حبيبتي حياك ..

اولا يا عسوله طولي باااااااااااااااالك ..

لانه في سن يبي يفرض شخصيته ..

هو ولد و قبله بيت و هذا شي ير مناسب لشخصيته علشان كذا وده يكون هو المسيطر بطبيعته كرجل ...

المهم انك ما تخلين البنت تامر عليه خلي دايم الاوامر او الطلبات تجي منك انت بس او من اوبه هذا لشخصيته احسن ...
و خليه هو المتحكم بعض الاحيان ..عززي غروره بنفسه كرجل ..

هنا لما يكبر ماراح تجي اي مراه ثانيه تتحكم فيه و هنا تقوين شخصيته وو تطلعينه رجال يحكم ما ينحكم ...

لكن قوليله ما يصير هذوله اخواتك مساكين لاااازم تحن عليهم انت الرجال لكن هم يحبونك و يلعبون معاك و اظهري محاسنهم ..بس علميه مو يتحكمون فيه لااااااااااااااااا لكن يحبهم و يحن عليهم

و ترى الغييييييييييييييييييرى مسويه معاه الكثير يعني هو ولد على بنتين وحده اكبر ووحده اصغر ...

فظرووووووري تعاملونه معاماه خااااصه و تراعونه انت و ابوه و تحسسونه انه مهم ووجوده بالعايله نعمه ..

سبب تخريبه و مضارباته يبي يلفت الانتباه له و يبي اهتمام و حب ...

حاولي ما تخاصمينه بالعكس كوني ايجابيه معاه ...

و رغبيه دايم بالحلويات او الاعاب او الخرجات ..

خلي ابو دااااااااااااايم ياخذة معاه لو حتى لمشوار البقاله و دايم حسسوه انه مميز و انت ولد شاطر و احنا نحبك انت سندنا تراه يفهم كل هذا الكلام ...

داااايم خلي لك جلسه معاه لحاله بدون البنات و سولفي معاه او العبي معاه اي شي .ضميه داااايم لصدر لو مرة وحده باليوم و قوليله تراني احبك و انت بقلبي و اشري مكان قلبك اسئليه وش الاسم اللي يحب انك تناديه فيه مثلا عندي ولدي مشعل يحب اني اناديه شعولتي او شعوله ماما ...

فاي وقت ناديه فلاااان تعال قوليله تدري وش هنا واشري على قلبك راح يقول قلبك قولي لاااااااااا هذا اغنت ..

راح تشوفين ابتسامه صغييييرة على وجهه عمرك ما تنسيها ..

بعد الصلاه اذا صلا هو قومي و ضميه على صدرك راح تلاقينه يواضب عليها بس علشان تضميه بعدها ..

حتى ابوه خلوله مساحه لحاله معاه ..ينصحه و يحكيله حكيايه او يذاكرة ..

و ابعدو عن المقارنه شوف فلانه اشطر منك هنا راااااااااااااااااااااااااااااح يكرهها طول حياته و يكرة الحرييييييييم كله معاها ههههههههه

لا من جد خلوه هو المميز و لا تقارونوه باي احد بالعكس قولوه و الله فلان اللي هو ولد عمه او اللي بسنه شيطان و متعب اهله و انت ماشاء الله شاااطر مو مثله ليته يتعلم منك ..

هذي كلها راح ترفع معنوياته راح تلاقين نتيجه بس رجااااااااااااااااااائي الصبر فالبدايه راح تلاقينه يعاند لانه عارف اسلوبك الاول و على باله تضحكون عليه لكن مع الوقت راح يتغير و يتقولين كلامك صح بس جربيه ..ادري مشاغلك كثييير لكن خليله من وقتك لو ربع ساعه و الله تريحك اليوم كله ...سامحيني كثرت كلام ..

اله يصلح شانك