[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
السلام عليكم ورحمة الله وبركاته
"عروسة 2009"، علشان كده أحب أقول لأي بنت فرحها قّرّب ونفسها تبقى أجمل وأحلى في يوم فرحها..
أولاً :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لازم تكوني واثقة من نفسك في اليوم ده جداً، وتخليكِ على طبيعتك قوي، وتبتسمي على طول، وتثقي في كل خبراء التجميل والأزياء اللي هتتعاملي معاهم في أحلى يوم في عمرك وهو يوم زفافك، اليوم اللي بتحلمي بيه وبتفكري فيه من وأنت صغيرة.
ثانيا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
رتبي أفكارك واحتياجاتك قبل الفرح بـ3 شهور على الأقل، وخصوصا لو فرحك في الصيف أو في الأعياد، عشان أماكن الأفراح في الأوقات دي بتبقى زحمة جداً وعلى فكرة المفروض ترتبي نفسك من أول الفستان لغاية القاعة اللي هيتعمل فيها الفرح وبعدين شكل المكياج والطرحة.
ثالثا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الرشاقة هي الحاجة المهمة اللي بتفكر فيها العروسة وعلشان الفستان يبقى حلو ومظبوط عليكِ أنصحك لو وزنك زيادة شوية تتبعي نظام غذائي قبل الفرح على الأقل بشهرين، وإن وجباتك تكون بتحتوي على كل ما هو صحي ومفيد وبلاش الوجبات السريعة لأنها ممكن يكون لها تأثير كبير على بشرتك، كمان ممكن زيادة الملح أو السكر تظهر حبوب كتير في أماكن كتيرة في وشك وجسمك وخصوصاً لو كنت من الناس اللي عندهم حبوب أو استعداد للحساسية ويا ريت لو لقيتي أي حبوب ظهرت في بشرتك تروحي لدكتور جلدية عشان يشوف بشرتك ويقدم لك العلاج المناسب.
رابعا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لازم تهتمي ببشرتك قبل الفرح بفترة كافيةوتستخدمي ماسكات وزيوت طبيعية عشان يبقى جلدك ناعم وجميل زي بشرة الأطفال، والمفروض إنك تسيبي شعر الجسم قبل الفرح بشهر ونصف تقريباً وشعر الوش قبل الفرح بأسبوعين عشان يبقى سهل عليكِ إزالته بسهولة قبل الفرح.
خامسا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
خلي بالك من أسنانِك كويس، عشان دي أول حاجة بيشوفوها لمّا بتضحكي في الفرح، وياريت تروحي لدكتور أسنان عشان تنظفيها قبل الفرح بأسبوع ولو عندك مشكلة فيهم لازم تصلحيها قبل الفرح بشهر على الأقل.
سادسا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
كمان الاهتمام بالعين حاجة مهمة جداً وده لأن العين هي اللي بتبين جمال الوجه علشان كده يا ريت تحاولي تنامي كويس قبل الفرح بأسبوع أنا عارفة إنه صعب بس حاولي، ولو هتلبسي عدسات ملونة أو نظر يبقى لازم تشتري واحدة جديدة قبل الفرح ومتنسيش القطرة ممكن تحطي "فايزين" أو" بريزولين بلو" قبل الميك آب، علشان القطرة بتساعد إن العين متكونش حمرا في الفرح.
سابعا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
بالنسبة للمكياج والطرحة فدول بيكونوا أهم حاجة بتفكر فيها العروسة المحجبة... أما العروسة غير المحجبة فبتبقى قلقانة أكتر على شكل تسريحة شعرها هتبقى عاملة ازاي؟!، والاتنين عايزين يعرفوا الشكل النهائي في الفستان وفي كل حاجة في الفرح وطبعا كل حاجة من الحاجات دي هنتكلم عليها بالتفصيل في حلقات قادمة إن شاء الله...
بس بصفة عامة ياريت تختاري متخصصين سواء لتصميم أزياء فستانك أو خبيرة تجميل لمكياجك وشكل طرحتك وتكوني واثقة فيهم جداً وعندك حد مجربهم قبل كده من العائلة أو من أصحابك أو شوفتي شغلهم في الصور أو في فرح حضرتيه وعجبك شكل العروسة.
ثامنا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
حاجة تاني مهمة جداً هي التصوير وتفكيرك فيه لازم يكون جد جداً لأنك بتخرجي من الفرح كله بالصور والفيديو لأن اللي هيفضل معاكي طول العمر هو صور الزفاف وصور الفرح، والمفروض إنك تشوفي شغل المصور عشان تحددي الصور اللي عايزاها وبتحلمي بيها طول عمرك.
تاسعا :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
لازم تعملي شنطة صغيرة تحطي فيها أدوات تجميل بسيطة زى مثلاً بارفان وشراب وإبرة وخيط أبيض ومقص صغير ومانيكير وأسيتون وقطن ومزيل مكياج وكريم مرطب، احتياطي عشان ممكن تحتاجي لهم أثناء الفرح، وكمان ممكن تستفيدي بيهم بعد الفرح إن شاء الله.
فرحك من شخصيتك
لازم تعرفي شخصيتك نوعها إيه؟! قبل ما تتعاملي مع أي متخصص في المكياج أو في الشعر أو حتى في الفستان فمثلا فيه شخصيات كلاسيك وشخصيات مودرن شوفي أنت مين فيهم واعملي فرحك من شخصيتك.... هقولك إزاي:
الشخصية الكلاسيكية أو (الهادية)
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مكياجها
في الفرح لازم يكون هادئ، لأنها بطبيعتها مابتحطش مكياج كتير في الأيام العادية، وفي الفرح ألوان الآيشادو أو ظل الجفون لازم تكون ألوان فاتحة وبسيطة زي "الروز" و"الموف"و"البيج"،وكمان رسمة العين تكون رقيقة ومافيهاش أسود كتير يعني لون واحد فاتح على الجفن وماسكرا، وممكن لون فاتح جوه العين زي "الأخضر" أو "الأزرق" أو"الفضي"....
وألوان الروج لازم تكون هادية زي ألوان الآي شادو علشان تبقى متناسقة مع بعضها، وبيبقى عبارة عن ملمع فقط، وكل الألوان دي بتليق على البشرة الفاتحة والبشرة الخمرية.
فستانها
فبيكون بسيط جداً لونه "أوف وايت" أو "أبيض" بس تطريزه قليل قوي.. وطبعا لو محجبة بتلبس بادي تل سادة، وفيه تطريز على اللياقة والكم، أما الطرحة لو كانت دورين أو إسبانش برضه تطريزها قليل من الطرف بس البندانا بتكون تل سادة أو عليها تطريز خفيف زي الفستان...
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ولو غير محجبة تسريحة شعرها شينيون هادي، وممكن تحط وردة صغيرة على جنب أو تاج بسيط ألماظ والحلق على قد الودن لولي أو ألماظ...كمان العروسة الكلاسيك ممكن فرحها يبقى "أوبن إير" يعني خارجي بالنهار في فيلا أو جنينة أو حتى على حمام السباحة في فندق.
الشخصية المودرن أو (الشقية)
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
المكياج
في الفرح لازم يبقى جريء، لأن في الطبيعي بتاعها بتحط ميك آب واضح وكتير، وألوان الآيشادو يفضل إنها تكون غامقة زي "الأسود" و"البني" و"الموف البتنجاني"، وكمان رسمة العين "سموكي" أو "أسود مدخن" و"رموش تقيلة"... وألوان الروج فهي إما أن تكون "أحمر"، "فوِشيا"، أو "موف" وممكن جليتر على الآي شادو والروج...
الفستان
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
فبيكون مليان تطريز وأحجار وممكن كمان تحط ورد في الفستان زي "الموف" أو "الأخضر"، والطرحة مطرزة من الأطراف تطريز خفيف عشان الفستان فيه تطريز كتير والبندانا تكون تل مطرزة وممكن تاج ألماظ كبير عليها.. ولو غير محجبة ممكن تغير لون شعرها يبقى هاي لايت أصفر أو أحمر وتسريحتها تبقى مرفوعة وعليها إكسسوار ألماظ، والحلق يبقى كبير وبيلمع.. أما الفرح فبيكون في قاعة كبيرة في فندق أو في نادي كبير.
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وفي النهاية أحب أقول إن فيه عروسة ممكن تعمل فرح بسيط في البيت أو كتب كتاب في الجامع وبعدين عشاء في فندق للعائلتين فقط أو حتى ماتعملش فرح خالص، لكن بيبقى أهم حاجة عندها هي صور الزفاف عشان كده كل واحدة لازم تهتم بكل تفاصيل مظهرها في اليوم الجميل ده.
أتمني الموضوع يعجبكم لأني تعبت فيه جدااا
01-07-2009, 01:49 AM
العرض العادي
