السلام عليكم انا عضوة جديدة
ارجو منكم مساعدتي ارجوكم
انا انسانة متزوجة من تلات
سنوات وعندي ولدين
والحمدلله
انا ما احب الكلام او اني اكتم الشي في نفسي وما احب اتكلم عن شي
الا في حالة احد فتح
معايا موضوع ممكن ارد بس كلمة ورد غطاها
زوجي مثلي نفس الشي
وطبعا نجلس انا وهو على التي في
من غير احد يفتح فمو بكلمة
الا اذا طلب مني شي
انا حاولت اتكلم معاه
حاولت اسالو عن الشي الي يشغل بالو
بس دايما يقول مافي شي ........... مافي شي
واناىحاسة انو عندو اشياء مو شي
بس مايبا يقول
مرة فتح معايا الموضوع واتهمني اني انا الي ما اهرج ودايما ساكتة
رغم اني اتكلم اكتر منو
انا ما ابا اعد عدد المرات الي اتكلمت فيها
بس هو يجبرني علةى كدة
والشي الي يقهرني فيه انو يسوي اشياء من ورايا
بعدين بعد ما تبرد الهرجة يجي يقول انو صار كدة وكدة
واصير انا آ خر من يعلم في الدنيا
احيانا اسمع من امو انو في حكاية صارت
ولها تقريبا شهر ولا الاتنين وانا ماادري
ولما اقولو كدة يقول انو مو لازم اعرف كل شي يفكر فيه
ويبا يعرف انا اش اسوي وكل صغيرة وكبيرة
طبعا هنا يدخل العناد
انا اعاند وما اقول ولا شي بس انا ما اقدر
اقول مهما كان هدا
زوجي ولازم يعرفبلي صار
صار يعاتبني كتير
وانا احسو غامض ومو مفهوم
حاولت اتقرب منو لكن هو يهرب مني
قولولي الله يجزاكم خير
اش اسوي معاه

ياحياتي يامقهوره الله يبعد القهر عني وعنك

بصراحه انا لس بنت ماتزوجت بس بعطيك رايي

واللي يده بالماي مو مثل اللي يده بالنار ممكن لو انا مكانك ابكي وانفجر عليه

لكن حاولي تتقربين منه كثييير وتقولين له كلام حلو وتهتمين فيه كثير وتسوين نفسك خايفه عليه

وانك تهتمي فيه وانو اذا شفتيه متضايق يضيق صدرك وحاولي تدعينله وهو يسمعك ولا تسألينه
عن اي شي سواه انتي قولي كل اللي عندك ولاتترجينه وتطلبينه يعلمك وش عنده
تعرفين الرجال اذا شافك وراه طنشك لو انو يمووووووت فيك

واتمنى اذا تحسنت حالتك تطمنيني

استمري اسبوعين

معليش تحملي
الله يصبرك
ويسخرلك زوجك ياااااااااارب
انتظرك

اختك
ملاك الروح

بصراحه انتي السبب

حاولي تكلميه انتي دايما عن مشاكلكوعن مشاكل اولادك وتفتحي معه صفحه للحوار واعتبريه درس خصوصي اسئله واجوبه واكيد بعد فتره يتجاوب معك وحيحكيلك علي كل صغيره وكبيره

اختك حيرانه 1

انا اشكركم جدا على تواصلكم معيايا
واختي حيرانة يمكن يكون معاكي حق
والله المعين

اختي وحبيبتي

اتمنى انك تسمعي كلامي اللي بقوله لك

شوفي حبيبتي ما فيه احد بالدنيا ما ويبغى يفضفض ويأخذ شور احد خاصه اذا كانت قريبه منو زي زوجته او امه او صديقه


لكن يبقى نتعلم كيف يحتاج اننا نتعامل معه وانت وشطارتك

لا تقولين قولي ايش اللي مضايقك صريحه كذا

لا لا لاااااا اخذري


حاولي انك تعطينه كلام

يخليه يتكلم و يتكلم

عاد انت تاعرفي زوجك ايش يحب او ايش يكره


اتمنى اني قدرت اساعدك

الله يحفظك

مشكورة حبيبتي على النصيحة
انا راح احطها في القائمة
والله الموفق انشا الله

تسلمي حبيبتي كلامك
يرد الروح اله يخليكي لاهلك
انشا الله
والله يعيني انشا الله
انا احاول اسوي كل الي قلتو
والله اني اسوي المستحيل
والله المعين

اشكر كل من قام بنصيحتي انا
والحمدلله حالي صارت احسن بكتير
هدا بفضل الله ثم فضل نصائحكم
وملاك الروح ابشرك
كل شي تمام والحمدلله
شكررررررررررررررررررررررررررررررررررا