السلام عليكم ورحمة الله وبركاته
مرحبا بكم خواتي العزيزاتي
شفت هذي الطريقه في منتدى وعجبتني سهله وباين عليها لذيذه
أتمنى تعجبكم وماتكون مكرره
المقاير ::
الطبقه الأولى ::
راح نحتاج 3 فناجيل سكر ...
نحطهم بالمقلاة اللي ناوين نجهز الكيكه فيها ... وبعدين نقلب السكر ع النار لحد مايذوب ويصير لونه ذهبي
بس ديروا بالكم لاتحرقونه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وبعدين نتركه على جنب ونروح نجهز الطبقه الثانيه
الطبقه الثانيه ::
نحط علبة حليب نستله المكثف المحلى الكبيره مع علبة حليب كارنيشن (( بوقوس ينفع بعد )) و5 صفار بيضات
نحطهم في الخلاط واذا اختلطوا عدل نروح نصبهم ع السكر اللي سويناه
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
الطبقه الثالثه ::
نجيب خليط كيك ابيض جاهز (( العلالي او روبين هود أي شي )) ونحط معاهم بياض البيض (( مو احنا حطينا الصفار بالطبقه الثانيه ناخذ البياض ونحطه بهالطبقه ))) بعدين نحط معاهم ثلاثة ارباع كأس ماي وربع كاس زيت ونخلطهم
وبعدين نروح نصبهم ع الطبقتين اللي سويناهم ... بس ديروا بالكم لاتخلطونهم بالملعقه بس صبوهم فوقهم
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وأخيرا ::
نسوي للكيكه حمام مائي (( نجيب مقلاة اكبر من اللي بنستخدمها ونحط فيها شوية ماي ونحط مقلاة الكيكه داخله ))
بعدها ندخلها الفرن ونتركها مدة 45 دقيقه قد تحتاج اكثر احيانا .. والمفروض كل شوي نشوف الماي (( المفروض مايخلص ))
بعدها نطلعها ونقلبها بصحن التقديم .. وندخلها الثلاجه لحد ماتبرد
وهذا هو الشكل النهائي ::
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
إن شاء الله تعجبكم
04-21-2008, 08:30 AM
العرض العادي
