(( الجـــــزء الثامــــن ))

ام ناصر:بدري الحين جيتي؟
عبير(خاافت واستغربت ايش مسهر امها للساعه 2 ومن الخوووف ماقدرت ترد)..
ام ناصر(بعصبيه):ردي علي ليش اتأخرتي؟
عبير(والخوف واضح في عيونها):يمى انتي قلتي أجي بعد الزفه وهذا انا جيت بعد الزفه مباشرة
سحبتها امها من شعرها:انقلعي اقعدي في غرفتك وانسي بعد كذا انك تروحي لوحده من صديقاتك
ركضت عبير لغرفتها وعيونها تبكي الدمووع بس قلبها يبكي دم وألــــم وعذاااااااب
ام ناصر ماكانت تعامل بنتها عبير بهالأسلوب بس بعد ماشافت طيبتها مع مروان قلبت اسلوبها معاها
بعد ثواني دخل مروان للبيت:السلام عليكم
ام ناصر(على نفس حالتها من العصبيه والقهر):وعليكم السلام ..بدري
مروان هز راسه بيأس وطلع لغرفته ..طلع لغرفته بعد ماسمع انواع من الكلام اللي يجرح ويقطع القلب بس هو كعادته مهما صآر يحاول انه مايرد عليها ولا بأي حرف..
في الصبح قام عدنان من النوم وغسل وجهه ’بعد كذا نزل للصاله ماشاف احد وعرف انهم
كلهم نايمين(اوووف انا ايش اللي قومني هالوقت.؟!) طالع في الساعه شافها 10 ونص وقعد في الصاله يشوف التلفزيون..بعد ثواني رن تلفون الصاله
رد عدنان:الووو
......:السلام عليكم
عدنان(حاول يركز في الصوت اكتر):وعليكم السلام
.......:وجود صاحيه ولا؟
عدنان(اخيرا قدر يجيب الصوت وابتسم):وجود نايمه
رهام:طيب ورود؟
عدنان:ورود كمان نايمه
رهام(لاشعوريا):طيب مين انت؟
عدنان ضحك على سؤالها:اول قوليلي مين انتي
رهام:انا رهام مين انت؟
عدنان(والابتسامه شاقه وجهه):اوكِ انا عدنان
رهام:اها
عدنان:ايش صحاكِ هالوقت؟
رهام:والله مادري ..وانت؟
عدنان:انا اتصالك قومني من النوم
رهام:وايش اللي منومك في الصاله؟
عدنان(وهو بيموت من الضحك):ههههههههههه لاوالله امزح مادري ايش اللي قومني والبيت كله نايم
رهام سكتت وماردت عليه
عدنان:الوو رهاام
رهام(انتبهت):الوو اي يلا خلي وجود تكلمني بعدين
عدنان:ان شالله
رهام:اوك في امان الله
عدنان:مع السلامه
قفلت رهام وقامت للمطبخ تفكر في عدنان والموقف اللي حصلها معاه وتقول في نفسها
(مادري هالانسان احس ان فيه شي مميز عن اخواته واخوه بس ايش هو هالشي؟!!!)
ولاشعوريا ابتسمت واخذت كوب الشاي وطلعت لغرفتها..
عدنان قعد يفكر في احلى مكالمه في عمره من اللي ملكت قلبه وروحه وعمره وابتسم في قلبه قبل لاتبتسم ملامحه المميزه وقال في نفسه(الله يخليكِ لي ويخليني لك )..
في بيت ام بدر وبعد صلاة الظهر اجتمعت العائله ع الغدا
ام بدر:ياولدي لايكون اتأخرت ع الرحله
بدر:لايمى مااتأخرت الرحله تبدأ الساعه 2
وائل:خلاص اتغدى بعدين روح
بدر:ان شالله ..وائل لا أصيك امي وروان خليهم في عينك
وائل(وهو فرحان انه بيتحمل المسئوليه):ان شالله
روان(بمرحها المعتاد):ااخ بس انتظر بدر يرجع ويتزوج ويجيله توأم
الكل:هههههههههههههههههههههههههه
بدر:ايش فيكِ تبغي الفكه مني لهالدرجه؟
روان:لا مو فكه بس ابغى اصير عمه اليوم قبل بكره
بدر:طيب والتوأم ما اختارتي لهم اسماء كمان؟
روان(وهي تفكر):اممممم الا لقيت اسمين حلووووه وتجنـــــــــــــــن
بدر:قولي
روان:روان ومروان
ام بدر اول ماسمعت اسم((..........)) اتجمعت الدموع في عينها وراحت لغرفتها
الكل استغرب من تصرفها بس بدر حاول يكمل الموضوع:مروان حلو بس رواان لاااا
روان:ليش ايش فيه اسمي؟
بدر:اخاف تطلع على عمتها تجنن خلق الله
روان:تجنن خلق الله بجمالها
وائل:اووف من هالجمال اللي طفشتينا منه
روان:غيررراااان لأني احلى منك بس لو تموت ماتوصل ربع جمآلـــــــــي
بدر:ههههههههههههه الله لايفرق بيننا يارب
الكل:آمين
قام بدر وودع اخته واخوه وراح للغرفه عند امه واول مادخل حاولت ام بدر تخفي الصوره اللي في يدها وبالفعل حطتها في الدرج ومسحت دموعها عشان ماينتبه لها بدر..بس بدر انتبه لدموعها وراح باس راسها وخدها وهي حضنته والدموع على خدها وحاول يصبرها وبعد كذا ودعها وطلع لصديقه ماجد واخوه هاني ومعاهم سامي اللي كانوا ينتظروه في السياره..
وطول الطريق وبدر يفكر في الصوره اللي امه خفتها عنه والموقف تكرر في باله عدة مرات
وقرر بدر انه لما يرجع يحاول يكتشف ايش سر هالصوره اللي امه بكت عشانها..بعد دقايق وصلوا للمطار وسلم هاني على اخوه ماجد وعلى سامي و بدر وودعهم ورجع للبيت..وبعد ربع ساعه جا موعد الرحله وركبوا للطياره متوكلين على الله..
في العصر قامت رهف غسلت وجهها واخذت جوالها تقلب فيه يمكن تشوف رساله من ماجد او اتصال منه لكـن لسوء حظها مالقت شي منه طالعت الساعه شافتها 4 واتأكدت انه سافر خآصة بعد ماقالتها آمال اخته ان رحلته تبدأ الساعه 2 حاولت تخفي حزنها وابتسمت رغم الألم ونزلت للصاله شافت امها واختها شيماء
ام مشعل(ابتسمت):ياهلا بأحلى عروس
رهف اتذكرت كلمة ماجد((أحلــى عروس)) اتذكرته لما قالها هالكلمه امس وابتسمت وقعدت مع اهلها
قامت شيماء:عن اذنكمـ بروح اجيب الشآي
راحت شيماء للمطبخ وام مشعل التفتت لبنتها:ها ايش اخبار ماجد؟
رهف(ابتسمت):الحمدلله بخير
ام مشعل(فرحت ع بالها ان ماجد كلم رهف وطمنها على حاله):الله يخليكم لبعض ويكتب لكم السعاده ياارب
رهف:آميــــــــن..
بعد المغرب في بيت ام سامي نزلت وجود للصاله:مساء الخير
الكل:مساء النور
ابو سامي:ايش فيكِ يابنتي هذا كله نوم؟
وجود:لا بابا صحيت العصر ذاكرت والحين نزلت
ابو سامي(ابتسم):الله يوفقك يابنتي
وجود:آمين
ام سامي:وين ورود؟
وجود:فوق قاعده تذاكر
ام سامي:الله يوفقكم يارب
الكل:آمين
عدنان:وجود
وجود :نعم
عدنان:رهام اتصلت عليكِ وتقولك كلميها ضروري
وجود:ان شالله(وقامت):يلا عن اذنكمـ بروح اكلمها واشوف
راحت وجود لغرفتها وقام عدنان وراها بحجة انه بيشوف دراسته على موقع في النت بس ماراح لغرفته قام وراح لغرفة وجود
ورود:ماشالله كلكم عندي؟
وجود:انا بس ابغى اكلم رهام
عدنان:وانا جيت اسلم عليكم
ورود:سلامك وصل..وجود
وجود:نعم
ورود:كلمي رهام في غرفة نوف
وجود:ورود انتي عارفه ان نوف تكره بنات خالي تركي ومستحيل تخليني اكلمها في غرفتها
اتفاجأ عدنان من الخبر:تكرههم؟!!!
ورود:اي وماتطيق تشوفهم
عدنان(باستغراب):ليش؟
وجود:مادري عنها
ورود:تصدق ياعدنان انها تقول ان ماجد حظه سيئ لأنه اخذ رهف؟
عدنان وكانه مايصدق:لهالدرجه تكره رهف؟
وجود:حتى رهام مو بس رهف
عدنان:والله خالي وبناته طيبين وانا متأكد ان الخلل منها هي
ورود:اي والله اصلا شي واضح
وجود:الحين قوليلي وين اكلم رهام؟
ورود:روحي غرفة سامي
وجود:وانتي ماصدقتي انه سافر شكلك من زمان تبغي الفكه منه
ورود:ههههههههه لا والله بس هي الغرفه اللي فاضيه حالياا
وجود:ياعيني على ذكاء اختي وانتي نسيتي ان سامي قبل لايسافر لازم ياخذ مفتاح غرفته معه
ورود(وهي تتذكر):اي صح بس عموما كلميها في اي مكان غير الغرفه هذه
عدنان:بس انتي وهي لما ابوي قال لكم كل وحده تاخذ لها غرفه مارضيتوا والحين كل وحده فيكم متضايقه من التانيه
وجود+ورود:مو متضايقين
ضحك عدنان عليهم:وجود تعالي كلميها في غرفتي
وجود:اوك
وبالفعل راح عدنان لغرفته يقلب في المجلات ووجود اتصلت على رهام..
ردت رهام:هلا وجود
وجود:اي يقول عدنان اتصلتي علي الصبح
رهام:اي اتصلت
وجود:وانتي ايش اللي قومك الصبح؟
رهام:ههههههههه تصدقي مادري النوم فجأه طارمن عيني
وجود:اي قولي ايش عندك؟
رهام:متضايقه وابغى اطلع
وجود:انتي ماعندك غير الطلعات اقعدي ذاكري شوي
(عدنان عينه ع المجلات واذنه مع اخته وجود)
رهام:خلاص بكره ان شالله بذاكر بس اهم شي اليوم اطلع
وجود:والله حبيبتي انا اليوم بذاكر وسوري مااقدر اطلع معك
رهام:اووووف كل وحده مالها خلق تطلع معآي اليوم
وجود:اجل خلاص اقعدي ذاكري
رهام:يابروووووود أعصـآآبك
عدنان أشر لوجود وقالها:انه هو اليوم بيطلع ..حطيه ع السبيكر
ضحكت وجود ورهام استلمتها تحقيق ليش تضحكي وعلى ايش الضحك؟
وجود:مافي شي بس عدنان يقولك هو بيطلع اليوم
رهام(اتنرفزت):ماباقي الا هو لو اموت مااطلع معاه
عدنان:ليش لهالدرجه عدنان متوحش؟
رهام خالطها شعور خووف وتردد:وجود
عدنان اخذ الجوال:وجود امي نادتها وراحت..جاوبيني
رهام(بكل ثقه):اي مااطلع معاك ليش اطلع معاك ماابغى نفسي قالو لك؟!!
عدنان(ابتسم):بيجي اليوم اللي اطلع معاكِ وقولي عدنان ماقال
رهام خاافت من جرآة عدنان وعمرها مااتوقعته لهالدرجه جريئ وحاولت تصرفه:
امي تناديني يلا باي
عدنان:مع السلامه
قفلت رهام وهي مقهووره من وجود وفي نفس الوقت فرحاانه انها سمعت صوت عدنان
(مادري ليش لما تسمع صوته ترتااح ولما يكلمها تحس انها عايشه في سعااده مالها مثيل تحس ان كل الأحزان رحلت عن عالمها وبقت الأفراح قريبه منها وتحيطها في كل موقف )فجأه قطع تفكيرها دخول رهف لغرفتها
رهام:هلا رهوفه ايش فيكِ متضايقه؟
رهف(بحزن):تصدقي يارهام ان ماجد ماكلف نفسه يرسلي ولا رساله يطمني فيها عن حاله
رهام:لاتستعجلي يمكن بعد شي يتصل عليكِ ومايقفل لين تملي منه
رهف:الله يسمع منك
رهام:آمين
رهف:بس بصراحه مااعتقد انه يفكر يتصل
رهام(باستغراب!!):ليش؟
رهف:لأنه الان الساعه 8 وهو سافر من الساعه 1 ف عشان كذا مااعتقد ان في امل
رهام(وهي تحاول تخفف على اختها):لا صدقيني ماجد مو من هالنوع واذا ماسأل عنك اليوم بيسأل عنك بكره
رهف:ان شالله
رهام(ابتسمت):قومي ننزل نقعد مع امي شوي
رهف:اوك يلا(وقاموا ونزلوا للصاله واستانسوا في هالجلسه الحلوووه اللي بينهم..
في استراليا وبالتحديد في مدينة سيدني كان واقف على الشباك تتساقط عليه نسمات الهواء البارده والثلوج اللي كانت تتساقط في فصل الشتااء كان واقف يفكر في حياته الجديده معاها كيف بتكون وهل بيكون مبسوط ومرتاح معها او لا؟!!
ماجد لاشعوريا ابتسم!!ابتسم!! لأنه اتذكرها واتمنى انها تكون معاه في احلى منظر يغطيها الثلج ومافي شي يشعرها بالدفء غير احضانه اللي تنعم فيها بالراحه والدفء والأمان
طالع ساعته وشاف ان سامي وبدر لهالوقت ماوصلوا وقال:اكيد المكان مزدحم بالناس والماره
راح اخذ جواله من فوق المكتب وقعد عالشباك واتردد هل يتصل عليها او لا؟!!
في الأخير قرر انه يتصل ومسك جواله ودق رقمها وهو يحس بحرارة شوووق لسمآع صوتها
قامت من النوم على رنة الجوال مفزوعه وخايفه مين اللي اتصل عليها في هالوقت المتأخر شافت الرقم عرفت انه ماجد ..ماجد!!اللي شغلها بالها وتفكيرها وطير النوم من عيونها
وردت بعد خامس رنه بصوتها الأنثوي الناعم والممزوج بطبيعتها النآعمه:الووو
ماجد(الأرض مو شايلته من الفرحه انها ردت عليه ويحس انه حياته اتجددت عليه من اول وجديد وحس ان اليوم اسعد ايام عمره وهو يسمع صوتها ويحسسها انه قريب منها مهما زادت المسافات بينهم)
ماجد:هلا رهوفه اخبارك؟
رهف:الحمدلله وانت كيفك؟
ماجد:بخيييييييييييير دام اني سمعت صوتك
رهف(خجلللت):دوم يارب
ماجد:ان شالله اسمع صوتك دووووم
رهف بعد كلمة ماجد حست انها عايشه في دنيا مافيها احزان ولادمووووع كيف لا وهي تكلم رفيق دربها ونور عيونها ومالك فؤادها واحاسيسهاا
ماجد:كم الساعه عندك؟
رهف:2
ماجد:الليل؟
رهف:اي ليل
ماجد:لايكون كنتي نايمه وازعجتك؟
رهف:لا عآدي
وفي هالوقت رجعوا بدر وسامي للشقه
ماجد:اسمعي رهف
رهف:نعم
ماجد:اتصلت اطمنك على حالي واني الحمدلله وصلت بالسلامه
رهف:الحمدلله ع السلامه
ماجد:الله يسلمك..يلا انا بقفل لأني مشغووول تعرفي الدراسه
رهف(بحزن):الله يوفقك
ماجد:آمين يلا في أمان الله
رهف:مع السلامـه
قفل ماجد من رهف وراح اتعشى مع بدر وسامي ,ماجد على قد طيبته الا انه عنييد في بعض الأحيان ومايحب يبين حبه لأحد بالعكس يحب ان رهف تثبت له حبها حتى هو يقدر يحقق لها كل الأحـــــلام اللي تجمعهم مع بعض وتسعدهم..
قفلت رهف وخالطها شعور فرح وحزن فرحت لأنه اتصل عليها وعبرها وحست ان لها مكانه في حياته بس حزنت لأنه قال لها انه مشغووول بدراسته وماطول كتير معاها ’قفلت جوالها ونامـت !!نامت وملامح الحزن غطت وجهها وسكنت قلبهاا ومشاعرهاا..
في الصبح لبست عبير ملابسها ونزلت للصاله
ام ناصر:عندك دوام اليوم؟
عبير:اي عندي
ام ناصر:ووينه اللي بيوصلك؟
عبير:في السياره ينتظرني
ام ناصر:اوكِ
عبير:مع السلامه (خرجت وركبت للسياره بكل هدوووء)..
عدنان وصل وجود لجامعتها وهذا اول يوم يوصل فيه عدنان وجود ,نزلت وجود ودخلت للجامعه شافتها صديقتها أفنان
افنان:اهلين بالغآليين
وجود(ابتسمت):مرحباا
أفنان:وجود ممكن اسألك سؤال؟
وجود:اتفضلي؟
افنان:مين اللي وصلك اليوم؟
وجود:هذا اخوي عدنان
أفنان(ابتسمت):ااها
وجود:غريبه ليش هالسؤال؟!!!
أفنان:بصراحه ياوجود ماشالله عليه يجنن
وجود في نفسها(كل البنات متجننين على هالعدنان لهالدرجه جذااب):وابتسمت:متى المحاضره؟
أفنان(وهي تطالع في ساعتها):باقي نص ساعه عليها
وجود:اوك ايش رايك نروح نشرب لنا قهوه؟
افنان:اوك يلا
ويروحوا للكافتيريا ويطلبوا 2 قهـوه..
افنان:وجوده ممكن اسألك سؤال؟
وجود:اتفضلي
افنان:اخوكِ كم عمره؟