يا قلبي لا تنتظرين لين تزيد روحي الحين اقل شي يعطونك مهدئات تسكن الام و يتاكدون ن مويه الجنين هي اللي انفكت او لا ..

لان لو هي ترى فيه خطورة عليه حرام تضيعين تعبك الشهرو اللي طافت على مشوار .

انت بس روحي و تطمني مو تروحين ولاده ,,,

لو يكتبولك تنويم علشان ترتاحين

روح والله بروحي خايفه

بس شو اسوي

المستشفي يلي كنت اراجع عنده خاص و رفضني لانه ماعندهم حضانه متطورة

والثاني يلي ناويه اولد فيه ما عندهم مكان فاضي في الحضانه في الوقت الحالي

والثالث خاص وموب موفرين حضانه للاطفال الخدج

والرابع الكل يتذمر من اخطائه و اساسا ما فيه حضانه

والخامس و هو اوسخ مستشفي + عنايتهم زفت * زفت + مكيفاتهم خربانه رحت عندهم نص يوم حسيت نفسي ذبابه من شده القرف ..

صعب اروح بوظبي بسبب بعد المسافه

يعني الوضع متأزم من كل النواحي

وان شاء الله البيبي ما عليه شر حركته ممتازه ولله الحمد ان شاء الله الصباح لو بقي الالم راح اروح المستشفي

الافرازات و الرطوبه راحت حاليا

مرااااحب يالغوالي ..

حبيبتي ( الحب اسمى عاطفه ) أنـا من أبوظبي وبولد في مستشفى الكورنيش ان شاء الله

ليش تاركه نفسج للحين على الأقل لازم تتطمنين ..

انتي وين ســاكنه ؟

أنا اعرف حريم ساكنات بدع زايد والمدينه ويراجعون ويولدون في بوظبي ..

انا بآخر السابع تقريباً نزلت عليه الأفرازات البنيه وكان الالم خفيف تقريباً بس في انقباضات وبيتوني يوم بالكورنيش وتطمنو وطمنوني عقب ما عطوني ابرتة توسعة الرئه بس ما عطوني شي يهدأ الانقباضات ومنعتني من الحركه وخفت الانقباضات شوي ..

ادري طولت عليج بس تذكرت كلام الدكتوره يوم قلتلها افرازات بنيه قالت مافي شي اسمه افرازات بنيه نحنا نسميه دم يعني انتبهي ولازم نشوفج بنفس الوقت اللي تكون فيه الافرازات موجوده ..

مدام انها انقطعت عنج الحين حاولي تراجعين اي عياده زينه واذا نزل عليج ماي فهذا خطر انتبهي يالغلا ..

يمكن تكون هاذي اول ولادة لج صح ؟؟

الله يسهلها علينا يارب ..

والنعم فيج وفي هل بو ظبي دنونه

والله كان خاطري اجرب مستشفي الكورنيش

بس للاسف انا من العين من منطقه بعديه ورا جبل حفيت ...>>> يعني بولد في السياره وانا بعدني ما وصلت المستشفي


ــــــــــــــــــ

رحت المستشفي صباح يوم الجمعه وتنومت عندهم اربع ايام ونص

اخذت فيهن مغذي (3 كيس ) و محلول يخفف الطلق (4كيس)

وللاسف الالم استمر فاعطوني مغذي حجم 1000 مل

والالم مستمر الجهاز يوصل ل 130 و التقلصات متباعده بس لما تجي تجي قويه وهذا يلي خوف الدكتوره

بعدها سحبو مني دم

وبعدين طلبوا مني اعدت فحص السكر ( مع اني سويته من قبل و كان اوكي )

واليوم كانوا راح يركبون لي مضاد حيوي في الورد ويبقوني عندهم للاسبوع الجاي

بس انا رفضت طلعت على مسؤوليتي

حسيتهم يلعبون عليا

والدكتوره كانت مرتبكه ما عارفه تشخص حالتي

حسيتهم يلعبون عليا فقررت اني اطلع

ياربي يفرج عليك و علينا

معلش حبيبتي انا سمعت من خالتي ام زوجي انه الطفل اللي يعذب امه بالحمل يطلع حبيب قلبها ههههههههههه

هونيها تهون عليك بالراحه و اذا زاد الحال ارجعيلهم ,,,
دندونه وش اخباااااااااارك ؟؟

لا يكون سويتيها

ان شاء الله كل تعب ما يضيع اجره عند رب العالمين
واهم شي التربيه الصالحه يلي ترضي الله ورسوله عليه الصلاه والسلام و الوالدين

تصدقين يا روح

وكثير من اهلي يحلموني اني حامل ببنوته حتي من قبل لا احمل مع اني ما بلغت احد عن جنس البيبي

كنت حلمانه اني جايبه بنوته خديجه قبل لا اعرف جنس البيبي
وكنت معاها في قسم الاطفال الخدج وكان اخر يوم لنا في الحضانه والدكتوره سمحتلي اخذها معاي ع البيت

سبحان الله يمكن تفسير الحلم اني راح اتعذب في حملها بس بالاخير راخذها معاي البيت

لانه كان خاااااااااااااااااطر ادش البيت وولدي في يدي لمات حملت المره الاولي بس للاسف والولد كان خديج واحتاج رعايه 3 اسابيع في الحضانه

يا قلبي هااااااااااااااااااااااااااانت خلاص و ربي يكتبلك الساعه الطيبه و تفرجين بيها بنت او لود كلهم من عند الله حلوين

البركه يا حبيبتي ما تدري وين تجي بالولد و الا البنت ,,

الله يهديهم و يصلحهم ...

هلا والله بحبيباتي الكروشــات ..

انا لـسه ما سويتها ياروح صــاااااااااااااامده ادعيلي ..

حي الله أهل العين دار الزين ..

والله يوم طولتي الغيبه قلت ما يندرى شو صار وياها !!

والحين دام عطوج كل هالجلكوز والمسكنات ان شاء الله يخف الوجع ..

حاولي ترتاحين ولا تمشين واذا ما خف لازم تردين لهم على الاقل علشان تتطمنين على البيبي ..

على فكره انتي صرتي بأي أسبوع ؟؟

روح يالغاليه اكتبيلي شي من وصفاتكم اللي تحمي الطلق والله زهقت هالآلام اللي تجي وتروح وتهد حيلي ..

شربت ( جرفه - ينسون - زعتر ) وآكل تمر بس الوجع ما يستمر واحسه مختلف عن عيالي ولا اعرف اوصفه والله ..

الله يهونها ياااااااااارب ..

اووووووووووووووووووف

تقوليلي صايرلي نفس الحال و كاني اول مرة احمل هههههههههههههههه

عليك بكوب الحليب عليه ملعقه قرفه و عسل و اشربيه و كثري المشي و قالو محلول الزعفران يفتح الرحم و قريت عن كف مريم و جبتها برضو تفتح الرحم بس يقولون ما تنشرب الا اذا فيه طلق و انا كل ماحسيت بشوي وجع شربت لاااااااعت نفسي ..

الرطب و الجماع هذي فعلا بعدها طلق لكن ما يستمر ,,,

و الدعااااااااااا قبل كل شوي ..

بعدين تدرين ليش نستعجل ؟؟

راح نولد راح نولد لاااااااااااااااااا مفر هههههههههههههههه

انت بس اجتهدي اقل شي يفتح الرحم شوي يساعدنا

السلام عليكم حبايبي ...

ياحليلكم يالغواالي ...

والله فيني فضوول ..ودخلت اسلم عليكم وادردش مع امهاات المستقبل فديتكم كلكم ..

ربي يسهل لكم ولآدتكم ويسهل عليكم ..

بشرووني بولادتكم ..<<علموني بنوتهـ او ولد ..