انا موقفي حساس جدا ..وخايفه على عائلتي تتشتت قدام عيوني وانا مو قادره اتصرف العاده اعرف احل الامور بس هالمره ما قدرت ما اعرف ليش؟؟؟؟
امي وابوي ما يحبوا بعض اتغيروا على بعض ما اعرف متى وكيف بدت علاقتهم صارت بهالشكل .
من وانا صغيره امي وابوي يدخلوني ف مشاكلهم ويخلوني احلها اي زعل انا اصالحهم اذا ابوي معصب من امي يجي يشتكي عندي
واذا امي معصبه من ابوي تجي تشتكي
لما كنت صغيره ما كنت اطلب احد يساعدوني فيهم وكنت امنع اي مشكله توصل لاخواني او يعرفوا عنها..
بس لما كبروا صاروا يعرفوا كل شي وامي وابوي ما حاولوا بعمرهم يخبوا مشاكلهم عني انا خاصه ..انا اكبراخواني واصغر اخواني عمره 16ونحن خمسه بالبيت 3 شباب وبنتين وانا انخطبت من شهر ونص انعقد قراني خلاص لكن بعد تردد طوووووووووويل وتفكير بسبب اهلي اترددت اوافق بصراحه.
فكرت اولها خفت يجي اليوم اللي امل فيه من زوجي او هو يمل مني او نصير مثل امي وابوي ومعاملتهم لبعض .
خفت اتزوج واطلع من البيت وينفصلوا اخواني نصحوني اقبل بالزواج عشان اتخلص من هالعيشه واعامل زوجي بعكس معامله امي وابوي لبعض .
ابوي يدخن بس ابوي حاول يخبي هالشي عنا وما اكتشفنا الا وانا بالثانويه العامه عشان ما قيمته ما تنزل بينا ويكون قدوه حسنه هو أخفى هالشي علينا . وما زال مستحيل يدخن قدامنا ومستحيل السجائر ف مكان يكون نقدر نشوفه كله بس بالسياره يحطه.لكن ابوي يشرب خمره وهذا اللي حطمنا كلنا ونفس هالشي من زمان ونحن ما نعرف بس امي تعرف .
لكن كالعاده انا اول وحده تعرف بهالشي ومن وانا بالاعداديه .ولامره طبعا ابوي حسسنا انه هو يشرب خمره ولا مره . ابوي من النوع معانا بشكل عام
مثل اي اب مثالي عادي اخواني طبعا ما كانوا حاسين بأي شي ابدا.
وانا بصراحه اكثر شي احيه فيه انه هو ابدا ما حسسنا بشربه للخمر ولا مره اتأثرنا بسبب شربه للخمر ولا حسينا بهالشي مع انه انا كنت اعرف.كان معانا مثل اي شخص عادي ولا تعرف انه واحد يشرب.
انا طبعا ما احب ابوي يسوي الحرام .لكن لاني ما كانت عندي الجرأه الكافيه اخبره وأواجه ابوي بهالشي والحين اخواني يعرفوا .اخاف اواجه وأزيد الطين بله اخاف تنهدم حياته لان بيعرف انه نحن كلنا نعرف اخاف ينزل رأسه قدامنا واخاف هالشي يحطمه بدل لا يصلح من امره ويلجأ للخمر اكثر واكثر.
وبعدين ابوي يرجع من الدوام يتغدا وينام ويصحى العصر ويطلع ويرجع بس ينام وكل يوم ع هالمنوال.
لا يسأل عنا ولا اش ناقصنا او اذا البيت ناقصه شي وابوي من النوع نشوفه فالبيت اكثر شي اذا جا احد من عائلته البيت يزورنا بنشوفه لكن اذا عائله
امي ينكد ويزعل .
وابوي من النوع البخيل شوي يعني اذا طلبنا فلوس نحصلها بعد كلام ينكد او يزعل .مع العلم انه حالة ابوي ميسوره والحمدلله وماشالله متفوق فكل شي يسويه .وذكي كثير.
بس ابوي مو مقصر معانا من ناحيه الدراسه كلنا اولاده يدرسنا جامعات ع حسابه واخوي اصغر وواحد ف مدرسه خاصه بس مصروف نشحته منه.
احيانا نسمع ابوي يدعي على امي واحيان امي تدعي عليه وقدامنا .
امي طول الوقت معانا وتصرف علينا ولو تعرفوا كله من ديون وابوي موجود وحي بس لانه ما تريد نعكر مزاجها عشان فلوس
وتهتم فالبيت وتاخذنا مشاويرنا وترجعنا كل وقتها لنا .لكن امي اضطرت تلجأ لرجال واحد غير ابوي كسند لها وصديق واخ وتتدين منه
نحن كلنا اولادها نعرف ومستغربين انه نحن مو زعلانيين من هالشي عادي راضيين حتى نناديه عمي وهو محترم كثير ومتزوج وطيب لدرجه الغباء
وامي بصراحه شدشه جميله كثير وتكلم ناس كثير انا الوحيد اللي ارضى تكلمه هو هذا الشخص المتزوج لانه ما يكلم امي الا قدامنا ولا مره طلب منها يطلع معاها مكان او شي . لكن الثانيين هي تعرف انه ما يعجبني حتى صارت ما تخبرني من تكلم احسهم يجلسوا يسوا نفسهم شي ويغروها بالكلام الحلو عشان هي تفتقده من ابوي
وامي هالايام صارت بزياده ع ابوي تفتعل معاه المشاكل وتدعي عليه وتتمنى اليوم اللي تنفصل عنه مع انه امي مالها سند بهالدنيا غيرنا وابوي لا اخ ولا اب .
وابوي صاير ما يطيق امي.
واما اخواني كل واحد يطلع ويرجع ع كيفه كأن البيت فندق لكن بصراحه اخلاقهم عاليه وما اشك فيه.انا احس بنفجر وما ابي خطيبي يعرف شي
عن هالامور لا يفقد احترامه لابوي وامي .لانه هو عايش بين عائله تحب بعض كثير ومتماسكه.
ساعدوني كيف احل مشكله اهلي ؟؟؟؟؟؟؟؟؟؟
لكي تتمكني من قراءة المواضيع والمشاركات يجب
عليك
التسجيل تنبيه التسجيل
للنساء
فقط 
08-31-2006, 10:29 PM
مشكله مهمه ممكن توصل للطلاق ساعدوني 
العرض العادي
