السلام عليكم اخواتي وكل من يقرأ موضوعيانا فتاة ابلغ من العمر 24 سنة عشت في السعودية عمر طويل والحين لي سنيتين في لندن وقصتي بدأت في لندن طلعنا كلنا للندن عام 2004مع الأهل ومع خالي وعياله وعشنا في بيت واحد 4شهور بعدها صارحني ابن خالي عن حبه وانه كان يحبني من يوم انا صغيرة المهم مع الأيام قال انه قد تقدم وطلبني من امي وهذا الكلام قبل لانطلع للندن وانا ما كان عندي خبر ولا امي جابتلي سيرة وللعلم انه اصغر مني في العمر عشنا آحلى قصة حب وخططنا سوى للمستقبل والكل صار يعرف اننا لبعض وقبل رمضان سافر الوالد مع الوالدة للسعودية تقدملي واحد من الأهل اتصل الوالد وخبرني وطبعا انا رديت بلا الوالد قال الموضوع بيدك والقرار قرارك وانا ماجبت لأحد سيرة بالموضوع لا لأخواته ولا لأحد راحت الوالدة اتصلت لخالي على اساس تخبره بالموضوع الكل تفأجاه بالموضوع ورد خالي وقال اللي فية الخير ربي يكتبلها وفي اليوم الثاني قابلت بنت خالي ندرس انا وهي في كلية وحدة قالتلي ايش هذا الكلام اللي نسمعة وليش يعني امك ما كانت تعرف ان اخوي كان يبغاكي وطلبك قبل قلتله انا عن نفسي ماني راضية ولا راح أقبل غير احمد والمشكلة دخلت بين الاهل والمشكلة كبرت والمشكلة الثانية واللي نسيت اخبركم هو ان اخوي الصغير برضو يحب بنت خالي اخت احمد وهنا مربط الفرس قالو يعني انتو رفضتوا ابننا تبغونا نعطيكم بنتنا خالي كان حاير بس زوجته الله يهديها مرة متكبرة وما تعامل الناس زين عارضت وصارت مشاكل ووصلنا للقطيعة من بعد ماكنا مع بعض لدرجة ما تتصور والوالد كان مصر على الولد ويقول انه زين وولد ناس والوالد مرة زعل عشان ماكان عند خبر بموضوع احمد ابدا قال انتي مو مقطوعة من شجرة لو كان احمد صدق شاريكي ليش ماكلمني خالك وصار الموضوع بين الرجاجيل وبعدين قال ان الوالد لسة يدرس قلتله ومين قال اننا راح نتزوج الحين بس المهم يكون حاجزك ومعطيني خبر وانا خلاص صرت يائسة ومتحطمة واللي حولي يقولو انه ما ينفعني وان امه مو بزينة ومرت الأيام وبعدها حسيت ان احمد ما حارب عشاني ولاضحى بشي المهم الوالد رد لهم خبر وقال انه اوكي وبعدها طلبت صورته وشفت المهم ماحسيت اني موافقة علية بقناعة مني وحددا موعد الملكة وطبعا هم اهلة في السعودية سافرنا سوى للسعودية انا وامي وابوي مع اختي الصغيرة بس على اساس ان البقية راح ينزلو وقت الفرح ونزلنا السعودية قعدنا اسبوعين سوينا الملكة ورجعنا الحين زوجي يبغى يدخل لندن ونعيش سوى بس الشي اللي محيرني ومتعبني هو لي يومين تعبانة افكر في احمد حبيبي الشي اللي مش قادرة انساه وانا عارفة انة ما نساني بس لين متى يفكر بشي مو ملكه انا محتاجته واحس ان حبه كبر في قلبي مع اني حاولت كثير لان ضميري ما يسمحلي اني اعيش مع انسان و قلبي وعقلي مع شخص ثاني اللي يحرق في الموضوع اسباب تافهة خلتنا نبعد عن بعض وكل واحد يروح في طريق والحين قاعدة افكر اني انسحب ولا ادخل معاه حياة جديدة لاني ما احبه لاني اضحك علية وعلى نفسي اذا اقول راح نعيش بسعادة لان اكبر مني وتفكير عكس تفكيري بغض النظر عن موضوع احمد والمصيبة ان الأثنين اسمأهم احمد افيدونا سعدونا بليز وش اسوي مش قادرة اعيش مع هذا الانسان اولا لاني ما احبه ثانيا هو في مكان وانا في مكان يعني كله جت مع بعض محتاجة منكم الحل وايش اسوي بليز ساعدوني بليز ابغى الحل؟؟؟؟؟؟؟؟؟؟؟؟؟؟؟؟؟؟؟