رابعــاً: فكرة زفـــة
في البداية كلمت العروس وأستاذنتها أني اعمل الزفة " كنت خايفة ماتوافق " بس الحمد لله وافقت وعلى طول كلمت محل لتجهيز الزفات وطلبت منه يجهز لي زفة بس يضيف لها في البداية مؤثرات ويخليها مرعبة شوي يعني صوت رياح قوي ودقات ساعة مررررة قوية ولما تنتهي المؤثرات يحط موسيقى إبهار يعني موسيقى ملفتة وقوية.. وبعدين الشعر باسم العروسين ثم الموسيقى اللي راح تمشي عليها العروس واخيرا أغاني لما توصل العروس.. وكان هذا الشريط

وبعدين جهزت فساتين البنات اللي راح يكونون في الزفة وكانت زي فساتين الأميرات يعني بيضاء طويلة مع أكاليل ورد على الرأس.. وكانوا 8 بنات

ولما بدأت الزفة أولاً انزفوا البنات على زفة عادية خاصة بالأطفال وكان لهم طبعاً ترتيب معين بحيث أنه 2 يوقفون في أول الممر وبعدين 2 عند الدرج اللي عند المنصة و2 يمين ويسار الكوشة واخيرا 2 وحدة كان معاها البخور والثانية كانت واقفة جنبها. ووقفوا قدام الكوشة شوي لين خلصت زفتهم. وكانت الإضاءة عليهم..
طبعاً كل وحدة من البنات كان معاها شي في يدها يعني شموع وورد وأعمدة المغانسيوم اللي تولع.

بعد ماانزفوا البنات وترتبوا طفت الإضاءة وصارت القاعة ظلام مررررة.. البنت اللي معاها البخور نزلت على طول والثانية عملت كأنها الأميرة النائمة يعني جبنا لها مخدة كبيرة مرة ولونها عنابي عشان تتناسب مع الديكور اللي كان أبيض وعنابي ونامت عليها فوق المنصة وبعدين ولعنا الكشاف ووجهناه على البنت اللي نايمة وشغلنا شريط الزفة طبعا في البداية كانت المؤثرات هادئة وبعدين بدأت تصير قوية وهنا قامت البنت وكأنها خايفة وصارت تدور على المنصة كأنها تبغى تهرب وهي تدور طريق تهرب منه تلقى شي في الأرض وكنا حاطين لها عصا سحرية في أعلاها نجمة والحلو فيها أنه كان فيها زر صغير في الأسفل يخلي النجمة تولع بأضاءة حمراء ولما البنت لقيت العصا صارت تتفرج فيها وبعدين ولعت النجمة " البنت ضغطت الزر " وصارت العصا تؤشر على الباب اللي بتطلع منه العروس, يعني كأنه العصا صارت تتحكم في البنت.

وبعدين فتح الباب اللي بتطلع منه العروس وبدأت الموسيقى القوية وكان جهاز البخار عند باب العروس وانفتح مع بداية الموسيقى بعدين طلت العروس على المعازيم ووقفت مكانها شوي لين خلص الشعر ثم مشت على الموسيقى الهادئة لين وصلت...