الله يسعدك ياعسل ماقصرتي
ويفرج همك ويحقق امنياتك
بس انتي قصدك ملعقه الاكل صح؟ للملح اقصد

حبيبتي انا طريقتى يمكن غريبه شويه
بس صراحه تخلى الرز ماشاءالله حبات متفرقه ومو معجونه ومستويه في نفس الوقت
اما الملح فا انا احط مره حده وهيا اول ماطبخ
شوفي ياقلبي
انا لمن اركب الرز
اكشنلو عادى وكل شي واذا كان ابيض ساده اط الزيت والمويه والماجي
وبعدين الملح وازيد المعيار شويه
واحط عليه مويه بارد من الثلاجه
وعلى نار هاديه جدا
يعنى بعض الاحيان اركبو قبل الغداء بساعه او اكثر علشان على مهلو
واحط مويه بس الي تغطى الرز اول مره وثاني مره وطبعا المره الاولى احط الملح
ويكون زايد انتى ذوقيه بالملعقه
علشان لمن تحطى مويه ثانى مره تقلل من الملوحه ويطلع ملحو مزبوط <<ام الاختراع
ان شاء الله انى افدتك جربيها واعطينى خبر اذا زبطت
والله يوفقك يارب

حبيبتي بالنسبة للمويا زيدي ع مقدار الرز بشوي
يعني لما تحطيه بالقدر وتحطي المويا حطي مويا لين ما يغطي الرز او زيدي عليه بشووي

والملح صراحه انا ما اقيس بالملح احط لين ما احسه يكفي ذوقيه واذا طلع مالح زيدي عليه مويا عشان ما يصير مالح

واتمنى اكون افدتك

وعليكم السلام ورحمة الله وبركاته

ان شاء الله مع الأيام راح تكوني أحلى طباخة كبسة

بس انتي حاولي وإستمري , كلنا كنا كذا

يتعبنا مقدار الموية ,

إيش نوع الرز اللي تستخدمينه ؟؟ لأان بعض الأنواع ما تتحمل الماء ,


بأقول لكـ الحاجات اللي أستفدت منها في الكبسة :

الرز أنقعه بماء ساخن بعد ما أجهز المرق , يصير اتركه حوالي ثلث ساعه أو نصف ساعه

بعدين لمن اجي أكبس الرز أغسله مره ثانيه ع السريع

والمويه أخليها فوق الرز بمقدار سانتي ونصف

بالبدايه أترك النار مرفوعه لحد ما تطبخ , وبعدها أقصر عليه
..


الملح إذا كنتي تحطين مكعبات ماجي حاولي ما تكثرين

وقبل ما تكبسين الرز لاااازم تتأكدين من الملح , وحاولي يكون طعمه قوي شوي , وإذا تأكدتي انه ذاب حطي الرز

وانتهى الأمر


* ايش نوع الملح اللي تحطين خشن أو ناعم ؟

واو نفسي في رز أبو بنت

معروف رز ابو بنت يبي مويه كثيييير

..

أبو كأس انقعيه قبل بنص ساعه بماء ساخن او دافيء

لمن تحطين الماء خليه يرتفع فوق الرز بإصبعين


...
الملح الناعم >>يمكن ساسا

انتبهي تكثرين منه لأنه طعمه قوي عكس الخشن



طمنينا ايش يصير معاك