الأخت تويتي أصلحك الله

وحاشا لله ما أتوقع إنك صاحيه

يا أخيتي هذا الشيطان قاعد يلعب عليك ومسيطر عليك تماما والمفروض انك سألتي هالسؤال قبل الزواج

مش ألحين وبعد 9 شهور تقولي وش رايكم

خافي ربك وإعلمي إنك على ذمة رجل وملزومه إنك تخلصين له وهذا اللي قاعده تسوينه إسمه خيانه

خنتي أهلك بالأول لمن تعرفتي على الشاب الأول

والآن تخوني زوجك

يا شيخه إحمدي ربك إنه إنسان طيب وبعدين إنتي في نعمه يحسدوكي عليها كثير من البنات اللي ما أحد دق بابهم

إحفظي زوجك وخافي ربك وصدقيني ربي ماراح يضيعك

إنتي لسا صغيره وماراح تفهمي حجم الخطأ اللي إنتي فيه غير لمن تكبري شويه

وحبك لأهل الشاب الثاني مو معناه إنك حتعيشي معاه سعيده (هذي وساوس الشيطان)

وبعدين إنتي ما عاشرتيه عشان تحكمي عليه ..لا تتخذي قرار متهور تندمي عليه طول حياتك

وحاولي تبعدين نفسك قدر المستطاع عن أهل الشاب الثاني وعن أي شي يربطك فيه عشان تنسيه وما تفكري فيه

وحاولي تسخري كل وقتك لهذا الزوج الطيب اللي ماله ذنب

وبعدين تفتكري واحد ما جاء يخطبك وانتي بنوته حيجي ياخذك وانتي مطلقه

أصلح الله حالك وهداك لما يحب ويرضى