أنا تخرجة من الثانوية العامة عام1426يعني العام ،وبمعدل واطي لضروف خاصة
ودخلت في الجامعة بلمال ((6000))وسنة يقاللها السنة التأهيلية تدرسي سنة بلمال
ثم تصبحي منتضمة .

وهذة السنة يوجد فيها ثلاث أقسام :
1/ الجغرافية.
2/خدمة إجتماعية.
3/ إنجليزي .
وأنا أريد خدمة إجتماعية، ووالدي يريد إنجليزي بحكم أن وضائفه كثير
وأنا حائر أفيدوني جزاكم الله خيرا. مع العلم أنني لا أحب الإنجليزي ووالدي
قد أدخلني عدة دوراة.



وشكرا

السلام عليكم

جزاك الله ألف خير على هذا الرد إلي يريح البال
ولاكن إنتي مافهمتين إذا لاقدر الله وجبة معدل واطي في الجامعة مدري وش راح يسير
في راح يضحك الأعداء والحساد ومدي وش حيكون حالي ((لاقدر الله)) وأبوي دافع كل
هذي الفلوس.........؟ ((الله لا يشمة في أعدئي وجميع المسلمين))


وشكرا........................

السلام عليكم

صحيح ان الأنجليزي له مستقبل لاكن أنه صعب أنا بنت خالي دخلت الأنجليزي مع أنها تحب الأنجليزي ودخلته برغبتها لاكن عانت منه تقول أنه صعب وفعلن أنا شفت محاظراتها بس وش مجلدات كانت تلخص منهن...........

أختي الحزينه عليك بالاستخارة...
والله يوفقك بالتخصص اللي تدخلينه..

اهم شيئ انك تدرسين شي انت تحبينه لان طبيعي اذا حبيتي مجال راح تيبين ان شاء الله درجات عاليه فيه وتبدعين فيه بعدين حتى لو درستي شيئ ما تحبينه مب اكد بتحصلين وظيفه اما اذا قدر الله ما حصلتي وظيفه ممكن تقدمين دوراة وتنفعين مجتمعك ونفسك واجرك ان شاء الله عظيم .....اهم شيئ اخلصي النيه و احتسبي الاجر ............وفقكي الله لما يحب ويرضى.

السلام عليكم
جزاكم الله ألف ألف خير على هذة الردود إلي تريح البال والخاطر0

أدعولي في كل صلاة إن الله يوفقني ولا يخيب رجاء ولا رجاك

وشكرا

عزيزتي خذي النصحية مني ان تعلم اللغة الانجليزية في الوقت الراهن اهم من اي مادة تاخذينها في الجامعة ولكن اذا نظرتي للمستقبل سوف تجدين الكل والاهم في التعامل باللغة الانجليزية اما من ناحية المادة التي انتي تحبينها تستطيعين دراسستها وقراته كتب عنها ....بحكم الخبرة انصحك ان تدرسي اللغة الانجليزية افضل لك مستقبلا ....والله ولى التوفيق.

انا بايد الانجليزى
بصراحه احس انه صار مهم بحياتنا
الله يوفقك لكل مافيه خير لكى

كيف حالك حبيبتي امل انك وصلتي لين قرار,بغيت أقولك ان اللغه الانجليزيه صعبه كتخصص ما ادري عنكم في السعوديه اذا هي اسهل من الامارات لان نحن في الامارات لازم ندرس اول سنة لغة انجليزيه قبل لا ندرس اي مجال ونطلع مخلصين وعارفين الانجليزي في السنه الاولى زين مازين وبعدين ندش اي تخصص ,حبيت اقولك انك اذا حابه اللغه الانجليزية وعندك القدره والرغبة والحفظ ,اي ان تعرفين قدراتك وانا انصحك انك تاخذين ورقه وقلم وتكتبين قدراتك لانك اعلم الناس فيها او الناس الاقرب اليك بيعرفونها وتكتبين كل تخصص شو يحتاج من مهارات وتشوفين اي واحد اقرب اليك كذا راح تظمنين اختيار صحيح ودرجات اعلى ....... مثال: انتي تحبين لغات جديده وعندك القدرة على حفظها واسترجاعها ........وبتالي ممكن تتعلمين لغة انجليزية .