.: (((((( ديــــــــوانيه الحــــــوامــــــــل )))))) : .

روح و روح · 06-27-2009, 04:10 AM

سلااااااااااااااام يا حلوين

وينكم عسى ما شر

عاد الحين مع الاجازة الكل لاهي

بسبوسه 2009 · 06-27-2009, 01:10 PM

اقتباس:

المشاركة الأصلية كتبت بواسطة رزان حياتي

تصدقي اني دااائما اساله ليش ايراان

يلا نصيبه يدرس بأيراان وياااستي خلاص كملنا دراااسه شااارفنا على التخصص ان شاء الله

وبعدين تعاالي ليش اروح النجف وكربلاء

ما حرم الامام الرضا جنبي خطواات وانا هناك

.....

وبالفارسي ياستي انا نص بنص مو ميه الميه

,,

على مافهمت من كلامك واختيارك للاسم معك بنوووته صح؟

على فكره فيه واحده صار لها شهر من يوم ولدت راااحت صورت مرتين يقولوا لها بنت

ولما جات تولد جااابت ولد زي القمر مشاء الله عليه.

وانا بشهر السابع وللحين ماعرفت ايش معي ( قال ايش ؟!؟!وضعيته ما خلتهم يعرفوا وشوه )

رغم اني صورت مرتين ,, والله وقلبي يااكلني اكل لين اعرف ويش معي

وانا ويه باذن الله اروح اسوي سونار باخر هالشهر

يالله كويس بأيران

ولا افغانستان <== بدينا ندخل بالسياسه رحنا فيها ههههههههههههههه

ايه والله صادقه عندكم حرم الامام الرضا شئ ولا احلى ..

يحس نفسه الواحد يصلي بأيمان ..

بس اتصدقي ماعندي خلفيه عن ايران

الان حرم الامام الرضا وين بمدينة(( قم )) ولا ووووووين

وبعدين لاتنسي تدعيلي من هناك

بالنسبة لي

سوو لي مرتين كشف بالسونار ويقولون الاحتمال الاكبر انها بنت ولا ندري

ويمكن يكون ولد بس ماقدروا يكتشفوا ..

وبالنسبة لحالتك ترى عادي اتصير يمكن بتاعه مو باين خخخخ

وبكذا اتكون بنت ..

الاحتمالات وارده بس ياوخيتي اللي يجي من الله حياه الله ولد ولا بنت كلهم واحد

ألا يارزان متى زوجك بيخلص من الدراسه ؟؟!!

كم باقيله ؟؟ <=== ملقوفه كل شئ تسئل عنه ههههههههه

ملاك الكوون · 06-29-2009, 10:48 PM

مساء الخير على احلى كروشات

وحشتوني يالغوالي ووحشتني سواليفكم... كيفكم ان شاء الله ربي ييسر لكم ويسهل ولاداتكم

اكيد شكلي غلط معاكم ...هههههههههه

الحمد لله ولدت وجبت بنوته حلوه < طبيعي اقول كده > ... سميتها ريتال والحمد لله على كل حال دخت بعد الولاده من قلة النوم والسهر صايره مثل الخفاش اوقات تعدي علي 24 ساعه وانا صاحيه ناس تنام وناس تقوم

روح الله يعطيك ساعة السلامه ياااارب

الا تعالوا قولولي هي كل وحده تولد مانسمع لها صوت ليش.. لازم نفتح ديوانية لما بعد الحمل ايش رايكم

علشان نواسي بعض في افلام النونوات اللي ماتخلص مغص وامساك وانفلونزا وهم مايتلم

يالله اي استفسار انا حاضره الحين صرت خبره ماشاء الله علي

خخخخخخخخ

رزان حياتي · 06-30-2009, 01:24 AM

ملاك الكوون

هلا والف غلا

والف الف الف حمد لله ع السلامه ان شاء الله ريتال تتربى بعزكم وربي يحفظها لك

اكيد يالغاليه بنستفيد منك

بس اللحين انتي كيفك ؟ بعد الولاده وكم صار لك من يوم ولدتي ؟

ان شاء الله ريتال مو متعبتك

بنسبه للنوم هو بعدين بيتعدل مع الايام لا تشيلي هم

الحب اسمى عاطفة · 06-30-2009, 04:46 PM

الف مبرووووووووووك ملووووكه

يالله عقبالنا يارب

ملاك الكوون · 06-30-2009, 06:13 PM

رزان حياتي

الله يسلمك وعقبالك ان شاء الله تقومين بالسلامه

انا الحمد لله بخير وعافيه .. بس ياقلبي مأذيتني الكرش لحد دحين مادخلت بجد شكلها يوتر مع اني لي ولاده شهر ونص.. واللون الله المستعان قمة القرف

ههههههههههه

الحب اسمى عاطفه

الله يبارك فيك ويخليك

وان شاء الله تقومون بالسلامه وتصيرون خفافيش مثلي

الحب اسمى عاطفة · 07-01-2009, 09:54 AM

بنات وين روح وروح لا تكون ولدت خخخخخ

بنات عندي توسع 1 سم ومن نهايه الشهر السابع

هل هذا طبيعي والا ؟؟

روح و روح · 07-01-2009, 02:13 PM

انا هنااااااااااااااا لا تخافون ما سويتها هههههههههه

هلااااااااااااااااااااااااا ملوكتي اشلونك و الله نورت الديوانيه بوجودك ...

و الحمدلله على سلامتك يا دبه هههههههههههه و الا الحين نقول رشيقه

و لا تشيلين هم النووووووم يرجع يعتدل من حاله اما الكرش تاخذلها وقت شوي الا كني فاكرة انك والده قيصري ؟؟؟؟؟؟؟؟؟

عموما لو قيصري الحين ابدي شدي بطنك بالمشد الانودنيسي و كثري قشر ترى يشد البطن بسرررررررررررررعه ..

و تدرين و الله فكرة للي ولدو خلاص افتحيها انت يالله يا خبرة خخخخخ....

رزونه منورة يا قمر كيف الكروشه

عطوووووووووفه لا تخافين ما سويتها

لو ولدت بتجيكم القلب الحنون و تقولكم اني ولدت او انا اقولكم لا تخافون و راااااااااكم ورااااااااااكم هههههههههه

و بالنسبه للتوسع ترى يعد شي لا يذكر لا تخافين اهم شي لا ترهقين نفسك و ربي يتمملك على الف خير يا قلبي

دانه الامارات · 07-01-2009, 03:20 PM

مساء الفل على احلى كروشــات ..

اشحـالكم ؟ اتمنى تكونون بخير وعافيه

اهلين ملوكـه ألف الحمد لله ع السلامه وعقبالنا يااااارب ..

بالنسبه لي انا خلاااااااص تعبت وايد .. الثقل ذابحني التقلصات مستمره ووجع بالظهر واحيانا مغص بس بالليل والنهار متفاوت احيان يمر عادي واحيانا أتألم ..

طبعا ً الجو عندنا ما ينوصـف من الحر والرطوبه والمشكله اني مو قادره امشي مع انه صارلي اسبوع بالتاسع احس نفسي ينقطع بالحر ..

صرت امشي بغرفتي ساعه واقعد بس احس المشي برا البيت احسن ..

وبالنسبه للتوسع ( 1سم ) ترى هذا مثل ما قالت روح ما ينعد شي ولا تخافين بس ارتاحي ..

الله يسهلها علينا يارب ..

روح و روح · 07-01-2009, 03:28 PM

دانه الحين متى حددولك الولاده ؟؟

انت متى لان حتى انا لي اسبوع بالتاسع

لكن ما مشيت يادوب بالبيت و على شغل البيت و فعلا التقلصات متبعتي و اكثر شي الضغط على تحت يهد حيلي ثاني يوم ..

الا ما شفتي اذا الرحم مفتوح او لا ؟؟

اي و الله ذكريتين اسوي موعد عند الدكتورة ابو مشعل له كم يوم يقولي سوي موعد و انسى ههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

.: (((((( ** ديــــــــوانيه الحــــــوامــــــــل ** )))))) : .

أسرتي وطفلي