أول شي وحشتوني كلكم عذروني على غيابي لا وفوق هالغياب رجعت لكم بمشكله أو بالأحرى مو مشكله لكن تصرف بدر من زوجي وقاهرني أتمنى ألقى منكم الحل إلي يريحني من التفكير والحيره إلي آنه فيها.

آنه صار لي آشتغل سنه وشوي ومن إشتغلت قمت ما أطلب من زوجي شي بالعكس قمت أصرف على البيت حالي حاله وإذا قصر شي ماأطلب منه يشتري آروح من نفسي وآقضي متطلبات البيت وللأمانه هو ماطلب مني هالشئ آنه من نفسي أساعد وأدري هالشئ مو عيب ولا غلط الزوجه العامله لازم تشارك زوجها.

المشكله هي إني من إشتغلت إعتمدت على نفسي وقمت ما أطلب من زوجي شي وهو تعود عللى هالشي ولكني إذا أطلب منه فلوس يعطيني بس لازم يقولي شنو سويتي براتبج وحق شنو تبين الفلوس وبعدها يعطيني، في مره من المرات كنت أسولف مع صديقتي كانت تنصحني إني أجمع لي فلوس في البنك ولازم ما أصرف كل الراتب ولازم زوجي يصرف علي، زوجي مايبخل علي إذا طلبته يعطيني لكن تصرفه آخر مره قهرني قلت له أبي فلوس طبعاً سألني ليش وحق شنو ومن هالأسئله وبعدها عطاني المبلغ بس قاصر قلت له ليش المبلغ مو كامل قال بس لا تصيرين طماعه والمبلغ قاصر شوي ماتسوى تسوين مشكله قلت له آنه مو مضايقني المبلغ إلي إنت قصرته إلي مضايقني إني مو دايم أطلب منك ولين طلبت تقاصصني على المبلغ آنه من حقي مثل أي زوجه أحس إنه في زوج مسؤل عني ولين إحتجت يعطيني وآنه صراحةً هالمبلغ ماكنت بحاجته بس حبيت أشوف رده لي.

هالكلام صار له يومين وآنه مارضيت آخذ الفلوس خليتها مكانها على الطاوله آنه معانده وهو معاند ولا أحد فينه تكلم في الموضوع من يومها آنه زعلانه ومن حقي أزعل بس هو ليش لي ألحين ساكت ولا يراضيني هو زعلان ليش؟ المفروض آنه إلي أزعل مو هو


إنتو بعد ماقريتو سالفتي شنو رايكم كيف أتصرف؟
أراضيه؟ ولا أنتظر هو يراضيني؟
أخاف أراضيه ويتعود على هالشئ وأخاف أسكت وأكون آنه الغلطانه

مو عارفه إشلون أتصرف

حبيبتي ام مروة انا رديت عليج يالغاليه

http://7awa.roro44.com/vb/showthread...998#post153998

حبيبتي مروه السالفه ماتستاهل الزعل هذا
كله لو اخذتي المبلغ وقلتيله المره اجايه اتمني
المبلغ يكون كامل وانا مااستغنيي عنك لوكان عندي راتب
ومن الكلام الي تعرفينه..
والحين انتي كونن طبيعيه وطنشي الموضوع
وخذي الامور ببساطه ..

السلام عليكم ورحمة الله وبركاته

اختي ام مروة كلام الاخت اهات الشوق صحيح برايي ماا تعملي شي
خليكي طبيعية وكانو اعطااكي المبلغ او ضعفو بس باسلوبك خليه يحس
انو قصر شوي معاكي وانتي مرقتي الموضوع عادي مجرد الاحساس
والصفاء وطيبة القلب كتز بحد ذاتو وشوفي مراة ثاتية
بس لاتخلي هل شغلة موضوعك الشاغل انسيها
بتصفى لحالها
اختك حلا ودمتم

اختي ام مروه يمكن انا صغيره ومو متزوجه
بس برايي
لازم تبقي عند رايك
وما تاخدي المبلغ
خليه يتعود هيك
بس خلي الوضع بينكم عادي
موفقه