اللهم صل على محمد وعلى آله وصحبه أجمعين
السلام عليكم ورحمة الله وبركاته

لكل أنثى مقبله على الزواج أو توها متزوجه...
أبعطيك بعض النصائح العامه المجربه والمضمونه(من الوالده)
أولا- الرجال زي الطفل وفي بدايه حياته الزوجيه عاميليه مثل الطفل حني عليه دلعيه أعطيه الأشياء اللي تبغينه يسويها بس بطريقه غير املائيه..
ثانيا-أهتمي بأهله وخاصه أمه حتى لو انها مشكلجيه شوي قولي الله يخليها ويسعدها دنيا وآخره اللي أهدتني هالهديه الغاليه(اللي هي زوجك المصون)كذه تضربين عصفورين بحجر
ولا تنسين أعطيها هديا بالأعياد والمناسبات حتى لو كانت رمزيه(غرشه عطر مثلا)والله راح يستانس منك ويحبك أكثر..
ومن فتره والثانيه ذكريه بزيارته لأمه أو سوي أكله وقولي نروح نتغدى مع أمك -خصوصا اذا كانت كبيره بالسن-
ثالثا-أمدحيه عند أهله وعند أهلك بعد حتى ولو انه عمره ماقال لك ولا كلمه زينه اذا انه يقول لك بيزود في الجرعات واذا من النوع الثاني بيستحي على دمه وبيصير يهتم فيك..
(بعدين في شغله لاحظتها على حريم هاليومين -سخيفه ومولايقه أبد-اللي ماتحترم زوجها وترفع صوتها عليه بالشارع بالمطعم بالسوق كأنه جنبها ولا شي والله تفقد احترام الناس لها وتخدش كبريائه)
رابعا-بعد فتره من الزواج راح يبعدك عنك شوي مثلا يصير يطلع مع أصحابه بالليل ويتركك لوحدك..أو يزور أهله بعد مايطلع من عمله بدون ما يقول لك..أويجلس قدام التلفزيون ومايسأل عنك أو مافقدك انك منتي جالسه جنبه .... وقتها لاتزعلين وتقولين انه ملّ وماصار يحبني مثل قبل أيام الملكه وببدايه زواجنا ..لا وألف لا..لأن الرجل في بدايه علاقته بفتاة أحلامه يحاول يبرز لها حبه بأفضل ماعنده ويظهر مشاعره بوضوح..لكن بعد فتره يحس انه محتاج يرجع لعالمه الرجولي (ماقلتلك انه في بدايه حياته مثل الطفل)هذا مو معناته انه ماصار يحبها أولايرغب بها .........لا كل مافي السالفه إنه محتاج يبعد شوي عشان يشحن مشاعره من جديد .. انتي خلّيه في الحاله هاذي ..وصدقيني راح يرجع أحسن من أولويحبك أكثر ..أما اذا تضايقتي وزعلتي-وهذا أكبر غلط تسوينه- راح يكبت ألمه بداخله ويبقى صامت ولا يعبر عن حبه من جديد (هذي طبيعه معروفه لكل رجال العالم ...)
خامسا-
إذا رجع من العمل - طبعا بتكونين عارفه وقت رجعته -خلصي الأكل والبسي وانتظريه عند الباب اذا دخل أقلها بوسه أو ضمه صغيرونه تشيل عنه كل همومه وبتلاحظين أثرها.. ممكن في بعض الأحيان يرجع متضايق أو مشغول من العمل وباين عليه...خلّيه لحاله ولاتقولين وش فيك؟؟وليه متضايق ؟؟(بطريقه مباشره)
لا ..حاولي تخرجينه من الحله اللي هو فيها بطريقه غييييير مباشره .. مثلا جهزي له الحمام اذاطلع عطيه عصير ليمون يروّق بعدين بينام واذا قام بيكون مبسوط وبينسى اللي فيه وماراح ينسى لك اللي سويتيه
وترى الرجال مايحب أحد يقول له وش فيك وليه متضايق بطريقه مباشره عكس المرأهاذا كانت متضايقه أو فيها شي تبغى أحد يسألها وش فيك ويحاول يهديها
واذارجع يوم وهو متنرفز وصرخ عليك وهاوش لا تردين عليه خلّيه يطلع اللي بداخله لأن ماعنده أحد غيرك واذا خلص وروّق والله بيرجع يعتذر ويتسامح منك
سادسا-اذا مرض -بعيد الشر عنكم-حاولي تهتمين فيه بأكبر قدر ممكن لأن الجنس هذا يموت وأحد يدلعه وهو مريض بعدين مسكين مايدّلع الا اذا كان مريض فاأعطيه الفرصه
اذا كان انفلونزا مثلا..وفري له المكان الدافيء والهادي وسوّي له عصير برتقال وليمون (طازج مو من السوبر ماركت أو أقرب بقاله)ماراح تكلفك شي وفي نفس الوقت أثرها كبييروشربيه معليه اتحملي دلعه يومين ثلاثه أسبوع بالسنه لا تنسين انه متحمّل دلعك طول السنه ... من ساعه للثانيه حطي يدك على راسه شوفي مسخّن ولا لا وبللي فوطه صغيرونه وحطيها على راسه .. عطيه دواه بالوقت المحدد بيدّك طبعا مو ترمينه عليه وتروحين..اذا كان عندك أطفال حاولي تلّهينهم عن أبوهم ختى لو تضطرين تدخلين مجلس الرجال أو مجلس الحريم (وخلّوه فوق تحت)
المهم يومين ثلاثه أسبوع اذا حسيتي انه شفي وباقي يدّلع في الوقت هذا.....قولي هي ماني أمك قوم قوم

للامانة منقول ارجو الاستفادة لكم جميعا

موضوووع رائع


يسلمووو خيتو


الله يعطيك الف عافيه ..