كل الزهاب اللي معي ذكرى من أصحاب الزهاب...
واللي بقالي من عذاب أشرف طريقي وأخبره...
لني تجنبت الغرق عديت من فوق السحاب...
لان أكثر أصحابي ورق ماشفت للطيبه ثمره...
واللهماحطيت بين الحسد والخوه هداب...
حتى غدو ربعي يحدوني على الضيق أكثره...
البارحة ثارت علي ارقاب وآوتني رقاب...
البارحة ياثقل دم البارحة يامحجرة...
أهب ياوجه الحسد شلون جمعهم وغاب...
كيف السنين اللي عطتني بعثرتهم بعثرة...
أثر المصايب ماتجيك إلا من الناس القراب...
وفي هالزمن حتى الخوي اللي تثق فيه احذره...
لابارك الله في رفيق تزعله كلمة عتاب...
ولاجمّعالله الرجال اللي تفرقهم مرة...
علمت نفسي كل ماسددت لليمنى رقاب...
ماصد وجهي عن طريق إلا ليا شفت غبرة...
الصاحب اللي مايجي من صحبته غير العذاب ...
نذر علي إلا ماهجرني والا أنا اللي بهجره...
من يفتح لفرقاي باب أفكلهعشرين باب...
وإذا خوي مايقدر خوتي ماأقدره...
إن روحوا أنا بري منهم ليوم الحساب..
وإن جرحوا قولولهم ماحركوا فيني شعره...
شفهم لهم حول السنه ولاخذوا مني جواب...
أحسن دوى للي يحاول يستفزك سحقه...
أنا جمعت أوراقهم فيكتاب وأغلقت الكتاب...