يا خسارة علي التضحية السلام عليكم ورحمة الله وبركاته انا حبيت افضفض شوي عن نفسي لاني متضايقة شوية انا كلي مشاكل مافي احد مرتاح كل واحد فينا عنده مشكلة او اكثر انا مثلا كنت متزوجة وزوجي كان بحريني وعاطل عن العمل عشت معاه 10سنوات وهو علي هذا الحال وجبت منه 6 عيال وضحيت له ولا عمري كنت اقول له انا ابغي شي كنت البس ثياب اهلي واكل معاهم انا وعيالي وهو ما كان ايعرف احنا ناكل والا نلبس من وين واخر شي طلع خاين ايخوني مع روسية وكان ايعرف رقصات ويسهر في المراقص الحين هو انسان ما عنده يصرف علي عياله وزوجته ويروح المرقص من وين؟اتعرفون شو كان ايسوي ؟؟؟انا اقول لكم كان هو وصديق له ايسون فيز تاشيرات للهنود بتزوير وياخذون فلوس منهم وانا امطلعين كانو باسمي 20 سائق سيارة عمومي بتزوير هو وصديقه انسجنوا ثلاث اشهر وابعاد عن البلاد وانا اتطلقت منه بسبب الخيانة وبسببه دخلت السجن ثلاث اشهر بس اتبهدلت وايد وايد من تحت ايده وعيالي اتعقدوا منه بس الحين الحمدلله عايشة مرتاحه مع عيالي صح المعيشة صعبة اوقات علينا بس نحمدلله ونشكر ربنا الف مرة انا الحين اصرف علي عيالي من الشوؤن صح ما يكفينا بس مستورة والحمدلله القهر انك تضحين وما يقدرونك صح والله الرجال ما يستحقون التضحية وسلامتكم وانشالله ما اكون طولت عليكم وفش خلق مثل ما ايقولون الحين عندي مشاكل صغيرة مع العيال وبس هالمشاكل الكل يعاني منه ههههههههههههه وتسلمون