الجــــزء السـادس

..........................

خرجت رهف من غرفتها واعطت النتايج لماجد’ماجد اتعمد ان يده تلمس يدها ومسك ايدها
:رهف والله سوري اللي صار غصب عني انتي تعرفي اني اغااار عليكِ وماارضى اشوفك تروحي لمكان ملياان شباااب وصدقيني هذا كله من خوفي عليكِ
رهف حست بفرحه كبيره وبخوووف من لمسته لها بس ملامح وجهها تعكس هالشي بالنسبه له
رهف(بحزن):اوكِ مشكور
ماجد(طالع فيها):شكرا ع النتايج تعبتك معاي ..تحتاجي شي؟
رهف(طالعت فيه ولما شافت نظرته رجعت طالعت في الأرض):وسااااااااااكته
ماجد ابتسمـ:رهوووفه ماتحتاجي شي؟
رهف(وعينها ع الأرض):بس اتعشى لما ترجع البيت
ماجد(طاار من الفرح):بس كذا؟ من عيووووووووني والله انتي تامري أمر.يلا في امان الله
رهف:مع السلامه
نزل ماجد للصاله وقامت اخته آمال معه وودعوا عمتهم وراحوا للبيت..
في البيت الكبير لعائلة السلطان فهد واميره قاعدين في الصاله يشوفوا التلفزيون
فهد:اميره
اميره(وهي مشغوله بالفيلمـ):...............
فهد اتعمد يغير القناه..اميره(بقهر):فهـــــــــد
فهد:هههههههه صار لي ساعه اناديكِ مارديتِ قلت مافي حل غير تغيير القناه
اميره:رجع القناه طيب
فهد(رجع لها القناه):اسمعي متى بتصير ملكة ماجد ورهف؟
اميره(وهي مسرحه في الفيلم):مادري مادري
فهد:مو منك من هالبلوى اللي شاغلتك
اميره:...............
اخذ فهد جواله وراح للغرفه واتصل على اخته ليلى
ردت ليلى:الووو هلا فهد
فهد:اهلين ليلى كيفك؟
ليلى:بخير الحمدلله وانت شخبارك واخبار اميره؟
فهد:الحمدلله تماام..ليلى
ليلى:نعم
فهد:بس بغيت اسألك عن وقت ملكة ماجد ورهف
ليلى:الملكه ان شالله بتكون يوم الأحد
فهد(استغرب):اوووف وماجد متى بيسافر؟
ليلى:قال انه بيسافر الاثنين
فهد(انصدم!!):ورهف وافقــت؟
ليلى:اي هي قالت انها موافقه
فهد:غريبه والله ليش مايسوي ملكته الخميس يصير ع الأقل مده وبعدها يسافر
ليلى:اي والله حتى انا قلت ياليته يسويها الخميس احسن
فهد:اوكِ ..يلا الله يوفقهمـ ويتممـ لهم على خير
ليلى:آمين يارب
فهد:في خاطرك شي؟
ليلى:لاوالله تسلم ياخوي
فهد:الله يسلمك يلا في امان الله(ويقفل وهو يفكر في ملكة رهف بنت اخووه..
في صباح يوم الجمعه الكل اجتمع في بيت عائلة السلطان..
اميره:ها بنات جهزتوا للملكه؟
رهام:اي الحمدلله جهزنا
شيماء:اصلا مافيها تجهيزات كتير
رهام:اي احسن تكون التجهيزات بسيطه وخفيفه
اميره:اي والله صادقه بالذات انا اللي مافيني حيييل اروح للأسواق
رهام:اي شاطره في المطاعم بس
اميره(ضربت رهاام):انتي مايفكني منك غير تروووك بس
ام مشعل:ايش فيه تروك؟
اميره:حركات والله وبدأنا نغاار لا تخافي مافيه شي قاعدين نمدحه اوكِ؟
ام مشعل: ع بالي شي تاني
اميره:ههههههههه لا مو شي تاني
رهف(قامت):عن اذنكمـ بروح اجهز القهوه والشاي(وتروح للمطبخ
ام سامي:نوف يابنتي قومي ساعدي رهف في المطبخ
نوف(بضيق):ان شالله(وتروح للمطبخ
تدخل نوف للمطبخ وهي تساعد رهف بدون نفس ورهف ماقالتلها ولاكلمه لأنها تحاول تتجنب المشااكل قد ماتقدر
نوف:جهزتي لملكتك؟
رهف:اي الحمدلله
نوف:احس وقتها مو منااااسب وماله داعي التعب فيها
رهف انصدمـــت!!من كلامها وماردت عليها بولا حرف
نوف اخذت الشاي وطلعت للصاله ورهف استغربت منها مرره واخذت القهوه وراحت للصاله..
في مجلس الشباب..
سامي:حركات من قدناياماجد بنملك الأحد ان شالله
ماجد(ابتسمـ):عقبالك ان شالله
سامي:تصدق بدأت اغااار خلاص قررت اني اخطب
ابو سامي(بفرح):اخيرا سمعت هالكلمه منك ياولدي الله يوفقك يارب
سامي:آمين
ابو سامي:ها متى ناوي ان شالله؟
سامي:بعد مااخلص دراستي
ابوسامي:يلا على خير ان شالله
تدخل ريم للمجلس وتروح عند ابوها ’عبدالله يبوس بنته:نعمـ حبيبتي
ريم:ماما تبغى تكلمك
عبدالله:وينها امك؟
ريمـ:عند الباب
عبدالله:اوكِ(قام عبدالله واستأذن وخرج من الغرفه
عدنان:ريمـ تعالي العبي معاي
ريمـ:لا ماابغى العب
عدنان(باستغراب):ليش؟
ريمـ:مزااج(وركضت لخارج الغرفه والكل ضحك على عدنان
عدنان:لا وصاير عندك مزاج مو منك والله من هالعبدالله هين بس
سامي:ههههههههههه ايش فيك ع الرجال؟
عدنان:والله بما انه بنته لسانها طويل يتحمل اللي يجيه
سامي:الله يعينه عليك
عدنان(ابتسمـ):ويعينني عليك
سامي كشر وقلب وجهه وعدنان ضحك عليه..
راح عبدالله لزوجته ليلى واللي كانت تنتظره عند باب الصاله
عبدالله:هلا حياتي
ليلى:اهلين ..عبدالله ايش رايك نطلع؟
عبدالله(استغرب):وين؟!!
ليلى:اي مكان السوق البحر اهم شي نطلع
عبدالله(غمز لها):مع البنات ولا؟!!
ليلى(خجللللت):عبدالله انت عارف
عبدالله:هههههههه اوكِ يلا انتظرك في السياره البسي وتعالي
فرحت ليلى وراحت تلبس عباتها..وعبدالله طلع للسياره
لحقته بنته ريم:بابا وين رايح؟
عبدالله:مشوار
ريم:طيب لاتتأخر
عبدالله(ابتسم):من عيووني
دخلت ريم للبيت وخرجت ليلى (ام ريم) وركبت السياره:اهلييييين
عبدالله(ابتسم):بالغالييين
ليلى:ها وين اخترت البحر ولا السوق؟
عبدالله:لو بكيفي ولا واحد فيهم
ليلى(استغربت):ليش؟
عبدالله:لأنها كلها اماكن عآمه
ليلى:طيب ولو اماكن عامه ايش فيها يعني؟
عبدالله(بخبث):يعني مااقدر آخذ راحتي
ليلى(خجلت):عبدالله
عبدالله:ههههههههههههه دامك معي اتحملي
ليلى(طالعت فيه وابتسمت):بجد الله يصبرني
عبدالله:الله يصبرني انا عليكِ
ليلى(باستغراب):أنا؟
عبدالله(ابتسمـ):اي انتي كل هالجماال والنعومه والدلع والخجلل ومااقدر آخذ راحتي الله يصبرني
ليلى مااااااتت من الخجللللل وماردت عليه وعبدالله ضحك عليها من قلبــــه..
في مجلس البنات
رهام:اوووف احس نفسي طفشانه ومتضايقه نفسي اطلع اليوم
وجود:كلمي امي خليها تسمح لنا نطلع ونستاااانس
ورود:انسي اننا نطلع اليوم حتى لو كلمتها مابترضى
رهام(باستغراب):ليش؟
ورود:لأن اليوم جمعه وبكره عندنا دوام فـ مستحيل تخلينا نطلع
رهام(بحزن):ااها الله يعينكمـ
وجود:آميـن
رهام:اميره ايش رايك نطلع اليوم؟
اميره:والله ماعندي مانع بس وين نروح؟
رهام:اي مكان اهم شي نفرح وننبسط
اميره:خلاص ولايهمك الساعه 9 ان شالله بكون جاهزه
رهام:خلاص انا بمرك بالسواق
اميره:ان شالله
بعد الظهر وفي بيت ام بدركانت العائله كلها مجتمعه ع الغداا وكان الغدا من اشهى مايكون
روان:بدر متى بتسافر؟
بدر:الاثنين ان شاء الله
روان:تروح وترجع بالسلامه
بدر:الله يسلمك..وائـل
وائل(بخوف):نعم
بدر:بعد الغدا بكلمك في موضوع
وائل(وعينه ع الأرض):ان شالله
روان:مامااا
ام بدر:نعم
روان:انا اليوم بطلع مع زميلاتي
ام بدر:اوك اطلعي بس ساعه واحده لااكتر ولااقل
فرحت روان:من عيوووني يالغاليه
وكملوا الغدا بصحه وعاافيــــــه..
بعد العصر في بيت السلطان الكل راح لبيته مثل كل جمعه طبعاا..
دخلت ليلى للبيت مع زوجها وبناتها ريم وراما,راحوا البنات لغرفتهم قاعدين يلعبوا بألعابهم
عبدالله(مبتسم):ها عجبتك الطلعه اليوم؟
ليلى(بابتسامه تسحر):اي حلووه..اجهز لك الغدا(تبغى تغير الموضوع)
عبدالله فهمها وقام ضمها:نسيتي اننا اتغدينا؟
ليلى وجهها احمرر من الخجلللل:عبدالله
عبدالله:عيوون ورووح وقلب عبدالله
ليلى:...........
عبدالله:ناديتيني؟
ليلى(بخجلل وابتسامه):اي برووح اشوف اشغال البيت
عبدالله ماحب يعاندها وتركها وهو مبتسمـ:اوكِ على راحتك
ليلى(ابتسمت):يسلموووو(وراحت للمطبخ وهو قعد يرتب غرفة النوم..
راحت نوف لغرفة اخواتها ودقت الباب ودخلـت
نوف(بملل):وجود..ورود امي تقول بكره بعد العصربنروح للسوق
وجود:ليش؟
نوف(بقهر):عشان ملكة هالخبله
ورود:اها اي والله صح بتصير ملكة رهف
وجود:الله يوفقها يارب
ورود(بفرح):آميييييييييييين
نوف(بقهر):ايش فيكم طايرين من الفرحه اللي يشوفكم يقول هي تدري عنكمـ
ورود:والله رهووفه عسل ويابخت ماجد فيها
نوف:اي باين الا من حظه السيئ انه اخذ وحده مثل هذه
وجود:بصراحه انا ماشفت منها الا كل خير
نوف(بعصبيه):انتي كذا طول عمرك غبيه كل وحده شريره ماتشوفي منها الا كل خير لين متى بتظلي على هالنيه الطيبه؟
وجود خاافت من نوف وسكتت من غير ماترد عليها
نوف:وجود فتحي عقلك هذه رهف مافي احد يعرفها مثلي وان اشوفك تمدحيها قدامي مره تانيه ماتلومي الا نفسك سمعتي؟
وجود(بخوف):ان شالله
خرجت نوف من الغرفه واعصابها ناآر
ورود:عسى مايكون صدقتي كلامها
وجود:اي كلام؟
ورود:ان رهف شريره
وجود(وهي شوي وتبكي):والله ماصدقتها بس مشيتها عليها
ورود:وليش ماتردي هذه المفروض ماتسكتيلها
وجود:ورود انتي ماشالله عليكِ تاخذي حقك في وقته بس انا غير
ورود(وهي تضم اختها):وانتي عسل طول عمرك تجمعي وبعدين بيجي يوم تنفجري فيه
وجود(وهي تبكي):مااظن ياورود صدقيني انا مااقدر ارد لأني اخااف تكبر المشكله اكتر واكتر
ورود:صدقيني حبيبتي والله بيجي يوم وتاخذي حقك وقولي ورود ماقالت
وجود(ابتسمت ودموعها في عينها):الله يسمع منك ياارب يجي هذاك اليوم على خير
ابتسمت ورود:ان شالله قومي غسلي وجهك وتعالي نخطط لملكة رهف
قامت وجود وراحت تغسل وجهها..
في بيت ام مشعل لبست رهام عبايتها ونزلت للصاله
ابو مشعل:رهاموه على وين؟
رهام:بروح السوق مع عمتي اميره
ابو مشعل:مين بيوصلكم؟
رهام:السواق
ابو مشعل:اوكِ بس لاتطولوا
رهام:ان شالله يلا في امان الله
ابو مشعل:مع السلامه
خرجت رهام وركبت السياره وقالت للسواق يروح على بيت عمتها اميره..
خرجت ام مشعل من المطبخ وحطت الشاي في الصاله
ابو مشعل:والله اشتقت لهالشاي
ام مشعل(ابتسمت):وهو كمان اشتاق لك
بعد ثواني نزلت شيماء للصاله:السلام عليكمـ
الكل:وعليكمـ السلامـ
ابو مشعل(ابتسمـ):ها حبيبتي كيف دراستك؟
شيماء(مبتسمه):الحمدلله بس معقده شوي هالفتره
ابو مشعل:شدي حيلك يابنتي
شيماء:ان شاء الله
ام مشعل(وهي تمد كوب الشاي لبنتها):خذي شوشو
تاخذ شيماء الكوب:مشكووره يمى
ام مشعل:العفو
راح مشعل لغرفة اخته رهف,رهف:ادخل
دخل مشعل بابتسامته وهدووءه الطبيعي:مساء الخير
رهف:مساء النور هلا مشعل
مشعل:هلا..رهوف بسألك
رهف:اتفضـل
مشعل:لهالوقت زعلانه من ماجد؟
رهف استغربت من السؤال:لا عادي
مشعل:اكيد؟
رهف:اي خلاص اللي صار صار
مشعل:الحمدلله ان الأمور عدت على خير
رهف:اي والله الحمدلله
مشعل(يقوم):يلا بس حبيت اتطمن ع الأوضاع بينكمـ قبل الملكه والله يوفقكمـ يارب
رهف:وياك ان شالله
مشعل:انا بنزل للصاله عن اذنك
رهف(تقوم):وانا كمان بنزل
وينزلوا للصاله :مساء الخير
الكل:مسـااء النور
شيماء:حركات من قدك رهوفه الملكه بعد بكره
ام مشعل:الله يتمم لكم على خير يارب
الكل:آمين
شيماء:خلاص بابا انا بكره مابداوم
ابو مشعل:ليش؟
شيماء:عشان ملكة رهف الأحد
ابو مشعل:لايابنتي داومي السبت والأحد والاثنين غيبي
شيماء(فرحت):خلاص بغيب الأحد والاثنين
رهف:شاطره في الغياب بس
شيماء:افا عليكِ هذه ملكة اختي لازم اتغيب عن العالم كله واحضرها
الكل ضحك على كلام شيماء وكملوا ضحك ولعب وونااااسه..
في السوق عدنان قاعد يتمشى مع صديقه احمد
احمد:عدنان تعال شوي ابغى أشوف العطورات اللي هنا
عدنان:روح انت شوفها انا بروح اشوف الساعات المعروضه هناك
احمد:اوكِ على راحتك
دخل احمد لمكان العطورات وكل شوي يشم ريحة عطر وخرج من المحل ومعاه 4 انواع من العطورات اما عدنان مازال في مكان الساعات وقاعد يتأمل فيها
راح احمد لعدنان:يالاخو للآن ماخلصت؟
عدنان(التفت عليه وطالع الاكياس):ماشالله عليك مسرع مااشتريت
احمد:ههههههههه اي انا مو مثل الحريم
عدنان(طالع فيه بقهر):حريم في عينك ياخي الله يعطيك حرمه تشتري كل غرض في ساعه كامله
احمد:اعوذبالله منك الله لايقولها يارب
عدنان:انت ماتمشي الابالعين الحمراا
احمد:يلا اخلص واطلع ترى اتأخرنا
عدنان:يلا سديت نفسي مابشتري شي
احمد:ههههههههه يكون احسن
وخرجوا يتمشوا في ممرات السوق وفجأه انتبه عدنان لبنت شكلها مو غريب عليه
عدنان:احمد احمد
احمد:نعمـ
عدنان:البنت هذيك شكلها مو غريب علي
احمد(غمزله):وين قابلتها من قبل؟
عدنان(ضربه على كتفه):اقول اترك عنك هالخرابيط انت عارف اني مااقابل بنات
احمد:مسرع مانسيت ماضيك الأسود
عدنان:ماضي وانت بنفسك قلت ماضي اسود والماضي الأسود لازم اغيره
احمد:الله يوفقك
عدنان:آمين..وانت احمد ماتركت خرابيطك هذه؟
احمد(مبتسمـ):هي بنت وحده والحمدلله من فتره ماكلمتها وحتى لما تتصل ماارد عليها
عدنان(فرح):الحمدلله ان شاء الله دووم يارب
احمد:آمين
في نفس السوق رهام كانت في محل الاكسسوارات قاعده تختار فجأه نطت عليها اميره
رهام:بسم الله ايش فيكِ؟
اميره:مافي شي تدري مين كان هنا قبل شوي؟
رهام:مين يعني؟
اميره:عدنان
رهام(بلامبالاه):طيب ايش فيها يعني
اميره:مافيها شي بس قهرني
رهام:ليش؟
اميره:كنت بلحق عليه بس شفت صديقه معه وماقدرت اكلمه
رهام:هههههههه للذكاء عنون
اميره ضربتها في راسها:وللغباء عنوان
وضحكوا وكملوا التسوق من مكان لمكان..
عدنان:حمود ايش رايك نروح للكوفي نشرب لنا قهوه؟
احمد:اوكِ يلا
عدنان:يلا
وبالفعل راحوا للكوفي وقعدوا وطلبوا لهم كوبين قهـوه بالشوكلاته والحليــب..
اميره(وهي ميته من التعب):رهام خلينا نروح نشرب لنا شي والله ميته من التعب
رهام:اوكِ يلا نروح للكوفي اللي في الزاويه
اميره:يلا
وراحوا للكوفي وجلست اميره وقامت رهام تطلب :وين القهوه؟
اسامه(صاحب الكوفي):لحظه شوي بس
رهام(تمزح):اوف من هالخدمات المفروض انا اول وحده تجيبوا لها طلبها
اسامه(ابتسم لها بابتسامه تذوووب):من عيوووني
رهام ضحكت وقالت له رقم الطاوله وهي تلتفت شافت عدنان جنبها وكانت نظراته ماتبشر بخير وعرفت انه سمع كل الكلام اللي صآر بس مااهتمت له وجات تبغى تمشي ناداها عدنان:رهااامـ
.................................................. .........................................

ايش تتوقعوا رد عدنان بيكون من تصرف رهام !! وهل رهام بتهتم او انها بتطنش وتسوي اللي في راسها

الاحدااااث رائعه جدا

بانتظارك ياقلبي بكل شوووووووق

يعطيك العافيه غلاتي

(( الجـــــزء الســـــابع))

عدنان:رهامـ
رهام التفتت:نعمـ
عدنان(بصوت منخفض):رهامـ ايش هالأسلوب اللي كنت تتكلمي فيه مـ...
رهام:مهما كان الأسلوب انا كنت امزح
عدنان:والله ادري انك كنتي تمزحي انتي نيتك طيبه بس غيرك مايفكر انك تمزحي يفكر انه من جد تتكلمي بهالطريقه
رهامـ:خلاص ان شالله مايتكرر
عدنان:ان شالله
رهام:يلا عن اذنك(وتروح للطاوله عند اميره
اميره:ايش فيه عدنان؟
رهام:مافيه شي كان يسألني عن امي كيفها وايش اخبارها
اميره:اهـا وماسألك مع مين جيتي هنـا؟
رهام:لاماسأل اكيد انتبه لك
اميره:جايز يكون انتبه لي وانا مادري
رهام:خخخخخخخخخ
اميره:وجع ايش فيكِ تضحكي؟
رهام:ابد الله يسلمك بس شي غريب عمه وتطلع للكوفي لا اكيد فيك شي ههههههههههههه
اميره(ضربتها):وش فيهم العمات رجولهم مقصوصه؟
رهام:يمكـن
اميره:والله انتي اللي لسانك يحتاج له قص
رهام مااتت من الضحك على انفعال عمتها اميره واميره مقهووره منهاا بس حاولت انها ماتنفعل اكتـــــر..
في ناحيه تانيه من نفس السوق الكبير كان في 3 بنات ولاحقينهمـ شابين(غسان و مروان)
(غسان ومروان اصدقاء ...غسان حياته سهله وعاديه بس مروان حياته معقده وبتعرفوا
احداث حياته من خلال الروايه)
غسان:مروان شوف هالقمر اللي قدامي
مروان:لاياغسان مااقدر على كذا اذوووب انا
غسان:لابالله عليك لاتذووب الحين خلي نسمع الصوت ونذوب سوى
هنا روان وآيات وندى ماقدروا يمسكوا نفسهم وانفجروا من الضحك
غسان راح لجهة البنات:ممكن نقعد شوي
آيات(بجراءتها المعتاده):اوك بس نص ساعه
مروان:ولو ربع موافقين
وبالفعل قعدوا على طاوله كبيره بحيث انهم يكونوا متباعدين شوي عن بعضهمـ..
ام بدر كانت قاعد في غرفتها وفتحت الدرج طلعت صوره اتأملتها لفتره طويله ولاشعوريا الدموع سالت من عيونها ..يمكن الدموع تخفف حرارة النآر اللي قلبها ..ضمت الصوره لصدرها وهي تبكي وتدعي: مادري انت فوق الأرض ولا تحت الأرض بس الله يرجعك لي بالسلامه وان شالله اشوفك قبل لاأموت يارب..وشلال من الدموع انهمر على خدودهااا..
_ هذه ام بدر حياتها كلها آلام وبكى ودموع ومعاناه ومحد مبرد قلبها غير ولدها بدر الله يحفظه لها بس الصوره ايش سر الصوره اللي كانت ام بدر تتأملها وتبكي عليها من قلبها؟!!
تابعوني وان شالله بتعرفـوا الســـر _..
عبير قاعده في الصاله مع امها (اتذكروا عبير صديقة رهف):يمى وين مروان؟
ام ناصر(واللي هي ام عبير):مادري عنه الله يرحمك ياناصر كنت الخير والبركه
عبير(اتذكرت وفاة اخوها ناصر في حادث سياره حصل له وكان الكل معه بس الموت اقرب له وماقدر احد ينقذه):آمين الله يرحمه ويغمد روحه الجنه يارب
ام ناصر(بحزن):آمين يارب
عبير:بتصل على مروان اشوف ايش فيه؟
ام ناصر(بقهر):لاتتصلي عليه انتي ايش عليكِ منه؟
عبير:يمى بس ع الأقل نطمن انه بخير؟
ام ناصر:عساه مايكون بخير اتركيه ولاتتصلي
عبير مااستغربت من كلام امها على مروان بس اللي استغربت منه انه ليش مروان بالذات اللي تعامله بهالطريقه وراحت في دوامه من التفكير..!!
غسان اعطى رقمه لآيات :هذا رقمي
اخذت آيات الرقم وهي مبتسمه:يسلموو
غسان(ابتسم):الله يسلمك
آيات وهي تكلمـ مروان:وانت مو ناوي تعطيها الرقم؟
مروان وهو يطالعها بنظراته الساحره:افكر وبعدين اقرر
ندى وهي تتأمل جمآل مروان بشعره الأسود وطوله المتوسط وجسمه الرياضي:ليش تفكر؟
مروان(ابتسمـ):بعدين تعرفي
روان:يلا بنات اتأخررنا
آيات:اووه صح بجد اتأخرنا(وتلتفت على غسان):يلا فرصه سعيده
غسان:وانا اسعـد
مروان(يتسهبل):انت اسعد ولاغسان؟
البنات انفجروا من الضحك وحتى غسان ضحك معهمـ وندى عجبتها خفة دم مروان وصارت تتبعه بنظراتها بس,بعد كذا ودعوهم وراحوا البنات لبيوتهمــ..
في تماام الساعه 12 ونص رجع مروان للبيت :السلام عليكمـ
ام ناصر+عبير:وعليكمـ السلامـ
عبير:الحمدلله ع السلامه والله اقلقتني عليك يامروان
مروان(ابتسمـ):يسلموو..عبوره
عبير:نعم
مروان:جيعان وابغى اتعشى
في هالوقت قامت ام ناصر والشرر يتطايرمن عيونها:عبير روحي نامي ولاتجهزي لاعشا ولاغيره
عبير:يمى بس احط له العشا ومابياخذ 5 دقايق
ام ناصر(وهي تشد شعر عبير):اسمعي كلامي ولابكره مافي روحه للملكه سمعتيني؟
عبير:اوكِ(وركضت عبير لغرفتها وهي تبكي)..
التفتت ام ناصر لمروان:وانت البيت صآير عندك قصر مانشوفك الا وانت داخل وطالع او آكل وشارب
مروان:طيب يمى ايش فيها اذا اكلت وشربت؟
ام ناصر(بقهر):تجهيز عشا تجهزه بنفسك كل واحد يخدم نفسه وبس في هالبيت فاهمني؟
مروان:اي فاهمك والله فاهمك
تروح ام ناصر لغرفتها..ومروان يفكر في مقدار الألم اللي هو عآيش فيه.والدموع اتجمعت في عينه مو ضعف منه بس حياته القاسيه تجبره انه يبكي دم مو بس دمـوووع..
دخلت روان لغرفتها ودخلت الحماام تاخذ لها شاور..اما آيات كانت مبسوطه من تفاعل غسان معاها عكس ندى اللي حست انه مروان مااعطاها وجه ولاعبرها..
في صباح اليوم التالي فهد كان قاعد في الصاله يفطر..واول ماخلص فطوره غسل ايده وراح لبيت اخوه تركي عشان يساعدهم في تجهيزات الملكه اللي بتصير في هالليله..
بعد دقايق وصل فهد لبيت اخوه تركي واستقبله مشعل في مجلس الرجال
مشعل:عمي
فهد:نعمـ
مشعل:غريبه جاي بدري
فهد(ابتسمـ):عشان اساعدكمـ
مشعل:مشكور طول عمرك غآلي وماتقصر
فهد:الله يسلمك
بعد ثواني دخلت شيماء وسلمت على عمها وقعدوا يتكلموا ويضحكوا وهم مبسووطين..
خلصت ليلى من غسل الصحون وراحت للغرفه شافت عبدالله متمدد وباله مشغول
ليلى:عبدالله عبدالله ايش فيك؟
عبدالله:مافيني شي
ليلى:اكيد؟
عبدالله:اي اكيد والله اكيد يعني لو في شي بخفيه عنك؟
ليلى:يمكن وليش لا
عبدالله(ابتسمـ):راااضي عنك لو ايش تقولي
ليلى:هههههههه يسلمو
عبدالله:الله يسلمك
ليلى:عبدالله بروح لبيت اخوي تركي
عبدالله:اوكِ متى بتروحي؟
ليلى:العصر ان شالله
عبدالله:خلاص العصر ان شالله خليكِ جاهزه وبنكون هناك
ليلى:ان شالله..
في الظهر اجتمعت عائلة ابو ماجد ع الغداا..
آمال:مجوود
ماجد:نعمـ
آمال:هالله هالله برهــــف
مها:وياويلك تزعلها او تضايقها
ماجد(التفت لأماني):وانتي ماعندك اي اضافات؟
اماني(ابتسمت):لا
ماجد(ابتسمـ):عسووله لاتصيري مثلهمـ
آمال:ليش ايش فينا نحنا؟
ماجد:ناقصات عقل
مها:اي باين اننا ناقصات عقل من تصرفاتنا مع رهف ذاك اليوم
طالعها ماجد بنظرة قهر:مهااا
مها:هههههههههههه خلاص سكتنا
ماجد:يكون احسن
اماني:الحمدلله..يلا عن اذنكمـ
ماجد:والله اماني ولابلاش هذه العسل بجد
ابتسمت اماني :يسلموو(وراحت لغرفتها طفت الأنوار وناااامـت..
في بيت ابو مشعل وبعد الغدا راحت رهام لغرفة اختها رهف دقت الباب
رهف:ادخـل
دخلت رهام مبتسمه:ياهلا بالعروووس
رهف(ابتسمت):هلا فيكِ
رهام:رهوفه متى صحيتِ من النوم؟
رهف(وهي تفكر):يمكن 12 ا 12 ونص تقريبا
رهام:ومابترجعي تنامي؟
رهف:لا مااعتقد
رهام:بالعكس ياشطوره لازم تحاولي تنامي انتي نسيتي ان اليوم ملكتك؟
رهف(بحزن):مانسيت بس تصدقي احس نفسي خايفه ومو قادره أنام تمام
رهام(تبتسم):ترى ماجد مايخوف ..اووه اقصد مجوود
رهف:هههههههههه اقول غرفتك مشتاقتلك
رهام:ياعيني ع التصريفات الحلووه اللي تمشي علينا بس ان شالله ماتمشي على ماجد
رهف جات تضربها بس رهام كانت اسرع وركضت لخارج الغرفه وهي تضحك عليها..
بعد صلاة العصر اخذت عبير شور وقاعده تحوس في دولابها تدور لها فستان ناعم لملكة اعز صديقه لها واللي هي رهف وبعد الحوسه الممله طلعت من الدولاب فستان ناعم باللون العودي والبيج واقتنعت انها تلبسه الليله وجهزت اكسسواراتها وكانت كلها باللون العودي ماعدا الساعه كانت باللون البيج هي والجزمه(الله يكرمكم)بعدها قعدت على المجله تشوف تسريحه تناسب شعرها..
في بيت ام سامي..
وجود:ورود احس هاللون مابيطلع حلو علي مثلك ايش رايك نبدل؟
ورود:بالعكس ياوجود والله بيطلع عليكِ يجنن خآصة ان سمارك ياخذ العقللل
وجود(ابتسمت):بجد؟
ورود:والله بجد حتى اشك ان مشعل اذا شافك بيتخبل من هالجمآل
ضربتها وجود:مالت عليكِ خليه لك ماأبغاه
ورود:يكون احسن صح اني ماافكر فيه بس مع مرور الوقت بيصير شي غير
طالعت وجود فيها بنظرة استغراب:الحمدلله على كل حال
ورود:هههههههههه يلا خلينا نخلص بدل هالكلام اللي مايخلص
وجود:اوكِ يــلا(وبدأوا يجهزوا الملابس والاكسسوارات لملكة رهف..
عدنان قاعد في غرفته ويفكر في رهآم:ااه منها والله انها قمر في كل شي (واتذكر مواقفه معاها,ولاشعوريا ابتسمـ:عقبآال ماأشوفكـ اليووم في ملكة اختك هذه امنيتي وان شالله تتحقق الليلـــــــه ..بعد ثواني دق سامي الباب ودخل شاف اخوه باله مشغول
سامي(بصوت عآلي):عدنااااااااااان
عدنان(انتبه):هلا
سامي:ايش فيك؟
عدنان:مافيني شي انت متى وصلت هنآ؟
سامي(يستهبل):قبل امس ..اسمع حاول بعد العشا مباشرة تكون جاهز
عدنان:خير؟
سامي:أمي قالت بعد العشا مباشرة كلنا بنكون عندهم
عدنان(ابتسم):ان شالله
خرج سامي من غرفة عدنان وراح بلغ اخواته بقرار امه الجديـد واللي لازم يمشي ع البيت كله..
روان قاعده في غرفتها تجهز للملكه ,دق جوالها شافت المتصله صديقتها آيات ردت بسرعه
روان:هلا آيات..الحمدلله وانتي اخبارك؟
آيات:الحمدلله بخير..روان ايش رايك نطلع بكره الصبح؟
روان:لا حبيبتي اعذريني اليوم عندي ملكة جيراننا وبقعدها سهره للصبح
آيات:اها ..اسمعي روونه
روان:هلا
آيات:بيت جيرانكمـ عندهم شباب في نفس عمرك؟
روان:لا ماعندهم
آيات:خساره
روان:ليييش؟
آيات:كنت بخطط لك تاخذي لك واحد من بدري
روان:لا حبيبتي يكفيني اللي عندي
آيات:الله يديمه لك يلا مااطول عليكِ بايات
روان:مع السلامه(قفلت روان وكملت تجهيزات الملكه..
(آيات صديقة روان وهي مثلها في كل شي بس آيات فاشله اكتر من روان وهي اللي فشلت روان معها)..
بعد صلاة العشا لبست رهام فستان ناآعم وطويل باللون الوردي الفاتح وحطت ميك اب خفيف وكان شعرها مجعد ومرفوع وطالعه كعادتها قمـررر نزلت رهام للصاله شافتها امها وانبهرت بجمالها السآحر:ماشالله عليكِ يابنتي قريتي على نفسك؟
رهام(ابتسمت):اي يمى قريت
ام مشعل(بابتسامه):عسى الله يوفقك ويحرسك من العين
رهام:آمين
بعد ثواني وصلت عمتها اميره:السلام عليكم
رهام وام مشعل:وعليكم السلام
اميره:رهام بروح غرفتك اكمل تجهيزاتي
رهام:اتفضلي
طلعت اميره لغرفة رهام ورهام بقت في الصاله وبعد ثواني وصلوا بيت خالتهم ام ماجد سلموا البنات على بعضهم وقعدوا مع رهام مستاانسين ومبسوطين
آمال:ماشالله اليوم طالعه قمر
رهام:انا من يومي قمر مو بس اليوم
مها:اووف بتشوف نفسها علينا
آمال:الحمدلله ان رهف بتصير مرة اخوي مو انتي
رهام(بدأت تعصب):اقووول
مها و آمال:ههههههههههههههههههه
رهام:ماباقي الا اخوكِ هذا اللي آخذه ليش مضيعه طريقي انا؟
مها:الله يعيننا على هاللسان
آمال:اقول رهام وين بنات عمتك للحين ماوصلوا
قامت رهام تشوف الشباك:يمكن وصلوا ..الا اكيد هم شفت سامي معهم
مها:الله يحييهم
نزلت شيماء وكانت لابسه فستان قصير باللون التركواز الفاتح ومسويه شعرها تسريحه بسيطه
وسلمت ع البنات وقعدت معاهم
بعد دقايق دخلوا للبيت وسلموا البنات على بعضهم والكل مبسووط ماعدا نوف اللي مو طايقه احد من الموجودين..
في بيت ام ناصر عبير نزلت للصاله واتجهزت
ام ناصر:قولي لأخوكِ يوصلك
عبير:ان شالله
وجات عبير تبغى تنادي مروان الا وشافته قدامها:يلا عبير خلصتي؟
عبير:اي خلصت
مروان:يلا انتظرك في السياره(وخرج للسياره
ام ناصر(والشرر يتطاير من عيونها):اسمعيني انتي بعد الزفه مباشرة تكوني هنا سمعتي؟
عبير(بخوف):ان شالله..يلا في امان الله
ام ناصر:مع السلامه.(خرجت عبير وراحت ام ناصر لغرفتها..
في مجلس الرجال الكل مبسووط وفرحاان الكل يبارك لماجد بمناسبة ملكته الليله
عدنان:سامي
سامي:نعم
عدنان:كم الساعه عندك؟
سامي:12 ونص ليش؟
عدنان:مو كأنهم اتأخروا؟
سامي:لا مااتأخروا وحتى لو انت ايش عندك؟
عدنان:ماعندي شي بس لأنه ماجد بيسافر بكره
سامي:اها اي والله نسيت انه بيسافر الله يوفقه ويروح ويرجع بالسلامه
عدنان:آمين...
في مجلس البنات دخلت ام مشعل :اتفضلوا العشا جهز
قام الكل ماعدا نوف اللي مو طايقه احد
ام مشعل:نوف حبيبتي قومي اتعشي مع البنات
نوف(ابتسمت بالقوه):لا شكرا بالعافيه عليكم
ام مشعل(ابتسمت):الله يعافيكِ
وراحت ام مشعل تتعشى ونوف شوي وتنفجر من كثر ماهي تكره هالبيت واهله
ونفس الشي في صالة الرجال الكل طلع للحديقه واتعشـى وبالعافيه عليهم..
بعد ساعه من الرجه والدجه والوناااااااسه اللي تشرح الصدر وتنسي الأحـزان حان وقت الزفه والكل كان مبسوووط وانزفت رهف بفستانها الفضي الناعم وتسريحتها الناعمه وطالعه اليوم جناااااااااان بشكلها واكسسوراتها وابتسامتها السـااحره,كل البنات اتصوروا معاها ماعدا نوف رفضت بعذر انها ماتحب تتصور والكل قعد مع رهف وهم طااايرين من الفرحه
بعد ثواني دخلت ام مشعل واعطت خبر للبنات ان ماجد بيدخل والكل طلع من الغرفه وماباقي الا رهف ,اول مادخل ماجد ورهف عينها في الارض
دخل ماجد بابتسامته:السلام عليكم
رهف(بهمس):وعليكم السلام
جلس ماجد قرب رهف ’اخذ يدها بين ايدينه:مبرووك ياأحلى عرووس
رهف(طااارت من الفرح وردت بهدوء):الله يبارك فيك
بعد ثواني دقت مها الباب ودخلت ’رهف فرحت بوجود مها عكس ماجد اللي انقهر منها بس حاول انه ماينفعل قدام رهف
سلمت مها على رهف:مبروووك ياقمر
رهف(ابتسمت):الله يبارك فيكِ
ماجد اعطى رهف كرت فيه ارقامه واستأذن وطلع لصالة الشباب..
دخلت عبير وسلمت على صديقة عمرها رهف واستأذنت وراحت للبيت ..بعد ساعه الكل راح لبيته والكل نام وارتاح بعد تعب السهر ماعدا عبير اللي اول مارجعت البيت استلمتها امها
ام ناصر:بدري الحين جيتي؟
عبير(خاافت واستغربت ايش مسهر امها للساعه 2 ومن الخوووف ماقدرت ترد)

(( الجـــــزء الثامــــن ))

ام ناصر:بدري الحين جيتي؟
عبير(خاافت واستغربت ايش مسهر امها للساعه 2 ومن الخوووف ماقدرت ترد)..
ام ناصر(بعصبيه):ردي علي ليش اتأخرتي؟
عبير(والخوف واضح في عيونها):يمى انتي قلتي أجي بعد الزفه وهذا انا جيت بعد الزفه مباشرة
سحبتها امها من شعرها:انقلعي اقعدي في غرفتك وانسي بعد كذا انك تروحي لوحده من صديقاتك
ركضت عبير لغرفتها وعيونها تبكي الدمووع بس قلبها يبكي دم وألــــم وعذاااااااب
ام ناصر ماكانت تعامل بنتها عبير بهالأسلوب بس بعد ماشافت طيبتها مع مروان قلبت اسلوبها معاها
بعد ثواني دخل مروان للبيت:السلام عليكم
ام ناصر(على نفس حالتها من العصبيه والقهر):وعليكم السلام ..بدري
مروان هز راسه بيأس وطلع لغرفته ..طلع لغرفته بعد ماسمع انواع من الكلام اللي يجرح ويقطع القلب بس هو كعادته مهما صآر يحاول انه مايرد عليها ولا بأي حرف..
في الصبح قام عدنان من النوم وغسل وجهه ’بعد كذا نزل للصاله ماشاف احد وعرف انهم
كلهم نايمين(اوووف انا ايش اللي قومني هالوقت.؟!) طالع في الساعه شافها 10 ونص وقعد في الصاله يشوف التلفزيون..بعد ثواني رن تلفون الصاله
رد عدنان:الووو
......:السلام عليكم
عدنان(حاول يركز في الصوت اكتر):وعليكم السلام
.......:وجود صاحيه ولا؟
عدنان(اخيرا قدر يجيب الصوت وابتسم):وجود نايمه
رهام:طيب ورود؟
عدنان:ورود كمان نايمه
رهام(لاشعوريا):طيب مين انت؟
عدنان ضحك على سؤالها:اول قوليلي مين انتي
رهام:انا رهام مين انت؟
عدنان(والابتسامه شاقه وجهه):اوكِ انا عدنان
رهام:اها
عدنان:ايش صحاكِ هالوقت؟
رهام:والله مادري ..وانت؟
عدنان:انا اتصالك قومني من النوم
رهام:وايش اللي منومك في الصاله؟
عدنان(وهو بيموت من الضحك):ههههههههههه لاوالله امزح مادري ايش اللي قومني والبيت كله نايم
رهام سكتت وماردت عليه
عدنان:الوو رهاام
رهام(انتبهت):الوو اي يلا خلي وجود تكلمني بعدين
عدنان:ان شالله
رهام:اوك في امان الله
عدنان:مع السلامه
قفلت رهام وقامت للمطبخ تفكر في عدنان والموقف اللي حصلها معاه وتقول في نفسها
(مادري هالانسان احس ان فيه شي مميز عن اخواته واخوه بس ايش هو هالشي؟!!!)
ولاشعوريا ابتسمت واخذت كوب الشاي وطلعت لغرفتها..
عدنان قعد يفكر في احلى مكالمه في عمره من اللي ملكت قلبه وروحه وعمره وابتسم في قلبه قبل لاتبتسم ملامحه المميزه وقال في نفسه(الله يخليكِ لي ويخليني لك )..
في بيت ام بدر وبعد صلاة الظهر اجتمعت العائله ع الغدا
ام بدر:ياولدي لايكون اتأخرت ع الرحله
بدر:لايمى مااتأخرت الرحله تبدأ الساعه 2
وائل:خلاص اتغدى بعدين روح
بدر:ان شالله ..وائل لا أصيك امي وروان خليهم في عينك
وائل(وهو فرحان انه بيتحمل المسئوليه):ان شالله
روان(بمرحها المعتاد):ااخ بس انتظر بدر يرجع ويتزوج ويجيله توأم
الكل:هههههههههههههههههههههههههه
بدر:ايش فيكِ تبغي الفكه مني لهالدرجه؟
روان:لا مو فكه بس ابغى اصير عمه اليوم قبل بكره
بدر:طيب والتوأم ما اختارتي لهم اسماء كمان؟
روان(وهي تفكر):اممممم الا لقيت اسمين حلووووه وتجنـــــــــــــــن
بدر:قولي
روان:روان ومروان
ام بدر اول ماسمعت اسم((..........)) اتجمعت الدموع في عينها وراحت لغرفتها
الكل استغرب من تصرفها بس بدر حاول يكمل الموضوع:مروان حلو بس رواان لاااا
روان:ليش ايش فيه اسمي؟
بدر:اخاف تطلع على عمتها تجنن خلق الله
روان:تجنن خلق الله بجمالها
وائل:اووف من هالجمال اللي طفشتينا منه
روان:غيررراااان لأني احلى منك بس لو تموت ماتوصل ربع جمآلـــــــــي
بدر:ههههههههههههه الله لايفرق بيننا يارب
الكل:آمين
قام بدر وودع اخته واخوه وراح للغرفه عند امه واول مادخل حاولت ام بدر تخفي الصوره اللي في يدها وبالفعل حطتها في الدرج ومسحت دموعها عشان ماينتبه لها بدر..بس بدر انتبه لدموعها وراح باس راسها وخدها وهي حضنته والدموع على خدها وحاول يصبرها وبعد كذا ودعها وطلع لصديقه ماجد واخوه هاني ومعاهم سامي اللي كانوا ينتظروه في السياره..
وطول الطريق وبدر يفكر في الصوره اللي امه خفتها عنه والموقف تكرر في باله عدة مرات
وقرر بدر انه لما يرجع يحاول يكتشف ايش سر هالصوره اللي امه بكت عشانها..بعد دقايق وصلوا للمطار وسلم هاني على اخوه ماجد وعلى سامي و بدر وودعهم ورجع للبيت..وبعد ربع ساعه جا موعد الرحله وركبوا للطياره متوكلين على الله..
في العصر قامت رهف غسلت وجهها واخذت جوالها تقلب فيه يمكن تشوف رساله من ماجد او اتصال منه لكـن لسوء حظها مالقت شي منه طالعت الساعه شافتها 4 واتأكدت انه سافر خآصة بعد ماقالتها آمال اخته ان رحلته تبدأ الساعه 2 حاولت تخفي حزنها وابتسمت رغم الألم ونزلت للصاله شافت امها واختها شيماء
ام مشعل(ابتسمت):ياهلا بأحلى عروس
رهف اتذكرت كلمة ماجد((أحلــى عروس)) اتذكرته لما قالها هالكلمه امس وابتسمت وقعدت مع اهلها
قامت شيماء:عن اذنكمـ بروح اجيب الشآي
راحت شيماء للمطبخ وام مشعل التفتت لبنتها:ها ايش اخبار ماجد؟
رهف(ابتسمت):الحمدلله بخير
ام مشعل(فرحت ع بالها ان ماجد كلم رهف وطمنها على حاله):الله يخليكم لبعض ويكتب لكم السعاده ياارب
رهف:آميــــــــن..
بعد المغرب في بيت ام سامي نزلت وجود للصاله:مساء الخير
الكل:مساء النور
ابو سامي:ايش فيكِ يابنتي هذا كله نوم؟
وجود:لا بابا صحيت العصر ذاكرت والحين نزلت
ابو سامي(ابتسم):الله يوفقك يابنتي
وجود:آمين
ام سامي:وين ورود؟
وجود:فوق قاعده تذاكر
ام سامي:الله يوفقكم يارب
الكل:آمين
عدنان:وجود
وجود :نعم
عدنان:رهام اتصلت عليكِ وتقولك كلميها ضروري
وجود:ان شالله(وقامت):يلا عن اذنكمـ بروح اكلمها واشوف
راحت وجود لغرفتها وقام عدنان وراها بحجة انه بيشوف دراسته على موقع في النت بس ماراح لغرفته قام وراح لغرفة وجود
ورود:ماشالله كلكم عندي؟
وجود:انا بس ابغى اكلم رهام
عدنان:وانا جيت اسلم عليكم
ورود:سلامك وصل..وجود
وجود:نعم
ورود:كلمي رهام في غرفة نوف
وجود:ورود انتي عارفه ان نوف تكره بنات خالي تركي ومستحيل تخليني اكلمها في غرفتها
اتفاجأ عدنان من الخبر:تكرههم؟!!!
ورود:اي وماتطيق تشوفهم
عدنان(باستغراب):ليش؟
وجود:مادري عنها
ورود:تصدق ياعدنان انها تقول ان ماجد حظه سيئ لأنه اخذ رهف؟
عدنان وكانه مايصدق:لهالدرجه تكره رهف؟
وجود:حتى رهام مو بس رهف
عدنان:والله خالي وبناته طيبين وانا متأكد ان الخلل منها هي
ورود:اي والله اصلا شي واضح
وجود:الحين قوليلي وين اكلم رهام؟
ورود:روحي غرفة سامي
وجود:وانتي ماصدقتي انه سافر شكلك من زمان تبغي الفكه منه
ورود:ههههههههه لا والله بس هي الغرفه اللي فاضيه حالياا
وجود:ياعيني على ذكاء اختي وانتي نسيتي ان سامي قبل لايسافر لازم ياخذ مفتاح غرفته معه
ورود(وهي تتذكر):اي صح بس عموما كلميها في اي مكان غير الغرفه هذه
عدنان:بس انتي وهي لما ابوي قال لكم كل وحده تاخذ لها غرفه مارضيتوا والحين كل وحده فيكم متضايقه من التانيه
وجود+ورود:مو متضايقين
ضحك عدنان عليهم:وجود تعالي كلميها في غرفتي
وجود:اوك
وبالفعل راح عدنان لغرفته يقلب في المجلات ووجود اتصلت على رهام..
ردت رهام:هلا وجود
وجود:اي يقول عدنان اتصلتي علي الصبح
رهام:اي اتصلت
وجود:وانتي ايش اللي قومك الصبح؟
رهام:ههههههههه تصدقي مادري النوم فجأه طارمن عيني
وجود:اي قولي ايش عندك؟
رهام:متضايقه وابغى اطلع
وجود:انتي ماعندك غير الطلعات اقعدي ذاكري شوي
(عدنان عينه ع المجلات واذنه مع اخته وجود)
رهام:خلاص بكره ان شالله بذاكر بس اهم شي اليوم اطلع
وجود:والله حبيبتي انا اليوم بذاكر وسوري مااقدر اطلع معك
رهام:اووووف كل وحده مالها خلق تطلع معآي اليوم
وجود:اجل خلاص اقعدي ذاكري
رهام:يابروووووود أعصـآآبك
عدنان أشر لوجود وقالها:انه هو اليوم بيطلع ..حطيه ع السبيكر
ضحكت وجود ورهام استلمتها تحقيق ليش تضحكي وعلى ايش الضحك؟
وجود:مافي شي بس عدنان يقولك هو بيطلع اليوم
رهام(اتنرفزت):ماباقي الا هو لو اموت مااطلع معاه
عدنان:ليش لهالدرجه عدنان متوحش؟
رهام خالطها شعور خووف وتردد:وجود
عدنان اخذ الجوال:وجود امي نادتها وراحت..جاوبيني
رهام(بكل ثقه):اي مااطلع معاك ليش اطلع معاك ماابغى نفسي قالو لك؟!!
عدنان(ابتسم):بيجي اليوم اللي اطلع معاكِ وقولي عدنان ماقال
رهام خاافت من جرآة عدنان وعمرها مااتوقعته لهالدرجه جريئ وحاولت تصرفه:
امي تناديني يلا باي
عدنان:مع السلامه
قفلت رهام وهي مقهووره من وجود وفي نفس الوقت فرحاانه انها سمعت صوت عدنان
(مادري ليش لما تسمع صوته ترتااح ولما يكلمها تحس انها عايشه في سعااده مالها مثيل تحس ان كل الأحزان رحلت عن عالمها وبقت الأفراح قريبه منها وتحيطها في كل موقف )فجأه قطع تفكيرها دخول رهف لغرفتها
رهام:هلا رهوفه ايش فيكِ متضايقه؟
رهف(بحزن):تصدقي يارهام ان ماجد ماكلف نفسه يرسلي ولا رساله يطمني فيها عن حاله
رهام:لاتستعجلي يمكن بعد شي يتصل عليكِ ومايقفل لين تملي منه
رهف:الله يسمع منك
رهام:آمين
رهف:بس بصراحه مااعتقد انه يفكر يتصل
رهام(باستغراب!!):ليش؟
رهف:لأنه الان الساعه 8 وهو سافر من الساعه 1 ف عشان كذا مااعتقد ان في امل
رهام(وهي تحاول تخفف على اختها):لا صدقيني ماجد مو من هالنوع واذا ماسأل عنك اليوم بيسأل عنك بكره
رهف:ان شالله
رهام(ابتسمت):قومي ننزل نقعد مع امي شوي
رهف:اوك يلا(وقاموا ونزلوا للصاله واستانسوا في هالجلسه الحلوووه اللي بينهم..
في استراليا وبالتحديد في مدينة سيدني كان واقف على الشباك تتساقط عليه نسمات الهواء البارده والثلوج اللي كانت تتساقط في فصل الشتااء كان واقف يفكر في حياته الجديده معاها كيف بتكون وهل بيكون مبسوط ومرتاح معها او لا؟!!
ماجد لاشعوريا ابتسم!!ابتسم!! لأنه اتذكرها واتمنى انها تكون معاه في احلى منظر يغطيها الثلج ومافي شي يشعرها بالدفء غير احضانه اللي تنعم فيها بالراحه والدفء والأمان
طالع ساعته وشاف ان سامي وبدر لهالوقت ماوصلوا وقال:اكيد المكان مزدحم بالناس والماره
راح اخذ جواله من فوق المكتب وقعد عالشباك واتردد هل يتصل عليها او لا؟!!
في الأخير قرر انه يتصل ومسك جواله ودق رقمها وهو يحس بحرارة شوووق لسمآع صوتها
قامت من النوم على رنة الجوال مفزوعه وخايفه مين اللي اتصل عليها في هالوقت المتأخر شافت الرقم عرفت انه ماجد ..ماجد!!اللي شغلها بالها وتفكيرها وطير النوم من عيونها
وردت بعد خامس رنه بصوتها الأنثوي الناعم والممزوج بطبيعتها النآعمه:الووو
ماجد(الأرض مو شايلته من الفرحه انها ردت عليه ويحس انه حياته اتجددت عليه من اول وجديد وحس ان اليوم اسعد ايام عمره وهو يسمع صوتها ويحسسها انه قريب منها مهما زادت المسافات بينهم)
ماجد:هلا رهوفه اخبارك؟
رهف:الحمدلله وانت كيفك؟
ماجد:بخيييييييييييير دام اني سمعت صوتك
رهف(خجلللت):دوم يارب
ماجد:ان شالله اسمع صوتك دووووم
رهف بعد كلمة ماجد حست انها عايشه في دنيا مافيها احزان ولادمووووع كيف لا وهي تكلم رفيق دربها ونور عيونها ومالك فؤادها واحاسيسهاا
ماجد:كم الساعه عندك؟
رهف:2
ماجد:الليل؟
رهف:اي ليل
ماجد:لايكون كنتي نايمه وازعجتك؟
رهف:لا عآدي
وفي هالوقت رجعوا بدر وسامي للشقه
ماجد:اسمعي رهف
رهف:نعم
ماجد:اتصلت اطمنك على حالي واني الحمدلله وصلت بالسلامه
رهف:الحمدلله ع السلامه
ماجد:الله يسلمك..يلا انا بقفل لأني مشغووول تعرفي الدراسه
رهف(بحزن):الله يوفقك
ماجد:آمين يلا في أمان الله
رهف:مع السلامـه
قفل ماجد من رهف وراح اتعشى مع بدر وسامي ,ماجد على قد طيبته الا انه عنييد في بعض الأحيان ومايحب يبين حبه لأحد بالعكس يحب ان رهف تثبت له حبها حتى هو يقدر يحقق لها كل الأحـــــلام اللي تجمعهم مع بعض وتسعدهم..
قفلت رهف وخالطها شعور فرح وحزن فرحت لأنه اتصل عليها وعبرها وحست ان لها مكانه في حياته بس حزنت لأنه قال لها انه مشغووول بدراسته وماطول كتير معاها ’قفلت جوالها ونامـت !!نامت وملامح الحزن غطت وجهها وسكنت قلبهاا ومشاعرهاا..
في الصبح لبست عبير ملابسها ونزلت للصاله
ام ناصر:عندك دوام اليوم؟
عبير:اي عندي
ام ناصر:ووينه اللي بيوصلك؟
عبير:في السياره ينتظرني
ام ناصر:اوكِ
عبير:مع السلامه (خرجت وركبت للسياره بكل هدوووء)..
عدنان وصل وجود لجامعتها وهذا اول يوم يوصل فيه عدنان وجود ,نزلت وجود ودخلت للجامعه شافتها صديقتها أفنان
افنان:اهلين بالغآليين
وجود(ابتسمت):مرحباا
أفنان:وجود ممكن اسألك سؤال؟
وجود:اتفضلي؟
افنان:مين اللي وصلك اليوم؟
وجود:هذا اخوي عدنان
أفنان(ابتسمت):ااها
وجود:غريبه ليش هالسؤال؟!!!
أفنان:بصراحه ياوجود ماشالله عليه يجنن
وجود في نفسها(كل البنات متجننين على هالعدنان لهالدرجه جذااب):وابتسمت:متى المحاضره؟
أفنان(وهي تطالع في ساعتها):باقي نص ساعه عليها
وجود:اوك ايش رايك نروح نشرب لنا قهوه؟
افنان:اوك يلا
ويروحوا للكافتيريا ويطلبوا 2 قهـوه..
افنان:وجوده ممكن اسألك سؤال؟
وجود:اتفضلي
افنان:اخوكِ كم عمره؟

لا لااا لااا عدنان لريهام افنان هاذي من وين دخلت؟؟؟
تكفين لاتخلينها تخرب عليهم<<عايشه جو الروايه خخخخخخ
روووووووووووووووعه ياعمري روووووووووووووووووووووعه
انتظر الباقي بكل شوووووووووووووووووووووووق

(( الجــــزء التـــاســع ))
ويروحوا للكافتيريا ويطلبوا 2 قهـوه..
افنان:وجوده ممكن اسألك سؤال؟
وجود:اتفضلي
افنان:اخوكِ كم عمره؟
وجود(ابتسمت):ليش؟
افنان:ابد بس مجرد سؤال
وجود:عمره 21
افنان ابتسمت من غير ماتحس في نفسها ووجود فهمت ايش ورى هالابتسامه..
في المستشفى آمال كانت قاعده مع صديقتها عبير
آمال:وين رهف؟
عبير:قاعده تاخذ الضغط
آمال:الحمدلله اليوم الشغل مو كتير
عبير:اي والله صادقه يكون احسن
آمال:احسن بكتييير مو بس احسن
في هالوقت رن جوال آمال شافت المتصل اخوها ماجد ردت:الوو هلا ماجد..الحمدلله كلنا بخير
ماجد:وايش اخبار رهوفه؟
آمال:الحمدلله تمااام وانت ايش اخبارك؟
ماجد:الحمدلله تماام..داومتي اليوم؟
آمال:اي داومت(وفي هالوقت جات رهف وقعدت)
ماجد:ورهوفه داومت؟
آمال:اي داومت خذها كلمها
مدت آمال الجوال لرهف’رهف استغربت:مين؟
آمال:ماجد مين غيره
رهف استغربت بس حاولت انها ماتبين واخذت الجوال وبصوت متردد:الوو
ماجد:اهليين شخبارك؟
رهف:الحمدلله وانت كيفك؟
ماجد:الحمدلله بخير دامك بخير
آمال كانت تضحك ومستانسه مع باقي الممرضات وماجد مرره انزعج من اصواتهم
ماجد:رهووفه
رهف:نعم
ماجد:ابعدي عن هالمزعجات روحي لأي مكان هادئ
رهف(فرحت وعرفت انه بيطول معها بس حزنت لأنه مااتصل على جوالها وسألته):ليش مااتصلت على جوالي
ماجد:رهف ابعدي عنهم مو سآمع شي
قامت رهف وراحت لغرفه مجاوره لهم بس هادئه ومافيها أحد
ماجد:اي كذا الهدووء ولابلاش
رهف:لهالدرجه تحب الهدووء؟
ماجد:واكتر واكتر اسألي آمال عني وهي تقولك كل شي
رهف:وانت اسأل مشعل عني وهو يقولك كل شي
ماجد:سألت مشعل وماشالله عليه ماقصر قالي كل الأشياء اللي يعرفها عنك
رهف(فرحت بس مابينت):طيب ليش مااتصلت على جوآلي؟
ماجد:جوالك اللي قفلتيه من امس لليوم؟!!
رهف استغربت وعرفت انه اتصل مره تانيه عشان يكلمها بس هي غلطت وقفلت الجوال
رهف(بخجل):سوري قفلته عشان أنام ونسيت افتحه
ماجد:يعني انا ازعجتك امس باتصالي؟
رهف:لااا مو كذا قصدي
ماجد:اجل ايش قصدك؟
رهف اتذكرت كلام أخواته عنه واتذكرت كلمة مها لما قالت ماجد يحب ان احد يهتم فيه ويظهر له حبه له
رهف(بجرأه مادري من وين جاتها):بصراحه ماجد انا امس قفلته لأني كنت زعلانه
ماجد(استغرب):زعلانه؟!!
رهف:اي
ماجد:طيب ممكن اعرف من مين؟
رهف:اي ممكن.كنت زعلانه منك
ماجد(انصدم من كلامها!!):مني انا؟! ليش ايش قلتلك وزعلك؟
رهف:بصراحه زعلت لما قلتلي انك مشغول بدراستك وقفلت بسرعه من غير ماتطول
ماجد(ابتسم من قلبه):وانتي زعلتي لأني ماطولت معك؟
رهف:اي
ماجد(طاار من الفرح لأنه حلم حياته احد يحبه والأهم ان احد يبين له حبه ):طيب اسألك سؤال؟
رهف:اتفضـل


ماجد:بكره عندك دوام؟
رهف:لا
ماجد:وآموله عندها دوام؟
رهف:لا مااعتقد عندها
ماجد:اوك اسمعي انا اليوم الليل بتصل عليكِ على 12 ومابقفل الا الساعه 2 او 3
رهف انفجرت من الضحك:لا عاد بجد تتكلم؟
ماجد(ابتسم):اي والله بجد وترى مابرحمك نوم ماافي الا بعد مااشبع من هالصووت
رهف خجللللت وماردت عليه
ماجد:يلا رهوفه بقفل الحين آمال تشهرنا في العالم كله
رهف:ههههههه اوكِ
ماجد:يلا مع السلامه
رهف:مع السلامه(قفلت رهف وهي طااايره من الفرحه ومو مصدقه ان ماجد طيوب لهالدرجه وراحت رجعت الجوآل في شنطة آمال ولحسن حظها آمال ماكانت موجوده ولا كان مابتفكها من التعليقات اللي تحرجها ..
خلص ماجد من احلى مكالمه في حياته وشاف سامي واقف له ع الباب
سامي(ابتسم):تبغى تشبع من هالصوت ها؟
ماجد(انحرج):سامي فكنا ترى مو ناقصك
سامي:ههههههههه واذا مافكيتك مني ايش بتسوي؟
ماجد:بعدين تعرف ايش بسوي
بدر(وهو يناديهم بصوت عآلي):الغداا جاهز الحقووا ولا والله بخلصه
انفجروا من الضحك وراحوا يتغدوا معااه..
في جامعة رهام,كانت رهام قاعده وتتأفف من الحر جات صديقتها منى
منى:خير ايش فيكِ مو طايقه نفسك؟
رهام(بقهر):حرررر
منى:هههههههه واذا حر مو شي جديد يعني
رهام:منى اسكتي ترى اعصآبي صآيره نار
منى:انتي من يومك نآر
رهام(بقهر):منى
منى:هههههههه خلاص بسكت بس قوليلي ايش سويتي في البحث؟
رهام:والله للحين مو عارفه اختار اي موضوع بالتحديد
منى:ولا انا..طيب في احد معك في البحث؟
رهام:لا
منى:طيب ايش رايك نشترك؟
رهام:بتوافق؟
منى:اي اكيد بتوافق سهام والهام اعطوها بحث واحد مفصل واخذته وهي موافقه عليه
رهام:خلاص صار بس متى نبدأ
منى:أنا ببدأ فيه اليوم والاثنين اجيبه لك ان شالله
رهام:خلاص ان شالله..
في نهاية الدوام اتصل عدنان بوجود وقالها تطلع هو ينتظرها عند الباب
وجود:بنات يلا مع السلامه
افنان:وجود اقعدي شوي بعدين روحي
وجود:صدقيني مااقدر اذا اتأخرت عدنان بينفجر علينا اليوم
أفنان اول ماسمعت اسم عدنان ابتسمت ’وجود ابتسمت:يلا مع السلامه
افنان:وجود ممكن اطلب منك طلب؟
وجود:يوووه منك ياأفنان هذا وقت الطلبات؟
افنان:سوري والله بس ابغاكِ توصليني على طريقك اذا ممكن
وجود:اوك يلا قومي بسرعه قبل لايعصب علي عدنان
قامت افناان بسررررررررعه فظيعه ولبست عبايتها وطلعوا للسياره..
في السياره~ قالت وجود لأخوها عدنان عن عنوان افنان عشان يوصلها لنفس الطريق وعدنان وافق من غير اي رفض
وجود:ورود رجعت؟
عدنان:لا مارجعت
وجود:ومين بيرجعها؟
عدنان:السواق نسيتي انه رجع
وجود(تتذكر):اي صح والله نسيت..طيب انا بكره مين بيوصلني؟
عدنان(يفكر): اممممم انتي تبغي مين يوصلك؟
وجود:انا عادي ماتفرق معاي اهم شي اوصل قبل الوقـت
عدنان:بما انها مافرقت معك خلاص بقول للسواق يوصلك بكره
وجود طالعت ملامح اخوها وشكله متضايق كلمته بكل حنان:عدنان متضايق من شي؟
عدنان:لا مافيني شي بس تعبان شوي
وجود(بهمس):سلامتك
عدنان:الله يسلمك
وبعد كذا الكل سكت وعم الهدووووء في السياره الى ان وصلت افنان لبيتهم وشكرت عدنان ونزلت..
رهام قاعده في الجامعه ومتضاايقه من الحر وشوي بتنفجر كانت تكلم امها بالجوال وامها قالتلها انها طلعت مع السواق وان ابوها طلع في شغله مع اخوها مشعل قفلت رهام من امها وهي تفكر مين يرجعها للبيت واخيرا اتصلت على وجود..
وجود:هلا رهومه
رهام(بضيق واضح):وجود مري علي الكليه مافي احد يرجعني الكل مشغوول
وجود :لحظه شوي(استأذنت وجود من اخوها عدنان,عدنان بالرغم من انه متضايق بس مايرفض لأخواته طلب وبالذات وجود يحسها اقرب وحده له من بين كل اخواته وحتى اقرب له من اخوه سامي وحتى وجود نفس الشي مرتاحه لأخوها مرررره)
وبعد دقائق وصلوا لجامعة رهام..ركبت رهام السياره وهي..متضايقه..مقهوره..طفشانه..وتعبانه..وزهقانه وكل شي وشعورها هذا مايقل عن شعور عدنان
رهام(بقهر):السلام عليكم
وجود+عدنان:وعليكم السلام
وجود:اكيد الاخت شوي وبتنفجر
رهام(بضيق):وجود مرره مو فاضيتلك
وجود:اوووف لهالدرجه ؟انا ايش ذنبي طيب؟
رهام(بقهر):وجوود فكينا ترى مو ناقصتك
عدنان(بهدووء):وجود خلاص لاتضايقيها اكتر
سكتت وجود’رهام اتفاجأت من كلام عدنان واهتمامه الملحوظ بها..ووجود اتذكرت افنان وابتسمت ااه لو تدري انه يحب غيرك ايش بتكون ردة فعلك؟!!
دخل غرفته وباين عليه ملامح التعب والارهاق واتمدد على سريره يفكر في كلام اخوه ابو مشعل وعن مدى محاولاته في اقناعه انه يتزوج لكـن فهد!!رافض انه يتزوج لين تتزوج اخته اميره اول بعدين هو يفكر في الزوااج..وسرح بأفكاره وهو يسأل نفسه ليش ابو مشعل مصر اني اتزوج وانا مرتاح بعيشتي كذا والحمدلله
قطع تفكيره صوت الجوال يعلن بوصول مسج..فتح الرساله اللي وصلته من صديقه وعرف ان في رحله قريبه بيكون فيها هو قائد الطياره و بيكون معاه رفيق عمره (فيصــل) قفل المسج وحط الجوال مكانه وهو يبتسم ويقول في نفسه رحله مره تانيه لأراضي فنزويلا لا وهالمده بتطول الرحله وبنقعد شهر عشان الشغل الله يستر ويعين يارب,وللمره التانيه الجوال يقطع تفكيره اخذ الجوال والتعب واضح عليه بس رغم التعب ابتسم ابتسامه سآحره تخفي التعب عن ملامحه لأن هالمكالمه من اقرب وحده له من بنات اخوه واللي هي(شيماء)
فهد:اهلين شيماء ايش اخبارك؟
شيماء:الحمدلله وانت كيفك؟
فهد:الحمدلله تماام
شيماء:عمي انا خلصت اختبارات ولازم بهالخبر الحلووو تعشيني بره
فهد:ههههههه والله من عيوني وليش لا بس أجليها لوقت تاني
شيماء(استغربت!)"ليش؟
فهد(بحزن):لأني عندي رحله لفنزويلا وهالمره مطول يمكن اقعد شهر
شيماء انصدمـت!!وحزنت!! وعيونها دمعـت!! بالرغم من سفرات عمها المتعدده الا انها مو قادره تتعود تحس الحياه في بعده فرآغ مايمليه غيره..
فهد قطع هالصمت:يلا شوشو هو شهر وبس عشان الشغل وبعدها برجع لكم بالسلامه
شيماء(بحزن):ان شالله..طيب متى بتسافر؟
فهد:بكره الساعه 8 الصبح تبدأ الرحله
شيماء:يعني بتكون 7 هناك
فهد:اي ان شالله
شيماء:يلا تروح وترجع بالسلامه يارب
فهد:الله يسلمــــك
شيماء:في أمان الله
فهد:مع السلامه
قفل فهد وقام للحمام ياخذ له شــــور..
بعد الغدا راحت وجود لغرفة اخوها عدنان ’دقت الباب ودخلت
وجود:عدنان نايم؟
عدنان قعد:لا مانمت تعالي
دخلت وجود:ايش فيك مااتغديت؟
عدنان:تعبان ومالي نفس آكل
وجود:عدنان انت فيك شي؟
عدنان:لا والله مافيني شي وحتى اذا فيني بجي اقولك مابخفي عنك شي
وجود:اوك بقولك شي
عدنان:قولي
وجود:صديقتي اليوم اللي جات معاي
عدنان:قصدك أفنان؟
وجود(ابتمست):اي افنان سألتني عن عمرك
عدنان(بملل):ايش تبغى بعمري؟
وجود:هههههه مادري عنها المهم قلتلها عمرك والبنت لاشعوريا ابتسمت اشك انها تحبك
عدنان(بكل جرأه):اذا سألتك مره تانيه عن اي شي عني قوليلها عدنان يحب وحده ومايفكر في غيرها
وجود:ااها وممكن اعرف مين هالوحده؟
عدنان:مين غيرها يعني؟رهام بنت خالي تركي
وجود:طيب كلم امي وابوي في الموضوع يمكن يوافقوا
عدنان(بضيق):امك ممكن توافق بس ابوكِ هذا انسي انه يوافق
وجود:ترى ابوي هو ابوك
عدنان(بقهر):ادري بس انا متأكد اذا كلمته بيقول مااتزوج لما يتزوج سامي يعني بقعد لين اوصل لل 60 عشان اتزوج
وجود(حزنت على حال اخوها):الله كريم ياعدنان وان شالله يتحقق اللي في بالك
عدنان(والدموع متحجره في عينه):وجود انا اخاف انتظر لين سامي يتزوج وفي الأخير رهام تروح منـــــي
وجود شافت الدموع في عين اخوها:عدنان ان شالله مابتروح واذا تحتاج شي انا بساعدك ومابتخلى عنك
عدنان:يالييييت تساعديني ياوجود ياليييت
وجود (تقوم):بساعدك بس لاتشغل بالك بهالموضوع
عدنان(ابتسم):ان شالله
راحت وجود لغرفتها وعدنان مازال على حالته حزين بس كل مايتذكر كلام اخته يفرح ويدعي لها ان ربي يحقق لها كل امانيها..
في العصر راحت ام مشعل لأم بدر
ام بدر:نورتي البيت والله
ام مشعل:منور بأهله
أم بدر:ها ايش اخبارك وايش اخبار البنات؟
ام مشعل:الحمدلله كلنا بخير
ام بدر:ايش فيهم البنات ماجو معاكِ؟
ام مشعل:والله كل وحده وهمها رهف رجعت قبل شوي من الدوام ورهام نايمه وشيماء زهقانه عشان عمها بيسافر
ام بدر:يروح ويرجع بالسلامه
ام مشعل:الله يسلمك..
كان مشغل موسيقى كلاسيكيه هادئه ويدور بالسياره في شوارع سيدني ويتأمل الحياه والحركه والنشاط اللي في شوارعها فجأه شاف مكان اكسسوارات واتذكر عشق اخته للاكسسوارات وقرر انه يشتري لها منها لف على جهة المحل ووقف السياره ونزل المحل يشتري دخل المحل سمع صوت بنت تتكلم بالجوال وكان كلامها عربي جذبته هالبنت واكتر شي جذبه فيها طولها ونعومتها ورقتها وصوتها وملامحها الناعمه بعيونها العسليه ووجهها الأبيض وجمالها اللي ياااخذ العقل,اشترى بدر مجموعه من الاكسسوارات واتجه خلف سيارة البنت العربيه لين عرف بيتها وبعدها رجع للبيت وهو يفكر انه يتقرب منها مهما كاان..
بعد صلاة العشا راح مشعل لغرفة اخته رهف
مشعل:هلا رهوفه
رهف:هلا
مشعل:اخبارك؟
رهف:تماام
مشعل(ابتسم):اخبار ماجد؟
رهف(خجللت وردت بهمس):الحمدلله
مشعل:ازعجني زوجك هذا كل شوي وهو يتصل علي
رهف(استغربت):ليش ايش عنده؟
مشعل(وهو يقلد ماجد):اهتم برهف لاتزعلها لاتضايقها اذا احتاجت شي لاتقصر معاها والله زهقني وصرت لما اشوف رقمه ماارد عليه او اعطيه مشغول
رهف:هههههههههه الله يسعدك ياماجد
مشعل:وانتي مبسوطه من الازعاج اللي مزعجني هو
رهف:كل شي منه حلوو
في هالوقت رن جوال مشعل شاف الرقم رقم ماجد
مشعل(بضيق):لاحول ولاقوة الا بالله
رهف:هههههههه اكيد ماجد صح؟
مشعل رمى الجوال لها :خليه عندك لين يفكني هالمزعج(وخرج من الغرفه
رهف ضحكت وردت ع الجوال بنعومتها الطبيعيه:هلا
ماجد استغرب من الصوت بس عرف انها رهف وطاار من الفرحه:هلا حبيبتي وحشتيني
رهف خجلت من كلامه:وانت اكتر
ماجد:بجد ؟
رهف:اي والله مره اشتقتلك
هنا ماااجد خلااص شوي ويمووت من الفرحه !!حلم حياته اتحقق ان احد يبين له حبه واهتمامه وهذا هو الحلم اتحقق مع احب انسانه له
ماجد:رهووفه شوي شوي علي ترى اخاف مااقدر اصبر واجي مشي
رهف:هههههههههه والله ياخوفي تسويها
ماجد:لعيونك اسويها وليش لا
وكملوا ضحكهم وكلامهم اللي مايخلى من تغزل ماجد في رهف ومن خجلللل رهف من كلامه..

واااااااااااو قصه روووووووووعه مشكوووووره ياقلبي

بس لاتطوليييين علييييييييينا ننتظر الباااااااقي

واااااااااااو قصه روووووووووعه مشكوووووره ياقلبي

بس لاتطوليييين علييييييييينا ننتظر الباااااااقي

بلييييييييييييييييييييييييييييييييييييييييييززز