اسفل الطبقات
واختاري Stroke مثل الصورة ... ((( أو اضغطي على اللير مرتين )))بتطلع لج الصورة التالية

لاحظي بالصورة ان الحجم 1 بكسل ..
ولاحظي ان خيار Position على Outside

ومن مربع اللون اختاري لون ابيض

الآن دبل الليرة .. اي اضغطي على ليرة المربع بالزر الايمن للفارة
ثم اختاري Duplicate Layer وكرري العملية الى ان تتساوا المربعات تحت بعضها
بحيث يصير بهذا الشكل

الآن انت انتهيتي من صناعة شريط الفلم ..
حطي بداخل كل مربع صورة معينه على اساس انه فلم ..
وبتطلع لج هذي النتيجه ...

اي ســـؤال انا حاضرة

~$خذاني الشوق ورماني$~ · 10-09-2006, 07:07 AM

مشكوره

تسلم

إيديك

@منى@ · 10-09-2006, 01:58 PM

الله يسلمج غاليتي

سحر الجاذبيه m · 10-10-2006, 06:05 AM

ألف شكر لك أختي

شرح جميل ووافي

بطبقه وارجع أن شاء الله

ربي يعطيك ألف عافيه

شكرررررا

بدووووور · 10-10-2006, 09:01 AM

تسلمين حبيبتى منى

الله يعطيك العافيه

@منى@ · 10-10-2006, 02:51 PM

الله يعافيكم عزيزاتي

سحر الجاذبية أنتظر التطبيق

مريومه 00 · 10-11-2006, 09:05 AM

موضوع جميل

ألف شكرلك اختي منى

وبانتظار المزيد

@منى@ · 10-11-2006, 12:32 PM

اقتباس:

المشاركة الأصلية كتبت بواسطة مريومه 00

موضوع جميل

ألف شكرلك اختي منى

وبانتظار المزيد

العفو عزيزتي

الله لا يحرمنا من هالطلة

gamar · 10-11-2006, 05:31 PM

منى

ابي من هالدروس كثري منها بالله ودي اتعلم

انتظري تطبيقي ان شاء الله

@منى@ · 10-11-2006, 06:22 PM

اقتباس:

المشاركة الأصلية كتبت بواسطة gamar

منى

ابي من هالدروس كثري منها بالله ودي اتعلم

انتظري تطبيقي ان شاء الله

هلا قمورة حبيبتي

انتي تآمرين أمر

وأنا بين كل فترة وفترة بنزل لكم دروس

وأنتظر تطبيقج يا غالية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)