والله ما اقدر يا اختي اني امسك اعصابي

صحيح حلو ان الزوج يغار على زوجته بس موب لهذي الدرجه

والله لو بيده يحطني في جيبه عشان ماحد يشوفني غيره

سويت يل قلتيلي عليه اختي بس والله الواحد يزهق

طلعه ما اطلع بسبب هذي الغيره

حتي من قعدتي على الكمبيوتر يغار ..

عندج اذا كنت اطالع برنامج فيه رجال يجي يمسك الرموت ويغير القناه ويقولي روحي خلصي شغلج حتي ولو كنت فاضيه ما عندي شغل


بس انا ااحين ما عارفه هذي الغيرة من حب والا من عدم ثقه


بس ادعولي الله يهديه

والله حاسة فيك مثلي بالضبط
مواقف عن مواقف تفرق انتي قولي موقف واحد يغار منه زوجك
بس صدقيني من انه مش واثق فيك
كل مافيه السالفه انه يغار عليك ويحس انه انتي ملكة مو ملك احد ثاني
ولازم تصبرين او ما تخبريه بالي شي يحصلك تحسي انه يغار منه
وذا صار معك موقف وغار وتنرفزتي حطي في بالك انه يغار عشانه يحبك زيادة حبتين
وراح على طول تسيرين

شكرا عالفكره الرائعه اختي واتمنى ان الكل يستفيد جزاك الله الف خير

شوق حبيبتي بصراحه ماني عارفه وش اقول لاني ماعندي اي تجربه
والا من عيوني بس لولقيتلك حل ماحاقصر
وربي يهديه ويصلحه بس حاولي انك تتناقشين معه والله يوفقك

الف شكر همس الغلا على النصيحه


حبيبتي والله حاولت معاه بكل الطرق

نزلتله دمعتين >>>>>>>> الا شلالل دموع وانتي الصادقه

حاولت اتفاهم معاه

زعلت منه عشان يحس >>>>>> وجبت لنفسي المشاكل ووجع الراس


تكفون محد مر بنفس الازمه تكفون هذي اول مره اكتب لكم مشكله وابيكم تساعدوني فيها

اسمعي اختي مافي احد في الدنيا هذه سعيد اصبري واحتسبي الاجر عند الله وحاولي تنسي الموضوع لنك بس لوتفكري بتتعبي وحطي في بالك انه مافي احد كامل والكمال لله والله يعطيكي الصبر ويعطينا

والله صدقتي يا اختي


بس الا نسان يحاول يغير حياته للاحسن اذا كان في امكان لتغييرها

فيه الاحسن يا عيوني


جربي معاه نفس أسلوبه طلعي غيرتك انتى بعد سواء من التلفزيون ولا حتى من التلفون

خليه يحس باللي انتى تحسين فيه حسسه بغيرتك بس عااد مو حيل لا تقلب نكد بعدين

وبعدين لو كنتى براى البيت حاولي يكون أكثر عينك يا بلأرض يا عليه

وإذا على التلفزيون حاولي تنشغلين بشئ إذا جاء رجال على الشاشه ولا غيري أنتى أسبقيه

وبعدين ترى الغيره حلوه وصح لازم تكون بحدود بس وربي حلوه

وسامحوني على اللقافه

والله يهدي النفوس يا رب

الف شكر لج اختي الرمانه

باذن الله راح اجرب معاه هذي الطريقه


وبالنسبه لبرى البيت انا من قبل ما اتزوجل ما ارفع عيوني من الارض لين ما اوصل البيت

وراح اجرب الخطه واذا نجحت بعطيج حلاوه بقر >>>>>> اتفقنا

السلام عليكم ورحمه الله وبركاته

اختي الغاليه عندي مشكله ويا ليت تساعدني فيهااا

مدري كيف ابدي

المهم انا كنت ادش على الشات من وري زوجي وهو لو دري مستحيل يسكت عن الموضوع خصوصا انه غيور لدرجه تجنن وتعيف الواحد عيشته

دخلت الشات فتره وبعدين قطعته بسبب الحمل لاني تعبت وايد في حملتي الاولي

ومرت سنه ونسيت موضوع الشات نهائي وبسبب غيرت زوجي و تعصبه الشديد

رجعت الشات مره ثانيه بس والله انا ادخل على الشات اسولف عادي يعني ما اقعد اتميع في الكلام حتي كانوا يشكون يلي في الشات اني واحد موب وحده

تعرف على واحد في الشات ويعني ارتحتله وارتاحلي وكنا نسولف دوووم ومرة الايام وطلب ايميلي واعطيته اياه ...

هو يعرف اني متزوجه وان عندي ولد ..

وتطورت الحاله واعطاني رقمه عشان اكلم اخته

وبالفعل اتصلت وكلمت اخته بالاصح خواته وامه بعد تعرفني

زوجي عرف اني اتصلت لانه شاف رقم جديد في الجوال وقلته هذي صديقتي اعرفها من زمان بس ما كنت اتصل عليها واخذت رقمها الحين وقمت اكلمها

المهم ان الرقم رقم الشخص يلي تعرفت عليه ماهو برقم اخته هو يرد على اذا كانت اخته موب جنبه ويقولي بس ارجع البيت اخليها تتصل عليج

انا قلته لا يرد على حتي ولو كانت اخته موب جنبه وهو قالي ان شاء الله وانا واثقه انه ما راح يرد لانه والله عادين بعض مثل الاخوان

واحسهم مثل هلى هو وخواته

انا ندمانه ومدري كيف تصرفت ذا التصرف ومدري كيف سمحت لنفسي اني اسوي كذا

احسني خنت زوجي مع ان والله ما غلطت معاه في الكلام حتي ما يناديني غير اختي

انا الشات تركته ولله الحمد ومع هذا احسني خنت زوجي

مقدر اصارحه واقوله لانه نهايتي بتكون المقبرة >>> نحن من عايله منشدده لدرجه لا تطاق

انا مشكلتي مع زوجي غيرته يلي لاتطاق

يغار حتي من الهوي

والله ان لا اطلع ولا ارووح حتي صديقاتي ما يخليني ازورهم اذا بطلع اروح بيت اهلي

الحين انا ودي انسي رقم الشخص يلي تعرفت عليه وهو قالي اذا ودك امسح الرقم الحين ونسي انك عرفتيني

هو ما يكلمني غير في المسن >>> وهذي بسيطه بغير ايميلي

بس بالنسبه للتلفون انا ما اقدر استغني عن اخته وخواته وامه والله حسيتهم مثل هلي >>>> مع العلم ان اهلي قليل ما يسالون عني

يعني انا الحين تعبانه والله زوجي ما سال عني كثر ما سالت اخته ذاك الشخص عني عني

انا كان ودي اشكي مشكلتي او اريح بالي واقول يلي بخاطري لاحد لاني مجنونه اذا حطيت بخاطري لابد بسوي شي بنفسي >>>> امسك حبوب البندول وابلغ اربع حبات مع بعض

اتمني انج تشورين على باللي تشوفينه صح والله اني ارتحت لكم وعديتج مثل اخواتي


اختج

شوق