اهلين بصراحه اشتقتلك
بشري مافيه عريس يدق الباب
ترى لو تنخطبين وما تعزميني رح افقع وجهك
خاصه ان زواجي بعد اسبوعين وبجيكم من الشرقيه للرياض وتشرفني صداقتك يا عسل
ولو اجي والاقيك بعد تهلوسين ترى رح اكفخك تكفيخ
معليش انا عنيفه شوي والله يعين اللي بياخذني
المهم انا عندي حل مضمون لهلوستك اللي علاجها (عريس) محترم نفسه طبعا
هو مو حل باضبط هو علاج مضمون 100%
ومستخدم من حوالي 100,000سنه وماله اي اعراض جانبيه
بس يبغاله صبر طوييييييل
والوصفه هي:

1-قليل من التفائل
2-كميه كبيره من الصبر
3- قيام الليل والصلاه وقراءه القرآن في الفجر
4- الثقه الكبيره بالله وانه هو الوحيد الذي سوف يعطيك اللي في بالك
5-ولا تشتكين من حالتك كثييير لأن هذا امر الله ويمكن يكون أحسن لك واريح من الزواج
6- اذا انتي بنفسك تحسين ان شكلك مشكله كيييف رح تكون نظره الناس لك00000000000000؟
بل على العكس افتخري بنفسك وقولي هذا امر ربي واللي مو عاجبه يضرب راسه في أقرب جدار له
وقولي ماني ميته على الزواج وانا قاعده في بيت اهلي معززه مكرمه وما ينقصني شيء يا معفنين يا رجال

ادعيلي ان ربي يوفقني في زواجي لأن الزواج مسؤليه كبيييييييره مره
بالتوفيق

أناأنا شعري أسود وعيوني سودة وبيضاء عادية وطويلة وزي مايقولولي حلوة بس إلى الأن أنا ماتزوجت وعمري 28 أختي ترى المسألة مسألة وقت والحين الكل قاعد يصبغ شعرة أشقر حتى ذوي البشرة السمراء وإذا تبغي حل أصبغي جسمك وشعرك وحواجبك راح تطلعي جميلة لاكن تأكدي الجمال جمال الروح والله إني أعرف بشعات جدا وربي متزوجات يعني المسألة ماهي مسألة جمال وأتوقع إنك حلوة من جوة ومن برة

والله يا خوات اختنا ميرهانا111 شكلها واتوقع تزوجت لان مو عويدها الغيبه هذي كلها
الله يوفقك يالغاليه وانشاءالله تبشرينا قريب

اهلين ميرهانا صدقيني اهى مسأله نصيب مو اكثر ........وبعدين في كثير بنات تعدوا عمرك بكثير واخطبوا ............... اهم شيء انك تكثرين من الاسغفار ... ويا رب اليوم بابكم يدق...

مب مشكلة هاي ناس خوال ما زعلو مثلك ، الكل يحب البياض بالانثى ، بالنسبة للشعر ممكن تصبغينه و بس

قال تعالى: (( يا أيها الذين آمنوا لا يسخر قوم من قوم عسى أن يكونوا خيرا منهم ,ولا نساء من نساء عسى ان يكن خيرا منهن , ولا تلمزوا أنفسكم , و لا تنابزوا بالألقاب , بئس الاسم الفسوق بعد الإيمان))

. والرسول صلى الله عليه وسلم

يقول : ( لا فرق بين عربي ولا عجمي الا بالتقوى )


استغفري الله كثيرا و احمديه على نعمة الصحة و العافية و حسن الخلقة
بالنسبة للزواج كل واحد بياخد نصيبه

الفجر البعيد

اتمنى اني اباالغ من حساسيتي عن نفسي ادري ان الشقار حلو ماكرهت شكلي بالعكس فرحانه فيه
بس ايش تغيدني فرحتي
بس ياحليلك خطابة من الدرجة الاولى هههههههههههههه
لا انشاءالله مارح اوصل مواصيل الخطابات الله مثل مااخذ مني لون شعري ونظري مدري كاني قايلتلكم
انو نظري ضعيف بس المهم مثل مااخد مني بيعطيني ويرضيني

.................................................. .................................................

دبشية ياعسووووووووله

الله يسلمك ويطول عمرك يارب انا بخير الحمدلله الله لايضيعلك آجر

.................................................. .................................................. .

غلا بني كعب

صادقة انتي الله يغنيني عن الناس ولايحيجني لهم مالي غير ربي حبيبي
يارب ترزقني وتوفقني وبنات المسلمين آمين

.................................................. ...................

ريموووف

الله يسعدك ويوفقك الحمدلله متوكلة على الله ومشكوووورة على اهتمامك صدقيني لو بحتاج شي
مارح اطلب اللا مننننننك
وآآآآآآآآآآآآآآمين على الدعوة الحلوة

.................................................. ..................

فش فاش

لا محد دق الباب لسى
حتى ولله اشتقتلك ولكل البنات اللي ردو على موضوعي
يازين وصفتك انا تقريبا مطبقتها بس تقولين قولي لنفسك انا مو مهتمه للزواج
آجل ليه بتتزوجين انتي!!!!!!!!!!!!!!
لاتزعلين اضحك معاك من باب الميانة
يارب يافش فوشا زوجك مايشوف حبيبة بالدنيا ولايرتاح اللا معاك وانتي كمان
آآآآآآآآآآآآآآآآآآآآآآآآآآآآآآآآآآمين

على فكرة انا اقول ليه الرياض منورة شرفتي بيتك ومطرك ياضنايا
.................................................. .....................................
هدى 1401

كل كلمة قلتيها صح انا معاك فيه ناس مايهمهم الشكل
فيه ناس اعرفهم كانو يخطبون اذكر يقولون مايهمنا شكل البنت وكانو صادقين

تصدقين ياهدى في حاجة صارت قبل اسبوع
ولد خالتي متزوج وعنده اخت من ابوه كبري فيه واحد من قرايبهم
عايش فـ استراليا قال لولد خالتي دورلي من السعوديات اللي حولك قال لأخته
ورفضت ماتبغى تعيش برا الرياض وبعيد عن امها المهم
انا ساكنه معاهم بالرياض مو بس كذا وبنفس الشارع واشوفهم كل اسبوع قال لخالتي
اتصلي على خالتي فلانه واعرضي عليها الموضوع وبنتها كمان بنفس عمري وساكنة بجدة يعني يابعدها عنهم
بس ماوافقت لانها انخطبت قبل بيومين
شوفي آنا قدام عيونهم ولا خطر على بالهم يكلموني واكيد زوجته اللي رشحت له بنت خالتي لان الرجال مايعرفون بهالامورمين تصلح ومين لا

صرت من الحرة اقول لنفسي الله يغنيني عنهم وعن ذكرهم

.................................................. .....................................
الوان بريئة

الله يوفقك ويعطيك كل اللي تتمنين معك حق مالي غير الله سبحانة
.................................................. ................

حورية 7

ربي يسعدك يالغالية فرحتيني بردك




سبحانك ما احلمك وبحالي ما اعلمك وعلى تفريج همي ما اقدرك انت ثقتي ورجائي فاْجعل حسن ظني فيك جزائي))

هلااااا ميرهانااااااا

والله لك وحشه حبيبتي

كيف أمورك إن شاء الله تمام

شووووفي لاعاد تغيبي علينا .....ودنا تبقي معانا

ياااحبيبتي أنبسطي وعيشي حياتك ولاتشيلي هم شي

كل شي مقدرومكتوب ووقت يجي النصيب يجيكي لحدك

تصدقي

أنا أبوي وأبوزوجي كانوا أصدقاء في المدرسه**مدرسين مو طلاب**

وكل يوم كان أبوزوجي يقول للمدرسين ياجماعه ماني لاقي عروس لولدي

وبابا كان يدور معاه

تخيلي!!!

المهم مره دله على ناس يعرفهم الله يستر عليهم

وراح زوجي *قبل لا يخطبني طبعاً*لأنه لو يسويها وهو زوجي كان زطييييته من زمان*شريره*
خخخخخخ
أضحكي يسلم لي عمرك

المهم راح وخطب البنت وعجبته وحددوا موعد للملكه

المهم لأنه نصيبي ماتمت الملكه

جات منه وقال ما أبغى البنت لأنه أختلف مع أبوها وكان أبوها شوي شديد

المهم سلمك الله****هذي قصة حياتها بتسدحها هنا****

خخخخخخ

المهم بعدها بفتره .... كان بابا وأبوزوجي وخالي معزومين في مناسبه

قام بابا بعد العشاء يغسل يده

وأبو زوجي ياااااعيني يشكي كالعاده**مااااني لاقي عروس لولدي**

خالي قال له...

طيب فلان**اللي هو بابا** عنده بنت

أبو زوجي نط من مكانه وراح ورا بابا قال تعال يافلان عندك بنت وساكت الفتره اللي فاتت ومدوخني!!!!

بابا قال له والله كل شي نصيب

المهم بعدها بيوم واحد بس أتصلت أم زوجي ووحده ثانيه يخطبوني في نفس اليوم!!!!

شايفه

النصيب لما يكتبه رب العالمين يجي وينفتح له كل باب سبحان الله

آآآآسفه طولت عليكي بس عشان خاطري حبيبتي لا تشيلي هم

والله بعدك صغيره

قسماً بالله هذاك اليوم أعرف وحده تزوجت وعمرها أكثر من أربعين سنه

ياااحبي إن شاء الله قولي آآآآآمين

وكل اللي تقرا ردي سألتها بالله تقول آآآمين

ماتنطوي هذي السنه على خير إن شاء الله إلا وإنتي مخطوبه وكل البنات

ربي يرزقكم ويسخر لكم بالرجال الصالحين اللي يخافوا الله فيكم ويسعدكم ويعطيكي لحد مايرضيكم

اللهم آمين ... اللهم آمين... اللهم آآآمين

طولت عليكي حبيبتي....سامحيني

في أمان الله

أختك......
حنوووووونه