اختي القلب الحنون وربي ماعاد أفتح لهم سيره أصلآ كرهت هالسيره وبعدين مامنهم أي فايده حتى لو كلمتهم اللي قالت لي مو أخته بنت خالي التاني والله العضيم ماسألتها ولا قلت لها أي شئ قالت لي إنه هو متمسك فيك ودايم تقولها ليه بس
وحكايه إني أقول لأمي ماقدرت صراحه ماني عارفه كيف أفتح لها الموضوع وأقولها صعبه والله صعبه
وكلت أمري لربي وأدعو لي ياأخواتي إنه ربي يرزقني الحكمه في أمري هدا وأموري كلها والله يكتب لي اللي فيه الخير لي وللجميع...اللهم أمييييييييين ....أشكرك من أعماق قلبي يالقلب الحنون والله يسعدك ويجمعنا في الجنه يارب...

اذا تبغين نصيحتي واقسم بالله انها من قلبي اذا هم من زمان طالبينك ومر فتره طويله على شرطك وما تقدمو اذا تقدمو ارفضي وبشده لانها با العقل لو شاريك والله مايفكر ياخر على الاقل الخطبه رسمي ويضمنك له ترا انا كذا من يوم انا في الثانوي وهم يقولون اني لولد عمي ولا اتقدمو رسمي الا وانا ثاني كليه وكانت امه مره تموت فيني وكنت احس انه ماخطبني الا باصرار منها وعلى كلام الرجال هذا لحد ما تخرجت وتقدمو وملكت بس مدري ليش دايم احس انه مايحبني حتى فتره الخطوبه كانت بارده زي برود الايام الي كنت مخطوبه له بس با الكلام والله كنت دايم ابكي ما يتصل ولا يسال ولا شفته في فتره الخطوبه الا مره وحده بعيد رمضان لانهم كانو في المدينه الي انا فيها من حسن حظي وطلب يقابلني وبعدها جا عيد الاضحى ولا شفته ولا كلف خاطره يجي لا والله ولا كلم تخيلو في العيد يكلم جدتي وانا بحسرتي ولا شفته الا في الزواج وكان الزواج في شهر 7 من هذيك السنه ولا صار يكلم الا لما انا سرت اتصل كثير والله الا يومك هذا وانا متاكده انه مايحبني واكتشفت انه يخون وكل يوم يطلع لي بلوه علشان كذا حبيبتي لا تنتظريه وشوفي نصيبك مع واحد شاريك خاصه الاقارب اكيد اهله ملزمين عليه ومايبغى يزعلهم لو يحبك كان قال اصلا قريبتي وبخطبها من بدري وبعيش انا وهيه جو خطوبه حلو او ما بيستحي ويرسل لك كلام او سلام مع اخواته يعني كان حبكم بيكون واضح لانكم قرايب وارفضيه واحرقي قلبه زي ما انا اتمنى الايام ترجع وارفضه واوافق على كثير كانو متقدمين لي بس غبيه بقيت منتظره والله اني مررررررررررره متحسفه رغم اني واثقه من نفسي ودايم اقول والله مايستاهلني اسفه على الاطاله بس لاتغلطين غلطتي

زهزوه وربي خوفتيني بحكايه البرود اللي أحسها إنتشرت في الأيام هادي طيب هو محد جبره هو اللي أختارني مو أهله بس فعلآلو هو شاريني كان جاء خطب رسمي كلمتك هدي هزتني بصراحه بس برضوا ضامن لأنه محد راح يخطب طالما الكلام بين الرجال يعني مو شاغل باله أصلآ
بس أحيانآ أقول هو خطبني في فتره مراهقته يعني كان تاني تانوي ويمكن كان هدا حب في فتره المراهقه بس لأنه سمعت عن حب في فتره المراهقه وبعد كدا يايدوم أو ينتهي أنا أقول كان في فتره مراهقه عشان كدا صمم على أبوه إنه يكلم أبويه وعلى فكره خالي ماتكلم إلا بعد محاوله كتيره من إبنه المزعوم خطيبي ...؟
على العموم انا كلمت أختي الكبيره قلت لها أنا طفح الكيل عندي ياتتصرفي ولا بيحصل شئ مني؟؟؟ واللي بيصير يصير ...
والله أنا ماأقول كدا حب في الزواج بس الأصول أصول وأي وحده مهما كان ماتتحمل اللي بيحصل معايه...
مشكووووووره على الرد ياالغلا....

مراحب اختي سوسو لاتحرقي اعصابك وتعبي عمرك بالتفكير خليها ع رك وربي ييسرها ان شاءالله
عادي يالغلا انتي مثل اختي لها سنتين حاجزتها خالتي بس باقي يدرسون وباقي له تقريبا 3 سنوات
غير السنتين اللي طافت هم يمكن خافوا انك تروحين عشان كذا حجزوك عشان يضمنون انك راح
تكوني لولدهم اهم شي لاتفكري كثير بالموضوع وحاولي تتجاهليه وخلي كل شي بيومه متى
ماربي كاتبه راح يجون ويخطبونك رسمي بس انتي لاتسالين ولاشي بعدين يحسبونك قاطه عمرك
عليه وربي ييسرها لك والله يسعدك ان شاءالله و كل شي بوقته حلو انتي بس لاترهقين تفكيرك
ياحلو والله يوووفقك يالغلا

لاحراااام عليك يازهزوه اصابع يدك مو سوى بدل ماتخففين ع سوسو
تخوفينها مو شرط الرجال مو كلهم مثل بعضهم ربي يسعدك ان شاءالله ويردلك
زوجك ويحطيك ع راسه ويعرف قدرك بس مالك الاربي ادعيله وكثري الاستغفار
وربي كريم يازهزوه>>>المعذره ع المداخله يالغلا

مشكوره على الرد أختي شموخ بس انا ماقلت لهم أبغى فرح أنا اللي أبغاه شئ رسمي وبسسسسس لأنه ماهي حلوه في حقي إنهم يسوو كدا وإحنا سكتنا بما فيه الكفايه ...
مككن سؤال أختي شموخ أختك خطبتها رسمي ولا بس كلام بين رجال ؟؟؟؟
والله يسعدك على الرد خيتو....

الله يسلمك لاابشرك كمان مو كلام رجال كلام نسوان يعني خالتي مكلمه امي حتى
اخواني مايعرفون عن شي لان الوالد متوفي الله يرحمه بس اختي انخطبت كثير واحنا نرد
حتى اخواني مستغربين بس احنا مانبي الموضوع ينتشر لانه ماصار شي رسمي للحين
بس الله يوفقك انتي واختي وييسر امركم ع خيييييير يالغلاوالله حاسه فيك لانك مثل معاناة
اختي بس خلوها ع ربكم وربك كريم ان شاءالله

نصيحه مني لاتنتضروه إدا مايستاهل طيب ليش مايجوو يخطبو رسمي ادا من جد يبغوو أختكم يصير كل شئ رسمي خلي أختك تشوف حال سبيلها والله ماتدرين يمكن في الأخير يقول ماأبغاها ويختار غيرها زي ماحصل مع وحده من قرايبنا خطبها واحد لمده سنتين تقريبآ وبعدين قالهم ماعاد أبغاها وراح أتزوج وحده تانيه ادا جاء واحد أخلاق ودين وافقو وماعليكم من أحد لاتصير متلي حرام عليكم تردو الخطاب عشان واحد ماخطب رسمي ولا حتى على الأقل كلم أخوانك ادا ابوك متوفي لاتسمحو لهم يتمادو في الموضوع والله يوفقنا أجمعين لما يحبه ويرضاه وييسر أمورنا....
والله زمن العجب والحيره...

بسم الله الرحمنا الرحيم
الامر سهل انشاء الله
الحل الاول انك تكلمي احد اخواته بالموضوع لأنك اصبحتي مثل ما يقولو معلقة لانه فأمكانه لا سمح الله يخطب وحده غيرك

الحل الثاني انه تطلعو خبر بأنك جاك خطيب ولو فعلا هم لسه متمسكين فيك راح يأكدو خطبتهم منكم بشكل رسمي

مشكووووووووووره خيتو على الرد بس والله أحترت بجد بعضكم يقول كلمي أخواته وبعضكم يقول لاتفتحي لهم سيره عشان مايحسبوكي قاطه عمرك عليه والفكره اللي قلتي عليها صارت فعلآ وزي ماقلت إنه مره أخويه قالت لمره خالي إنها تبغاني لأخوها بس مره خالي مارضيت تتكلم على قولتها الكلام كبير عشان كدا ماخبرتهم مع إنه فعلآ تبغاني لأخوها هي سكتت لإنه ماتبغى مشاكل ....