يا بنات المنتدى انا عندي مشكله انو انا حصلي موقف مو قادره اكمل حياتي من بعده انا كنت انسانه مبسوطه جدا وكنت اقول يالله انا اش عندي نعمه وكنت اقول ما اقدر اطلب من ربي اكتر من كده وكان عندي ناس كتيير يحبوني واحبهم ومن الناس دول شخص كنت احبه اكتر من حياتي وكنت اقول هدا الشخص اللي من جد لو صار لو شي مو كويس اقول وبصدق ياليته فيه ولا فيه وبعدين اكتشفت انو الشخص دا خدعني وكان بيمثل واتخلى عني الموضوع عدا عليه سنه ولحد دحين انا تعبانه نفسيا وضايعه وتايهه ومني مرتاحه ومو قادره انسى الموضوع انا كنت ممتازه في دراستي وكنت احب الحياه اما دحين انا حاسه الحياه ما لها طعم من دونه اش اعمل الشخص دا انا متأكده 100% انو ما يبغاني وبايعني وبليييز لا احد ينصحني اني ادور على احد غيرو لأني انا في مرحله في حياتي ما تسمحلي بعلاقات زي دي بس لو كانت العلاقه معاه انا اعمل اي حاجه حتى لو كان في علاقتي بيه ضياع مستقبلي حبيته من كل قلبي يا بنات الله يخليكم ساعدوني ابغى اعيش مرتاحه

سبحان الله الانسان مو كل حياته سعاده ..


انتي قولتي انك متأكده ان الشخص مايبغاك وبايعك أجل ليه تعبانه كدا ،، انسيه بالمره لاتذلي نفسك له لاتضيعي
مستقبلك وحياتك عشانه والله راح تندمي بعدين طول حياتك ندم ،،،أنا معاك انك ماحتقدري تنسيه بسهوله لكن حاولي قد ماتقدري اشغلي نفسك بأي شي ينفعك ،،،وأوصيك ياأختي بتقوى الله والمحافظه على الصلوات في أوقتها وذكر الله وصدقيني اذا سويتي اللي يرضي ربنا والله راح تتغير حياتك وراح تعيشي أسعد انسانه ...



والسمووووووووووووووووووحه منك....

السلام عليكم
اختي الغاليه هذي اول مشاركه لي بالمنتدى واتمنى اني افيدك بردي .
حبيبتي الغاليه من كلامك مبين انك لسى صغيره والي يتكلم قلبك مو عقلك لكن لو انجرفتي للغلط وربي والي خلق الكون انك بتندمين طول عمرك واتوقع ان الله ومن بعده امك وابوم والي قلتي انهم يحبونك اغلا بكثير انك تبيعيهم علشان شخص مايشتاهلك وهو اصلا مايسوا .
في اتخاذ قرارك نسيانه هذا شي بيظيف لحياتك المستقبليه الشي الكثير احترامك لنفسك انك اقوى من اي تيار بحياتك واول خطوه قويه تتخذينه تقوي شخصيتك وتحسسك انك في الطريق الي يملى عين اهلك وقبل كذا رضى ربك
ولمى تكبري وتتذكري الموضوه ااكدلك انك بتحترمين ذاتك وتعتبرين الي صار شي قديم غطى عليه الغبار وراحت اثاره اذا تغلبتي عليه اما اذا كان العكس بيصير اثر جرح عميق كندبت عار بحياتك .
اتمنى ان نصيحتي تفيدك واحسن شي تسوينه اشغلي وقتك بين العباده والاجتماع مع من تحبينهم ويحبونك واعتبري الشخص هذا شي غير مبالى فيه يعني اذا تناسيتيه بتنسينه خلي هذي قاعده وصدقيني كلها ايام تمشي وتنسينه وربي اعطانى نعمت النسيان اشكري ربك على نعمته وامشي طريقك والله معك لان الي يذكر الله الله ماينساه .

اختي الغاليه //سموره اموره
تحيه طيبه من قلب اختك//روح ابوها
كـــــــــــل عااام وانتي بصحه وسلامه .. وكل عام وانتي الى الرحمن اقرب..
.
.
.
.
اختي اغلب البنات مروا بهذه المرحله والاغلبيه العظمه متندمه ندم كبير .. البنت تحب الشخص اللي يهتم فيها اللي يسأل عليها اللي يهديلها كلام معسول ..زي منتي عااارفه .. وهذا غريزه سبحان الرحمن في خلقته ..بس الوحده تقدر تحكم قلبها وهواها من اللي يحصل في زمنا هذا .. مصايب يشيب الرأس منها ..



اختي الغااااااااااليه //
حاولي ان تتحكمي بقلبك وتفكري بعقلك لو دقيقه على الاقل دامك انتي عارفه انه مايبيكي ليه تبيح والله لو اني اموت فيه واحسه مايبيني والله بالطقاق اللي يطقه ..((اللي مايبانا ما نبيه)) .. قرري انك تنسيه وانتي بتنسيه صدقيني اسألي مجربه .. وبعدين انتي لسه ماشفتي الحب اللي بعد الزواج والله لا تضحكي على نفسك يوم تذكري.. والله يكون في عونك ..


مع تمنياتي لكي باتوفيق المستمر..

انا ما أقولك إلا كلمة وحدة اللي مايعدك مكسب لا تعديه رأس مال
واللي باعك بيعيه وأجبري على قلبك وبكرة إنشاء الله ربنا يعوضك خير وباللي أحسن منه وصدقيني فين راح يروح من يد ربنا وأكثري من قول حسبي الله ونعم الوكيل فيه وربنا راح يوقعه في شر أعماله ...
ربنا يمهل ولا يهمل كله ولا أعراض بنات الناس...
والله يقويكي ويصبرك ويجبر على قلبك ..